Pemuleꞌánaheꞌ Esau
36
Deꞌemoheꞌ pemuleꞌána Esau,
to rauliꞌ woꞌo Edo.
2 Esau mampotoina tálu towawine toKánáꞌá,
iamoheꞌ Ádá ánáꞌna Eloni toHeti,
Oholibama ánáꞌna Ana ueꞌna Sibeo toHewi,
3 hai Basama ánáꞌna Sumaila ádina Nebaioꞌ.
4 Ádá moánáka hadua ánángkóiꞌ tobaleilo to rahangaꞌ Elipa.
Basama moánáka hadua ánángkóiꞌ tobaleilo to rahangaꞌ Rehueli.
5 Oholibama moánáka tálu tobaleilo,
iamoheꞌ:
Ieusi,
Iaelami hai Kora.
Upu-upu ánáꞌraꞌ iti rapoánákaheꞌ i tampoꞌ Kánáꞌá.
6-7 Esau hai Iako mewaliꞌheꞌ tauna to pebuku.
Handaꞌ párewáraꞌ,
hai tetámbái woꞌo kahandaꞌna binataꞌraꞌ,
duuꞌna tampoꞌ to rakatoroꞌi iti tiꞌara piꞌi gáná rapandeꞌi binataꞌraꞌ.
Mewaliꞌ Esau megááki hangko i Iako,
lao i tampoꞌ ntániꞌna.
Naꞌánti upu-upu toinána,
ánáꞌna,
upu-upu tauna to toroꞌ i támbina,
upu-upu binataꞌna hai párewána to nalámbiꞌ i tampoꞌ Kánáꞌá.
8 Mewaliꞌ Esau to rauliꞌ woꞌo Edo,
toroꞌ i buluꞌ-buluꞌna i tampoꞌ Sei.
9 Deꞌemoheꞌ pemuleꞌána Esau to mewaliꞌ toioruraꞌ toEdo to toroꞌheꞌ i buluꞌ-buluꞌna i tampoꞌ Sei.
10-13 Toinána Esau to rahangaꞌ Ádá moánáka hadua ánángkóiꞌ tobaleilo to rahangaꞌ Elipa.
Elipa momuleáka lima tobaleilo,
iamoheꞌ:
Tema,
Omari,
Sepo,
Gaetama hai Kenasi.
Ara woꞌo hadua towawine to nakarodua Elipa,
hangaꞌna Timina.
Ia moánáka hadua ánángkóiꞌ tobaleilo to rahangaꞌ Amaleꞌ.
Toinána Esau to rahangaꞌ Basama moánáka hadua ánángkóiꞌ tobaleilo to rahangaꞌ Rehueli.
Hai Rehueli momuleáka iba ánángkóiꞌ tobaleilo,
iamoheꞌ:
Nahaꞌ,
Sera,
Sama hai Misa.
14 Toinána Esau to rahangaꞌ Oholibama,
ia miꞌi ánáꞌna Ana hai ueꞌna Sibeo.
Oholibama moánáka tálu ánángkóiꞌ tobaleilo,
iamoheꞌ:
Ieusi,
Iaelami hai Kora.
15 Deꞌemoheꞌ pemuleꞌána Esau to mewaliꞌ tadulakoraꞌ hantina-hantina:
Elipa ánáꞌna Esau to towutuꞌ,
momuleáka bahangapa tadulako hantina-hantina,
iamoheꞌ:
Tema,
Omari,
Sepo,
Kenasi,
16 Kora,
Gaetama hai Amaleꞌ.
Upu-upuheꞌ to mewaliꞌ tadulako i tampoꞌ Edo deꞌe ia miꞌi pemuleꞌánaheꞌ Ádá toinána Esau.
17 Rehueli ánáꞌna Esau momuleáka bahangapa tadulako hantina-hantina,
iamoheꞌ:
Nahaꞌ,
Sera,
Sama hai Misa.
