Tukaniisaati suurkina
3
01 Uun baruuh sidki miyaadu:
uutak tukaniisaati suurkina ikatiyeet toona harriiweek,
daayi shaga niyaamaab ikati.
02 Tukaniisaati suurkina ibakii gwahaab baabariib ikati.
Ibakii aree gaat takat toobhaat doobiini.
Baruuh fadhaadh tak,
ugarooyooh kaleewaab,
hamooysamaab,
hadareeb,
allamiiniib,
ibakii ikati.
03 Baruuh ibakii bii'askirayeet toonaatu,
ribshaayt anu diga tak baahasaay ikatiyeet toonaatu,
imhallaga areeyiiniib biikaayeet toonaati.
04 Baruuh dhiwaayeeh eekna ibakii daayiib y'anbiikeet toonaati.
Y'araah aree barooh daayiib hamooysiit isnaakiirneet toonaati.
05 Uutak dhiwaayeeh eekna daayiib abkaab baakaay,
Ukwaasanaayt tukaniisi kak daayiib anbiik?
06 Baruuh w'iimaaniib ibakii inwiineet toonaatu,
aflaay baruuh oobliisiit kibir biid'iyeet toonaati.
07 Baruuh oodehay uraawi geeb ibakii daayiib faalamiiniyeet toonaati.
Aflaay baruuh w'eebwa oobliisi sharakiibwa tikwi kiidi.
08 Tukaniisaati shamaamiiga han ibakii daayi adabwa nhasuuytwa id'aneet toonaati.
Baraah ibakii gwida ha biigw'ayneet toonaatu tari talasaay biirayiimayneet toonaati.
09 Baraah ibakii takwaakw sidki iimaan nhas niyaatii y'abikneet toonaati.
10 Baraah hankaab ibakii jarrabameena.
Malya bareeh kehii naat han bitehaayeek,
tukaniisaati shagaamana ba'iiktiin.
11 Oont'aaneet,
tim'ataahna han daayi adab id'aneet toonaati.
Bataah ibakii tuyaandiin eettiirneet toonaati.
Bataah ibakii takwakwtwa nhas niyaatiitwa ikatiineet toonaati.
12 Tukaniisaati shamaamiiga ibakii gaat takat toobhaat doobiiniyeet toonaati.
Y'areehwa dhiwaayeehwa aree ibakii daayiib y'anbiikeet toonaati.
13 Ishamaamiiga ishanhoohna daayiib shagaameen baliin daayi mhiin rayiimeena,
w'iimaanoohna Umasiih Yasuu'iib aree eetehak anu isoorariimna.
14 Ani willa y'eetiit hook rheesamtiyook aharriiw,
oon ujawaab aree barook beeti akantiib.
15 Ani adleeliyeek,
Ukwaasanaay dhiwaayi geeb uudehay igarooyoohna kak sakseeneeb baruuk iikan tindiya.
Ukwaasanaay dhiwa ikatiin,
Ukwaasana udhhaniinaayt tukaniiseewwa,
w'aamuudwa,
usidki asaaswa ikatiin.
16 Udiiniyoon kwabaast tuuna,
kak wint tikatiyeet toona gaal han kiitiwi:
Baruuh w'aadamiit hay'aatiit lawiya,
Aashuuk barooh nhast hay'a ikwaasna,
imalak barooh rhiyaan,
kasseeh yhasheeb bhaliimiya.
Tuduniyaatiib aamanamiya,
umatuuniib aree yakamiya.