Iako hantina melimbá lao i tampoꞌ Másiriꞌ
46
Mewaliꞌ mangkádipurámoheꞌ Iako hantina haneꞌiheꞌ pohuꞌ.
Kahaweꞌraꞌ i wánuá Baraseba,
napopenómbá miꞌi Iako bahangapa báꞌána binataꞌ i Pueꞌ Ala to napenómbái Isakiꞌ,
umána.
2 Tangaꞌ káindi,
mampatongawaꞌ miꞌi Pueꞌ Ala i hia moliu pampetudeꞌá,
Nauliꞌ,
“Iako,
Iako!”
Mehániꞌ Iako,
“Deꞌentoaꞌ,
Pueꞌ.”
3 Mongkóráꞌ miꞌi Pueꞌ Ala,
Nauliꞌ,
“Kódóꞌ miꞌi Pueꞌ Ala to napenómbái umámu.
Ineeꞌkoꞌ malááꞌ lao i tampoꞌ Másiriꞌ,
láwiꞌ ionoꞌ pemuleꞌámuheꞌ ina Kupopewaliꞌ hambuaꞌ kadatuá to mahile.
4 Ina Kuporángákoꞌ lao i tampoꞌ Másiriꞌ,
hai ina Kuánti pemuleꞌámuheꞌ mesuleꞌ mai i tampoꞌ deꞌe,a
hai ane haweꞌ miꞌi tempómu mate,
Iusupu to ina mokádipurákoꞌ.”b
5 Roo onoꞌ,
ánáꞌnaheꞌ Iako mampopesaweꞌ umáraꞌ,
toináraꞌ hai ánáꞌraꞌheꞌ i kereta to napakatuáheꞌ Piraoꞌ,
haneꞌiheꞌ pohuꞌ hangko i wánuá Baraseba.
6-7 Raꞌántiheꞌ woꞌo binataꞌraꞌ hai párewáraꞌ to ralámbiꞌ i tampoꞌ Kánáꞌá,
haneꞌi Iako hai upu-upu pemuleꞌána,
ánáꞌna hai ueꞌna,
laoheꞌ i tampoꞌ Másiriꞌ.
8 Deꞌe miꞌi hangaꞌraꞌ pemuleꞌána Iako to rauliꞌ woꞌo Sáráeliꞌ,
to melimbá lao i tampoꞌ Másiriꞌ:
9-15 Ánáꞌnaheꞌ Iako hai Lea tobaleilo,
pombeusu-usuána node:
Rube ánáꞌna Iako to towutuꞌ hai ánáꞌnaheꞌ:
Henoꞌ,
Paluꞌ,
Hesero hai Karimi.
Simeoꞌ hai ánáꞌnaheꞌ:
Iemue,
Iamini,
Ohada,
Iakini,
Soha hai Saulu.c
Inána Saulu ia miꞌi toKánáꞌá.
Lewi hai ánáꞌnaheꞌ:
Gereso,
Kehaꞌ hai Merari.
Iudá hai ánáꞌnaheꞌ:
Ereꞌ,
Ona,
Sela,
Peresi,
hai Sera,
agáiáná Ereꞌ hai Ona matemoheꞌ i tampoꞌ Kánáꞌá.
Ánáꞌnaheꞌ Peresi ia miꞌi Hesero hai Hamu.
Sakari hai ánáꞌnaheꞌ:
Tola,
Pua,
Aiubi,
hai Simiro.
Sebuloꞌ hai ánáꞌnaheꞌ:
Sereꞌ,
Eloni,
hai Ialeꞌeli.
Ara mani hadua ánáꞌraꞌ Iako hai Lea,
hadua towawine to rahangaꞌ Dina.
Kahambokoraꞌ Iako hai Lea i tampoꞌ Pádá-Árá,
pemuleꞌáraꞌ tálu puloꞌraꞌ hai tálu.
16-18 Ánáꞌnaheꞌ Iako hai Silipa hawiꞌna Lea to naweꞌi Lábá,
meuláꞌheꞌ woꞌo.
