Iosuá
Laluita to mopakanótó óntóꞌna sura
Sura Iosuá deꞌe naukiꞌ Iosuá haduduána, hai ara woꞌo to motámbái mokana i kamatena.
Sura Iosuá mopaliliu daritakáná toSáráeliꞌ roo kamatena Musa, hai mopatongawaꞌ kanabukekina Pueꞌ Ala dándiNa i Burahima, Isakiꞌ hai Iako, haweꞌ-haweꞌ i pemuleꞌáraꞌ. To Nadándi iti ia miꞌi, ina Naweꞌiheꞌ tampoꞌ Kánáꞌá. Tongawaꞌ ntepuꞌu i sura deꞌe, Pueꞌ Ala mamporángáheꞌ toSáráeliꞌ bona mokuasaꞌiheꞌ tampoꞌ Kánáꞌá hai monangiheꞌ tauna to toroꞌ ionoꞌ.
Teukiꞌ woꞌo i Sura Iosuá, daritakáná Raha, hadua towawine toKánáꞌá to mewaliꞌ toioruraꞌ Datu Daudiꞌ hai Pueꞌ Iesu (Matiu 1:5). Raha iti mewaliꞌ woꞌo pándiriꞌ mokana i tauna to napelae hai napamanótó Pueꞌ Ala ánti pepoináláiraꞌ (Iberani 11: 31; Iakobu 3:25).
Handaꞌ kánina teukiꞌ i Sura Iosuá deꞌe, toSáráeliꞌ mampeuláꞌi upu-upu to napahaweꞌáheꞌ Pueꞌ Ala, tiꞌaraheꞌ hibali hai toioruraꞌ to matemoheꞌ i pádá loriꞌ. Katueꞌtaꞌ woꞌo hangaa-ngaa noꞌonoꞌ, hangaa-ngaa mampeuláꞌikeꞌ peundeꞌána Pueꞌ Ala hai mengkoruꞌkeꞌ i Hia. Wátiꞌ to paraluu tapaioru ntepuꞌu ia miꞌi Iosuá 1:8.
Óntóꞌna
A. ToSáráeliꞌ mokuasaꞌi tampoꞌ Kánáꞌá (1:1–12:24)
1. Popatimama (1:1-5:15)
a. Párentána Pueꞌ Ala i Iosuá (1:1-18)
b. Tauna lao momata-matai kótá Ieriko (2:1-24)
c. ToSáráeliꞌ mengkalimba i uwai Iarade (3:1-17)
d. Hampuloꞌ hai rombuaꞌ watu pambuhinaoá (4:1–5:1)
e. Ádá petileꞌ hai Posusa Paska (5:2-15)
2. Pombeala mokuasaꞌi tampoꞌ to nadándiáheꞌ Pueꞌ (6:1–12:24)
a. Penangi i kótá Ieriko (6:1-27)
b. Karanangiraꞌ i kótá Ai ánti dósána Akani (7:1-26)
c. Penangi i kótá Ai (8:1-35)
d. Karaꞌákálángiraꞌ toGibeo (9:1-27)
e. Tampoꞌ Kánáꞌá tándáꞌ i wóiꞌ rakuasaꞌi toSáráeliꞌ (10:1-15)
f. Tampoꞌ Kánáꞌá tándáꞌ i wongko rakuasaꞌi toSáráeliꞌ (11:1-23)
g. Hangaꞌ-hangaꞌ datu to ranangi toSáráeliꞌ (12:1-24)
B. Pogáláꞌ-gáláꞌ tampoꞌ Kánáꞌá (13:1–22:34) Gáláꞌna ka-13 haweꞌ ka-21 tiꞌara ralimbá i lalu básá Behóá. Raparembe peá.
C. Surudadoꞌ toRube, toGati hai hantangaꞌ toManase mesuleꞌheꞌ lao i tampoꞌraꞌ (22:1-34)
D. Awilina Iosuá (23:1–24:33)
1. Popahaweꞌna Iosuá i toSáráeliꞌ (23:1-16)
2. ToSáráeliꞌ mopakaróhó pengkoruꞌraꞌ i podándiraꞌ hai Pueꞌ Ala (24:1-28)
3. Kamatena Iosuá, karatawuna wátámandoꞌna Iusupu, hai kamatena Eleasa (24:29-33)