Hangaꞌ-hangaꞌraꞌ tauna to mesuleꞌ hangko i katawaniáraꞌ
2
Bahangapa puloꞌna parena to liu, Datu Nebukanesa motawaniheꞌ toIudá, hai toroꞌheꞌ i tampoꞌ Bábeli. Marue hangko ionoꞌ, handaꞌheꞌ to mesuleꞌ i Ierusale hai i wánuá-wánuáraꞌ i tampoꞌ Iudá.a 2 Tadulako-tadulakoraꞌ iamoheꞌ: Serubábeli,b Iesua,c Nehemia, Seraia, Raelaia, Modekai, Bilisana, Misipa, Bigawai, Rehumu, hai Baana.Deꞌemoheꞌ hangaꞌ-hangaꞌ tina toSáráeliꞌ hai kahandaꞌraꞌ tobaleilo to mesuleꞌ hangko i katawaniáraꞌ:
3 pemuleꞌánaheꞌ Parosi, 2.172 tobaleilo,
4 pemuleꞌánaheꞌ Sepaka, 372 tobaleilo,
5 pemuleꞌánaheꞌ Araka, 775 tobaleilo,
6 pemuleꞌánaheꞌ Paha-Moabiꞌ hangko i Iesua hai Ioabiꞌ,d 2.812 tobaleilo,
7 pemuleꞌánaheꞌ Ela, 1.254 tobaleilo,
8 pemuleꞌánaheꞌ Satu, 945 tobaleilo,
9 pemuleꞌánaheꞌ Sakai, 760 tobaleilo,
10 pemuleꞌánaheꞌ Bani, 642 tobaleilo,
11 pemuleꞌánaheꞌ Bebai, 623 tobaleilo,
12 pemuleꞌánaheꞌ Asagaꞌ, 1.222 tobaleilo,
13 pemuleꞌánaheꞌ Adonika, 666 tobaleilo,
14 pemuleꞌánaheꞌ Bigawai, 2.056 tobaleilo,
15 pemuleꞌánaheꞌ Adini, 454 tauna,
16 pemuleꞌánaheꞌ Atere to rauliꞌ woꞌo Sikia, 98 tauna,
17 pemuleꞌánaheꞌ Besai, 323 tobaleilo,
18 pemuleꞌánaheꞌ Iora, 112 tobaleilo,
19 pemuleꞌánaheꞌ Hasumu, 223 tobaleilo,
20 hai pemuleꞌánaheꞌ Gibara, 95 tobaleilo.
21 Deꞌemoheꞌ tauna to mesuleꞌ hangko i karatawaniáraꞌ, mouláꞌ wánuáraꞌ:
hangko i Beteleme, 123 tobaleilo,
22 hangko i Netopa, 56 tobaleilo,
23 hangko i Anatoꞌ, 128 tobaleilo,
24 hangko i Asamaweꞌ, 42 tobaleilo,
25 hangko i Kiriaꞌ-Arimi, Kepira hai Beeroꞌ, 743 tobaleilo,
26 hangko i Rama hai Gaba, 621 tobaleilo,
27 hangko i Mikama, 122 tobaleilo,
28 hangko i Beteli hai Ai, 223 tobaleilo,
29 hangko i Nebo, 52 tobaleilo,
30 hangko i Magabi, 156 tobaleilo,
31 hangko i Ela to ntániꞌna,e 1.254 tobaleilo,
32 hangko i Harimi, 320 tobaleilo,
33 hangko i Lod, Hadi hai Ono, 725 tobaleilo,
34 hangko i Ieriko, 345 tobaleilo,
35 hai hangko i Senaa, 3.630 tobaleilo.
36 Deꞌemoheꞌ tadulako-tadulako menómbá to mesuleꞌ hangko i karatawaniáraꞌ:
pemuleꞌánaheꞌ Iedaia hangko i Iesua, 973 tobaleilo,
37 pemuleꞌánaheꞌ Imere, 1.052 tobaleilo,
38 pemuleꞌánaheꞌ Pasihuri, 1.247 tobaleilo,
39 pemuleꞌánaheꞌ Harimi, 1.017 tobaleilo.
40 Upu-upu toLewi to mesuleꞌ hangko i karatawaniáraꞌ iamoheꞌ:
pemuleꞌánaheꞌ Iesua hai Kadamie hangko i Hodawia, 74 tobaleilo,
41 toponani i támbina Pueꞌ Ala, pemuleꞌánaheꞌ Asaꞌ, 128 tobaleilo,
42 topokámpái babaꞌá támbina Pueꞌ Ala iamoheꞌ: pemuleꞌánaheꞌ Salumu, Atere, Talamo, Akubi, Hatita, hai Sobai, upu-upuheꞌ 139 tobaleilo.
