Semueli
to Karongkánina
Laluita to mopakanótó óntóꞌna sura
Surana Semueli to Karongkánina deꞌe ia miꞌi kaliliuána daritána Daudiꞌ, mantepuꞌu i tempóna ia mewaliꞌ datu mopaháwángi Saulu. Rungu-runguna Daudiꞌ mopárentái peheꞌ toIudá (gáláꞌna ka-1 haweꞌ ka-4). Rooheꞌ mombeala hai tináraꞌ toSáráeliꞌ to ntániꞌna, mohintuwuꞌheꞌ, haneꞌi Daudiꞌ mepárentá i humalele tampoꞌ Sáráeliꞌ (gáláꞌna ka-5 haweꞌ ka-24). Tiꞌara onoꞌ peá. Daudiꞌ hangaa-ngaa mombeala hai tauna hangko i tampoꞌ ntániꞌna to moundeꞌ mokuasaꞌi tampoꞌ Sáráeliꞌ.
Daudiꞌ ia miꞌi tauna to maróhó ntepuꞌu pepoináláina hai pengkoruꞌna i Pueꞌ Ala. Handaꞌ tauna to tetidaꞌ i hia hai mobiláꞌi. Kehapiꞌ noꞌonoꞌ, hangkani-hangkani ia mobábehi dósá mahile bona molámbiꞌ tunggáiána. Agáiáná i tempóna ara to mopahaweꞌ kamasalaꞌna, Daudiꞌ hawiáꞌ menosoꞌ hai mopangákuꞌ dósána. Ia woꞌo mengkaiwóiꞌ hai motarima pehuku hangko i Pueꞌ Ala.
Daudiꞌ raꞌádái toSáráeliꞌ ánti pambiárána hai bábehiána, onoꞌ haneꞌi, ane toSáráeliꞌ molámbiꞌ kapári, to rahárungá, hadua pemuleꞌána Daudiꞌ ina mewaliꞌ daturaꞌ hibali hai Daudiꞌ.
Óntóꞌna
1. Daudiꞌ molámbiꞌ rasiꞌ (1:1–10:19)
a. Daudiꞌ mewaliꞌ daturaꞌ toIudá (1:1–4:12)
b. Daudiꞌ mewaliꞌ daturaꞌ upu-upu toSáráeliꞌ (5:1–7:29)
c. Daudiꞌ mampombealaꞌá tampoꞌ ntániꞌna hai menangi (8:1–10:19)
2. Daudiꞌ molámbiꞌ kapári (11:1–24:25)
a. Daudiꞌ madósá hai Batseba (11:1–12:31)
b. Kasusa i tinána Daudiꞌ (13:1–14:33)
c. Handaꞌ tauna moewaꞌ Daudiꞌ (15:1–20:26)
d. Kahópóꞌána popárentána Daudiꞌ (21:1–24:25)