Pemuleꞌánaheꞌ Adama
5
Deꞌe miꞌi daritakáná pemuleꞌánaheꞌ Adama.
I tempóna Pueꞌ Ala mampopewaliꞌ tauna,
Nabábehiheꞌ mouláꞌ pambiáráNa haduduáNa.a
2 Napopewaliꞌheꞌ tobaleilo hai towawine,
Nawátiꞌheꞌ hai Nahangaꞌheꞌ “Tauna”.
3 Magáná miꞌi tinuwuꞌna Adama hangatu tálu puloꞌna parena,
moánáꞌ wopaheꞌ hadua tobaleilo to menduru mouláꞌ pambiárána haduduána,b
hai nahangaꞌ Setiꞌ.
4 Roo onoꞌ,
Adama tueꞌ mani uwalu átuna parena,
hai moánáꞌ maniheꞌ bahangapa ánáꞌraꞌ tobaleilo hai towawine.
5 Tinuwuꞌna Adama hahioꞌ átuna tálu puloꞌna parena,
hangko mate riꞌi.
6 Magáná miꞌi tinuwuꞌna Setiꞌ hangatu lima parena,
moánáꞌmoheꞌ hadua tobaleilo to rahangaꞌ Enoꞌ.
7 Roo onoꞌ,
Setiꞌ tueꞌ mani uwalu átuna hai pitu parena,
hai moánáꞌ maniheꞌ bahangapa ánáꞌraꞌ tobaleilo hai towawine.
8 Tinuwuꞌna Setiꞌ hahioꞌ átuna hampuloꞌ hai rompare,
hangko mate riꞌi.
9 Magáná miꞌi tinuwuꞌna Enoꞌ hahioꞌ puloꞌna parena,
moánáꞌmoheꞌ hadua tobaleilo to rahangaꞌ Kena.
10 Roo onoꞌ,
Enoꞌ tueꞌ mani uwalu átuna hampuloꞌ hai lima parena,
hai moánáꞌ maniheꞌ bahangapa ánáꞌraꞌ tobaleilo hai towawine.
11 Tinuwuꞌna Enoꞌ hahioꞌ átuna hai lima parena,
hangko mate riꞌi.
12 Magáná miꞌi tinuwuꞌna Kena pitu puloꞌna parena,
moánáꞌmoheꞌ hadua tobaleilo to rahangaꞌ Mahalaleꞌ.
13 Roo onoꞌ,
Kena tueꞌ mani uwalu átuna iba puloꞌna parena,
hai moánáꞌ maniheꞌ bahangapa ánáꞌraꞌ tobaleilo hai towawine.
14 Tinuwuꞌna Kena hahioꞌ átuna hai hampuloꞌ parena,
hangko mate riꞌi.
15 Magáná miꞌi tinuwuꞌna Mahalaleꞌ ini puloꞌna hai lima parena,
moánáꞌmoheꞌ hadua tobaleilo to rahangaꞌ Iare.
16 Roo onoꞌ,
Mahalaleꞌ tueꞌ mani uwalu átuna tálu puloꞌna parena,
hai moánáꞌ maniheꞌ bahangapa ánáꞌraꞌ tobaleilo hai towawine.
17 Tinuwuꞌna Mahalaleꞌ uwalu átuna hahioꞌ puloꞌna hai lima parena,
hangko mate riꞌi.
18 Magáná miꞌi tinuwuꞌna Iare hangatu ini puloꞌna hai rompare,
moánáꞌmoheꞌ hadua tobaleilo to rahangaꞌ Henoꞌ.
19 Roo onoꞌ,
Iare tueꞌ mani uwalu átuna parena,
hai moánáꞌ maniheꞌ bahangapa ánáꞌraꞌ tobaleilo hai towawine.
20 Tinuwuꞌna Iare hahioꞌ átuna ini puloꞌna hai rompare,
hangko mate riꞌi.
21 Magáná miꞌi tinuwuꞌna Henoꞌ ini puloꞌna hai lima parena,
moánáꞌmoheꞌ hadua tobaleilo to rahangaꞌ Metusala.
22 Roo onoꞌ,
ia tueꞌ mani tálu átuna parena.
I tempó iti,
maroꞌa ntepuꞌu pohintuwuꞌna hai Pueꞌ Ala,
hai moánáꞌ maniheꞌ bahangapa ánáꞌraꞌ tobaleilo hai towawine.
23 Henoꞌ iti tueꞌ i duniáꞌ duuꞌna tinuwuꞌna tálu átuna ini puloꞌna hai lima parena.
24 Maroꞌa ntepuꞌu pohintuwuꞌna hai Pueꞌ Ala,
hai kahópóꞌána naoreꞌ Pueꞌ Ala;c
tiꞌara piꞌi raita i duniáꞌ.
25 Magáná miꞌi tinuwuꞌna Metusala hangatu uwalu puloꞌna hai pitu parena,
moánáꞌmoheꞌ hadua tobaleilo to rahangaꞌ Lame.d
26 Roo onoꞌ,
Metusala tueꞌ mani pitu átuna uwalu puloꞌna hai rompare,
hai moánáꞌ maniheꞌ bahangapa ánáꞌraꞌ tobaleilo hai towawine.
27 Tinuwuꞌna Metusala hahioꞌ átuna ini puloꞌna hai hahioꞌ parena,
hangko mate riꞌi.
28 Magáná miꞌi tinuwuꞌna Lame hangatu uwalu puloꞌna hai rompare,
moánáꞌmoheꞌ hadua tobaleilo
29 to rahangaꞌ Noho,
lempóna “mopalindó”,
láwiꞌ nauliꞌ Lame,
“Ánángkóiꞌ deꞌe ina mopalindókeꞌ i pobágóꞌtaꞌ to matimi.
Maꞌángkárá tahádi,
láwiꞌ tampoꞌ to tapobágóꞌ deꞌe,
nahuku miꞌi PUEꞌ.”
30 Roo onoꞌ,
Lame tueꞌ mani lima átuna hahioꞌ puloꞌna hai lima parena,
hai moánáꞌ maniheꞌ bahangapa ánáꞌraꞌ tobaleilo hai towawine.
31 Tinuwuꞌna Lame pitu átuna pitu puloꞌna hai pitu parena,
hangko mate riꞌi.
32 Magáná miꞌi tinuwuꞌna Noho lima átuna parena,
moánáꞌmoheꞌ tálu tobaleilo,
iamoheꞌ Semuꞌ,
Hama hai Apeꞌ.