43 Upu-upu hawiꞌ to mobágóꞌ i támbina Pueꞌ Ala to mesuleꞌ hangko i karatawaniáraꞌ iamoheꞌ: pemuleꞌánaheꞌ Siha, Hasupa, Tabaoꞌ, 44 Kerosi, Siaha, Padono, 45 Lebana, Hagaba, Akubi, 46 Haga, Samalai, Hánáná, 47 Gidele, Gahara, Reia, 48 Resina, Nekoda, Gasama, 49 Usa, Pasea, Besai, 50 Asana, Meuni, Nepusi, 51 Babuꞌ, Hakupa, Hahuri, 52 Basulu, Mehida, Harasa, 53 Barako, Sisera, Tema, 54 Nesia hai pemuleꞌánaheꞌ Hatipa.
55 Upu-upu pemuleꞌáraꞌ hawiꞌna Salomof to mesuleꞌ hangko i karatawaniáraꞌ iamoheꞌ: pemuleꞌánaheꞌ Sotai, Sopere, Peruda, 56 Iaala, Darako, Gidele, 57 Sepaka, Hatili, Pokere-Hasebai hai pemuleꞌánaheꞌ Ami.
58 Upu-upu tauna to mobágóꞌ i támbina PUEꞌ hai pemuleꞌáraꞌheꞌ topobágóꞌna Salomo to mesuleꞌ hangko i karatawaniáraꞌ, kahandaꞌraꞌ 392 tobaleilo.
59-60 Ara woꞌo tauna to pohuꞌ hangko i kótá-kótá Tele-Mela, Tele-Harasa, Kerubi, Adana, hai Imere i tampoꞌ Bábeli, kahandaꞌraꞌ tobaleilo 652, tepasuaꞌheꞌ i pemuleꞌána Delaia, Tobia, hai Nekoda. Agáiáná tiꞌarapoheꞌ moisá heánáheꞌ toioruraꞌ, mewaliꞌ tiꞌaraheꞌ peisá mopatongawaꞌ katoSáráeliꞌraꞌ.
61 Noꞌonoꞌ woꞌo bahangapa tadulako menómbá pemuleꞌánaheꞌ Habaia, Hakaso hai Barasilai, tiꞌaraheꞌ peisá mopatongawaꞌ heánáheꞌ toioruraꞌ. Barasilai iti to mampopohamboko hadua towawine pemuleꞌána Barasilai toGileaꞌg hai mopakeꞌ hangaꞌna pengántiꞌina. 62 Mampeliꞌheꞌ sura poukiꞌá hangaꞌ-hangaꞌ toioruraꞌ, agáiáná tiꞌara ralámbiꞌ, mewaliꞌ tiꞌaraheꞌ peisá mampopolumao bágóꞌraꞌ tadulako menómbá láwiꞌ rarekeꞌ kedáiheꞌ mouláꞌ áturá agama. 63 Mágáuꞌ i tampoꞌ Iudá mokóntóheꞌ mandeꞌ pandeꞌ to rapopenómbá i PUEꞌ hangko tiꞌara mani ara tadulako menómbá mobolobiaꞌ mopakeꞌ Urimi hai Tumimi, bona raisá apa peundeꞌána Pueꞌ Ala.
64 Tauna to ratawani i tampoꞌ Bábeli to mesuleꞌ i tampoꞌraꞌ haduduáraꞌ, kahandaꞌraꞌ upu-upu iba puloꞌna hai rosábu tálu átuna ini puloꞌna (42.360) tauna. 65 I rawana hangko i hira, mesuleꞌheꞌ woꞌo hawiꞌ tobaleilo hai towawine, kahandaꞌraꞌ pitu sábuna tálu átuna tálu puloꞌna hai pitu (7.337) tauna, hai toponani kahandaꞌraꞌ rongatu tauna. 66 Moántiheꞌ woꞌo binataꞌraꞌ, iamoheꞌ:
736 báꞌána dárá,
245 báꞌána baga,h
67 435 báꞌána untá,
hai 6,720 báꞌána kalide.
68 Tempóraꞌ haweꞌ i támbina PUEꞌ i Ierusale, bahangapa kapalaꞌ tina-tina toSáráeliꞌ mohuhuꞌheꞌ popenómbá kabulá lalu bona támbina Pueꞌ Ala raꞌaró huleꞌ i katoroꞌána to rungu-runguna. 69 Mampeweꞌiheꞌ petulungiraꞌ mouláꞌ pebukuáraꞌ. To rarámpu iti, lima átuna kiló buláwá, rosábu uwalu átuna kiló peráꞌ, hai hangatu badu to rapakeꞌ tadulako menómbá.
70 Tadulako-tadulako menómbá, toLewi, hai hanggááꞌ toIudá, toroꞌheꞌ i kótá Ierusale hai i kótá-kótá to hungkuꞌ i Ierusale.i Toponani, topokámpái babaꞌá támbina Pueꞌ Ala, hawiꞌ to mobágóꞌ i támbina Pueꞌ Ala, hingkakani hai toSáráeliꞌ to ntániꞌna, toroꞌheꞌ i kótá-kótá katoroꞌáraꞌ tosaeraꞌ hangkoia.