Pemuleꞌánaheꞌ ánáꞌna Noho
10
Deꞌe miꞌi daritakáná pemuleꞌáraꞌ ánáꞌna Noho.
Ánáꞌna Noho iamoheꞌ Semuꞌ,
Hama hai Apeꞌ.
Karoona duniáꞌ nalábóꞌ uwai,
pemuleꞌraꞌ handaꞌ tobaleilo.
Pemuleꞌánaheꞌ Apeꞌ
2 Pemuleꞌána Apeꞌ iamoheꞌ:
Gome,
Magoꞌ,
Madai,
Iawa,
Tuba,
Mese hai Tira.
3 Pemuleꞌána Gome iamoheꞌ:
Akena,
Ripa hai Togama.
4 Pemuleꞌána Iawa iamoheꞌ:
Elisa,
Tarisi,
toKiti,a
hai toDodani.
5 Pemuleꞌáraꞌ taunaheꞌ iti toroꞌheꞌ i wiwi tahiꞌ.
Upu-upuraꞌ iti tepasuaꞌ pemuleꞌána Apeꞌ mouláꞌ tináraꞌ,
tampoꞌraꞌ hai básáraꞌ to montaniꞌ-ntaniꞌ.
Pemuleꞌánaheꞌ Hama
6 Pemuleꞌána Hama iamoheꞌ:
Kusi,b
Misirai,c
Putid hai Kánáꞌá.
7 Pemuleꞌána Kusi iamoheꞌ:
Seba,
Hawila,
Sabita,
Raema hai Sabiteka.
Pemuleꞌána Raema iamoheꞌ:
Seba hai Deda.
8 Kusi momuleáka hadua tobaleilo to rahangaꞌ Nimoroꞌ.
Ia miꞌi to rungu-runguna mewaliꞌ tadulako to maróhó.
9 Ia mewaliꞌ woꞌo topoahu to mapánde ánti pewátiꞌna PUEꞌ.
Onoꞌ haneꞌi paka rauliꞌ tauna,
“Kuhárungá bona mewaliꞌkoꞌ woꞌo nodo Nimoroꞌ,
topoahu to mapánde i lindoꞌna Pueꞌ Ala.”
10 Rungu-runguna pehodaꞌána kadatuána i kótá Bábeli,
kótá Ereꞌ hai kótá Aka.
Upu-upu kótá iti i tampoꞌ Sinea.e
11 Hangko ionoꞌ,
Nimoroꞌ melimbá lao woꞌo i tampoꞌ Asuri,
hai moaró kótá Niniwe,
kótá Rehobo-Ir,
kótá Kala,
12 hai kótá Rese.
Rese iti ia miꞌi kótá to mahile,
to ara i hiliꞌna kótá Niniwe hai Kala.
13 Pemuleꞌána Misirai iamoheꞌ:
toLudi,
toAnami,
toLehabi,
toNatuhi,
14 toPaturusi,
toKasiluhi hai toKapitori.
ToKasiluhi iti iamoheꞌ toioruraꞌ toPelisitiꞌ.f
15 Kánáꞌá momuleáka Sido towutuꞌ hai Heti toioruraꞌ toHeti.
16 Kánáꞌá iti mewaliꞌ woꞌo toioruraꞌ toIebusi,g
toAmori,
toGirigasi,
17 toHewi,
toArki,
toSini,
18 toAwadi,
toSemari hai toHamati.
ToKánáꞌá iti mahawuꞌheꞌ duuꞌna maeláꞌ tampoꞌraꞌ.
19 Parailiꞌna tampoꞌraꞌ iti mantepuꞌu i kótá Sido duuꞌna haweꞌ i kótá Gera hai Gasa tándáꞌ i wóiꞌ,
hai tándáꞌ i mata alo parailiꞌna tampoꞌraꞌ haweꞌ-haweꞌ i kótá Sodomo,
Gumora,
Adma,
Seboim,
haweꞌ i kótá Lasa.
20 Upu-upuraꞌ iti tepasuaꞌheꞌ pemuleꞌána Hama mouláꞌ tináraꞌ,
tampoꞌraꞌ hai básáraꞌ to montaniꞌ-ntaniꞌ.
Pemuleꞌánaheꞌ Semuꞌ
21 Semuꞌ,
wutuꞌna Apeꞌ,
ia miꞌi toioruraꞌ upu-upu toIberani.h
22 Pemuleꞌána Semuꞌ iamoheꞌ:
Ela,
Asuri,
Aripasa,
Lud hai Árá.i
23 Pemuleꞌána Árá iamoheꞌ:
Us,
Hul,
Gete hai Mas.
24 Aripasa momuleáka Sela,
hai Sela momuleáka Eberi.j
25 Eberi momuleáka rodua tobaleilo,
towutuꞌ rahangaꞌ Peleꞌ lempóna “ragáláꞌ”,
láwiꞌ i tempó iti duniáꞌ deꞌe ragáláꞌ-gáláꞌ mouláꞌ básáraꞌ.
Ádina rahangaꞌ Ioktan.
26 Pemuleꞌána Ioktan iamoheꞌ:
Alamoda,
Selepi,
Hasa-Maweꞌ,
Iera,
27 Hadora,
Usa,
Dikila,
28 Oba,
Abimae,
Seba,k
29 Opi,l
Hawila hai Ioba.
Upu-upuheꞌ iti tepasuaꞌ pemuleꞌána Ioktan.
30 Parailiꞌna tampoꞌraꞌ mantepuꞌu hangko i wánuá Mesa haweꞌ-haweꞌ i wánuá Separa tándáꞌ i mata alo.
Tampoꞌraꞌ to hungkuꞌ i wánuá Separa iti mobuluꞌ-buluꞌ.
31 Upu-upuraꞌ iti tepasuaꞌheꞌ pemuleꞌána Semuꞌ mouláꞌ tináraꞌ,
tampoꞌraꞌ hai básáraꞌ to montaniꞌ-ntaniꞌ.
32 Noꞌonoꞌ miꞌi daritakáná pemuleꞌána Noho mouláꞌ tináraꞌ hai tampoꞌraꞌ.
Karoona duniáꞌ deꞌe nalábóꞌ uwai,
mahawuꞌ-hawuꞌheꞌ tauna hangko i upu-upu tináraꞌ iti duuꞌna mokatoroꞌiheꞌ humalele duniáꞌ.