Upu-upuheꞌ to mewaliꞌ tadulako iti ia miꞌi pemuleꞌána Basama toinána Esau.
18 Oholibama toinána Esau,
ánáꞌna Ana,
momuleáka bahangapa tadulako hantina-hantina,
ia miꞌi:
Ieusi,
Iaelami hai Kora.
19 Upu-upuheꞌ to mewaliꞌ tadulako iti ia miꞌi pemuleꞌána Esau to rauliꞌ woꞌo Edo.
Pemuleꞌánaheꞌ Sei
20-21 Sei ia miꞌi hadua toHori to toroꞌ i tampoꞌ Edo hangkoia.
Deꞌemoheꞌ pemuleꞌána to mewaliꞌ tadulakoraꞌ hantina-hantina:
Lotana,
Sobala,
Sibeo,
Ana,
Diso,
Esere hai Disiana.
22 Lotana momuleáka Hori hai Hema.
Lotana ara halaluna towawine to rahangaꞌ Timina.
23 Sobala momuleáka Alawana,
Manahaꞌ,
Ebala,
Sepo hai Ona.
24 Sibeo momuleáka Aia hai Ana.
Ana iti miꞌi to mohumba pentumbuꞌána uwai to maꞌámuꞌ i pádá loriꞌ i poewuána kalidena umána.
25 Ana momuleáka Diso hai hadua towawine to rahangaꞌ Oholibama.
26 Diso momuleáka Hemada,
Eseba,
Itara hai Kera.
27 Esere momuleáka Bilana,
Saꞌawana hai Akani.
28 Disiana momuleáka Us hai Aran.
29-30 Deꞌemoheꞌ tadulakoraꞌ hantina-hantina toHori to toroꞌheꞌ i tampoꞌ Sei:
Lotana,
Sobala,
Sibeo,
Ana,
Diso,
Esere hai Disiana.
Datu-datu i tampoꞌ Edo
31 Hangko tiꞌara maniheꞌ ara datu to mopárentá toSáráeliꞌ,
datu deꞌemoheꞌ to mombeháwá-háwá mepárentá i tampoꞌ Edo.
32 Rungu-runguna Bela ánáꞌna Beo mepárentá.
Pehodaꞌána popárentána i kótá Dinaba.
33 I kamatena Bela,
napaháwángi Ioba ánáꞌna Sera,
to hangko i kótá Bosara.
34 I kamatena Ioba,
napaháwángi Husiama hangko i tampoꞌraꞌ toTema.
35 I kamatena Husiama,
napaháwángi Hadaꞌ ánáꞌna Bedaꞌ.
Pehodaꞌána popárentána i kótá Awiti.
Ia miꞌi to monangi toMidia i tampoꞌ Moabiꞌ.
36 I kamatena Hadaꞌ,
napaháwángi Samala hangko i kótá Maseka.
37 I kamatena Samala,
napaháwángi Saulu hangko i kótá Rehoboꞌ i wiwi uwai Epara.
38 I kamatena Saulu,
napaháwángi Baꞌal-Hana ánáꞌna Akabo.
39 I kamatena Baꞌal-Hana,
napaháwángi Hádá.
Pehodaꞌána popárentána i kótá Pahu.
Toinána rahangaꞌ Mehetabele ánáꞌna Matereꞌ ueꞌna Mesaha.
40-43 Esau ia miꞌi toioruraꞌ toEdo.
Deꞌemoheꞌ pemuleꞌána to mewaliꞌheꞌ tadulakoraꞌ hantina-hantina:
Timina,
Aliwa,
Ieteꞌ,
Oholibama,
Ela,
Pino,
Kenasi,
Tema,
Mibasaꞌ,
Magadiele hai Irama.
Tampoꞌ to rakatoroꞌi hantina-hantina rahangaꞌ mouláꞌ hangaꞌ tadulakoraꞌ.