Surana
Iohane
to Karongkánina
Laluita to mopakanótó óntóꞌna sura
I lalu sura deꞌe, Iohane tiꞌara moukiꞌ hangaꞌna. Naukiꞌ peá: “Sura deꞌe to hangko i kódóꞌ, Tosaeraꞌ toSarani,” láwiꞌ ia matoama miꞌi. Hai hangko i upu-upu topeguruna Iesu, ia perái to tueꞌ mani tempó onoꞌ. Ia woꞌo motosaei toSarani. Naukiꞌ sura deꞌe rekeꞌ-rekeꞌna pare hahioꞌ puloꞌna roo karapoánákana Iesu (90M).
Mouláꞌ apa to naukiꞌ Iohane i wátiꞌna kaꞌisáꞌ, sura deꞌe napakatu i hadua tosae towawine hai ánáꞌnaheꞌ. Mouláꞌ handaꞌ tauna to mapánde ntepuꞌu motasere Ngkóráꞌna Pueꞌ, tosae towawine iti hai ánáꞌnaheꞌ, mopándiriꞌ hambuaꞌ jemaꞌa toSarani. Araheꞌ woꞌo to mampekiri Iohane toꞌu-toꞌu mopakatu sura deꞌe haweꞌ i hadua tosae towawine hai ánáꞌnaheꞌ.
I lalu sura deꞌe, Iohane mampopambuhinaoáheꞌ bona mombepokaꞌahiꞌheꞌ hadua hai hadua (wátiꞌna ka-6), hai bona maingáꞌ-ingáꞌheꞌ i guru-guru agama to moánti paturoꞌ to salaꞌ (wátiꞌna ka-7 hai ka-9).
Óntóꞌna
1. Pantepuꞌuána sura hai pewátiꞌ (1-3)
2. Ahiꞌ (4-6)
3. Pepaingáꞌi i paturoꞌ to salaꞌ (7-11)
4. Laluita to kahópóꞌána (12-13)