Surana
Peturuꞌ
to Rungu-runguna
Laluita to mopakanótó óntóꞌna sura
To moukiꞌ sura deꞌe ia miꞌi Peturuꞌ, hadua hangko i topeguruna Iesu to hampuloꞌ hai rodua. Sura deꞌe napakatuáheꞌ toSarani to tiꞌaraheꞌ toIahudiꞌ to toroꞌ i poropensi Asia. Poropensi Asia deꞌe-deꞌe mewaliꞌ hanggáláꞌ hangko i tampoꞌ Turki. ToSarani iti rapopeahiahiꞌheꞌ ánti pepoináláiraꞌ i Iesu. Araheꞌ to rasasalaꞌi (2:11-12; 2:15; 3:16; 4:4), araheꞌ woꞌo hawiꞌ to rapopeahiahiꞌ pueꞌraꞌ (2:18-20), hai araheꞌ woꞌo towawine to rapopeahiahiꞌ toámáraꞌ, láwiꞌ toámáraꞌ iti tiꞌaraheꞌ mepoinálái i Iesu (3:1,6).
I lalu sura deꞌe, Peturuꞌ mopakaróhó pepoináláiraꞌ bona mantahaheꞌ i lalu kapári. Nauliꞌ Peturuꞌ, hangko i kapári to morampeheꞌ, ina tongawaꞌ kamaróhóna pepoináláiraꞌ (1:6-7; 4:12). Mouláꞌ paturoꞌna deꞌe, ane rapopeahiahiꞌkeꞌ ánti pepoináláintaꞌ i Iesu, hangaa-ngaa mengkoruꞌkeꞌ oaꞌ i Pueꞌ Ala hai hangaa-ngaa mobábehikeꞌ oaꞌ apa to maroꞌa (4:19).
Óntóꞌna
1. Tabeá (1:1-2)
2. Tatóiá Pueꞌ Ala láwiꞌ Naweꞌikeꞌ pehárungá to maróhó (1:3-6)
3. Ane molámbiꞌkeꞌ kapári, pepoináláintaꞌ rapamagasaꞌ (1:7-9)
4. Rárá katehómpóꞌ rapakanótóákeꞌ moliu Kerisitu (1:10-13)
5. Noumbá katueꞌtaꞌ i duniáꞌ deꞌe (1:14–2:3)
a. Hangaa-ngaa magasaꞌkeꞌ (1:14-16)
b. Hangaa-ngaa mengkoruꞌkeꞌ i Pueꞌ Ala hai mehárungákeꞌ i Hia (1:17-21)
c. Hangaa-ngaa manótó laluntaꞌ hai mombepokaꞌahiꞌkeꞌ hai hángká rángántaꞌ (1:22-25)
d. Hangaa-ngaa nodokeꞌ Pueꞌ Iesu (2:1-3)
6. Iesu: (2:4-10)
a. Ia miꞌi ntóáꞌna pepoinálái (2:4-6)
b. Ia rasapuáka (2:7-8)
c. Ánti bábehiáNa, mewaliꞌkeꞌ taunána Pueꞌ Ala to magasaꞌ (2:9-10)
7. Kehapiꞌkeꞌ ara i lalu kapári, hangaa-ngaa maroꞌa bábehiántaꞌ (2:11–4:11)
a. Hangaa-ngaa maroꞌa bábehiántaꞌ bona tiꞌara ara to peisá mosalaꞌikeꞌ (2:11-17)
b. Pándiriꞌ hangko i katueꞌna Iesu: ane mohintuwuꞌ hai tauna (2:18–3:17)
c. Pándiriꞌ hangko i katueꞌna Iesu: ane molámbiꞌkeꞌ kapári (3:18–4:11)
8. Noumbá pekirintaꞌ ane rapopeahiahiꞌkeꞌ: (4:12-19)
a. Hangaa-ngaa taisá, bateꞌna ina rapopeahiahiꞌkeꞌ (4:12)
b. Hangaa-ngaa tapogóeꞌ, láwiꞌ hintotoꞌkeꞌ molámbiꞌ kapári ánti pepoináláintaꞌ (4:13-18)
c. Hangaa-ngaa mehárungákeꞌ i Pueꞌ Ala (4:19)
9. Paturoꞌ i tadulakoraꞌ toSarani hai i tauna ntániꞌna (5:1-11)
10. Kahópóꞌána sura (5:12-14)