Surana
Iohane
to Rungu-runguna
Laluita to mopakanótó óntóꞌna sura
Mouláꞌ toSarani hangkoia, to moukiꞌ sura deꞌe ia miꞌi Iohane, hadua hangko i oloꞌraꞌ topeguruna Iesu. Ia moukiꞌ sura to rungu-runguna deꞌe rekeꞌ-rekeꞌna pare hahioꞌ puloꞌna roo karapoánákana Iesu (90M), tempóna toroꞌ i kótá Epesu. Napakatuáheꞌ upu-upu toSarani i poropensi Asia. (Deꞌe-deꞌe hanggáláꞌ hangko i tampoꞌ Turki.)
I tempóna Iohane moukiꞌ sura deꞌe, araheꞌ guru agama to moánti paturoꞌ to salaꞌ. Rauliꞌ Kerisitu tiꞌara mewaliꞌ tauna, Ia mopakeꞌ peá lenggeꞌna tauna. Rauliꞌ woꞌo, kehapiꞌ kadake bábehiántaꞌ, tiꞌaranto moapa, láwiꞌ wátántaꞌ peá to kadake. Guru-guru agama iti, tiꞌaraheꞌ mopaioru ahiꞌ. To rapaioru, ia miꞌi kapánde.
Iohane mopakanótó kamasalaꞌna upu-upu paturoꞌraꞌ iti. Nauliꞌ, Iesu Ia miꞌi Ánáꞌna Pueꞌ Ala to mewaliꞌ tauna. Ane taisá Pueꞌ Ala, ina mobábehikeꞌ apa to hiolaꞌ hai peundeꞌáNa. Lempóna, ina mokábáhákeꞌ dósántaꞌ, ina mampeuláꞌikeꞌ hawaꞌNa, hai ina mombepokaꞌahiꞌkeꞌ hadua hai hadua.
Hampákáꞌ tunggáiána Iohane talámbiꞌ i 1 Iohane 5:13 to manguliꞌ, “Sura deꞌe kuꞌukiꞌákou to mepoinálái i Ánáꞌna Pueꞌ Ala, bona niꞌisá ntepuꞌu kamolámbiꞌmi miꞌi katueꞌ to maroꞌa to tiꞌara mokahópóꞌá.” I lalu sura deꞌe tabásá bahangapa wátiꞌna to mopakaróhó laluntaꞌ, bona taisá kamolámbiꞌtaꞌ katueꞌ to maroꞌa hangko i Pueꞌ Ala (2:3,5-6; 3:10,14,24; 5:11-12,18-20).
Óntóꞌna
1. Pantepuꞌuána laluita (1:1-4)
2. Toroꞌkeꞌ i lalu kamabaana Pueꞌ Ala (1:5–2:27)
3. Mewaliꞌkeꞌ ánáꞌna Pueꞌ Ala (2:28–4:6)
4. Hangaa-ngaa maꞌahiꞌ laluntaꞌ nodo kamaꞌahiꞌna Pueꞌ Ala (4:7–5:5)
5. Molámbiꞌkeꞌ katueꞌ to maroꞌa to tiꞌara mokahópóꞌá (5:6-21)