Pombeusu-usuána node:
Gati hai ánáꞌnaheꞌ:
Sipio,
Hagi,
Suni,
Esibo,
Eri,
Arodi hai Areli.
Asere hai ánáꞌnaheꞌ:
Imina,
Isiwa,
Isiwi,
Beria,
hai Sera halaluraꞌ towawine.
Ánáꞌnaheꞌ Beria iamoheꞌ Heberi hai Malakie.
Kahambokoraꞌ Iako hai Silipa,
pemuleꞌáraꞌ hampuloꞌ hai ini.
19-22 Ánáꞌnaheꞌ Iako hai Raheli,
pombeusu-usuána node:
Iusupu hai ánáꞌnaheꞌ to rapoánáka i tampoꞌ Másiriꞌ:
Manase hai Eparai.
Asina toinána Iusupu ia miꞌi ánáꞌna Potipera,
tadulako menómbá i kótá On.
Benami hai ánáꞌnaheꞌ:
Bela,
Bekeri,
Asabeleꞌ,
Gera,
Naꞌama,
Ehi,
Rosi,
Mupi,
Upi,
hai Areꞌ.
Kahambokoraꞌ Iako hai Raheli,
pemuleꞌáraꞌ hampuloꞌ hai iba.
23-25 Ánáꞌnaheꞌ Iako hai Biláꞌ hawiꞌna Raheli to naweꞌi Lábá,
pombeusu-usuána node:
Daa hai ánáꞌna:
Husimi.
Natali hai ánáꞌnaheꞌ:
Iasee,
Guni,
Iese hai Sileꞌ.
Kahambokoraꞌ Iako hai Biláꞌ,
pemuleꞌáraꞌ pitu.
26 Pemuleꞌána Iako to melimbá lao i tampoꞌ Másiriꞌ,
ini puloꞌraꞌ hai ini,
tiꞌara maniheꞌ tepasuaꞌ mániána.
27 Ánáꞌnaheꞌ Iusupu to rapoánáka i tampoꞌ Másiriꞌ,
roduaheꞌ.
Mewaliꞌ Iako hantina to haweꞌ i tampoꞌ Másiriꞌ,
upu-upuraꞌ pitu puloꞌna kahandaꞌraꞌ.
Iako hai pemuleꞌánaheꞌ i tampoꞌ Másiriꞌ
28 I tangaꞌ polumaoáraꞌ,
Iako mohuoꞌ miꞌi Iudád moioru lao mohángáꞌá Iusupu bona lao mampombehumbaꞌá umána i roboꞌ Gose.
Kahaweꞌna umána i Gose,
29 Iusupu mopatimama keretana hai lao mampohidupaꞌá umána.
I pombelámbiꞌraꞌ iti,
Iusupu mokápui umána hai marue teriaꞌ i wángána.
30 Nauliꞌ Iako i Iusupu,
“Deꞌe-deꞌe,
timamamoꞌ mate,
láwiꞌ kuitamokoꞌ hai kuisá tueꞌ manikoꞌ.”
31 Roo onoꞌ,
nauliꞌ Iusupu i halalunaheꞌ hai tinána to ntániꞌna,
“Ina laoaꞌ ioru mampopaisá i Piraoꞌ node:
‘Haweꞌmoheꞌ halalungkuꞌ hai tinána umángkuꞌ hangko i tampoꞌ Kánáꞌá.
32 Hira topoewu dimbá hai gapiꞌ,
hai upu-upu binataꞌraꞌ hai párewáraꞌ raꞌánti mai ieneꞌ.’
33 Mewaliꞌ,
ane nakióꞌkou Piraoꞌ hai nakuneꞌkou kana i bágóꞌmi,
34 nipahaweꞌ node:
‘Hangko ánángkóiꞌ maniangkaiꞌ duuꞌna deꞌe-deꞌe,
kaiꞌ topokádipurá binataꞌ nodoheꞌ woꞌo toiorungkiꞌ.’
Ane nipahaweꞌi noꞌonoꞌ,
ina nahuoꞌkou toroꞌ i roboꞌ Gose,
láwiꞌ toMásiriꞌ mampokatidiꞌheꞌ topoewu.”