Y'ashu Ood'uur Imooraabna
4
Sanbalaat hinin masi ikirra niid'ireet toona imaasiwihoob,
winneet gadabiya,
aree Iyahuudi neewiya.
2 Baruuh y'araweeyooh suuriiwwa,
Saamiraay oodheeshi suuriiwwa hadiidiya,
<<Aan Iyahuudi inhawiilooya naan shagaameena?
Ukirraayoohna aguur yhariwna han?
Karaamaat iifir'a iyadna han?
Gaat yintiib aree faaysitiib yhariwna han?
Baraah een y'awi y'atoolwaab whaash ikeen,
masi ishidhhiinneet toona adgireena?>>
idi.
3 Toobya W'ammoonaayi bariiyooh oodar iifi,
aree baruuh hadiidiya,
<<Baraah eed'irneeb y'aweeyi kirra b'ashoot kehii reewtiniyeek han kat'amtini!>>
idi.
4 Yaa Ukwaasanaayuun,
hinin abaabamna,
sinaakira hoon.
Bareeyooh ooneew eeknaayi girmaay kehii agiraa!
Bareeh saalbaat girba haashiib abuukiib kwaasa.
5 Bareetooh toomaag baakwabiisa tari idanuubeehna suuriisook baahatiiya.
Baraah id'aariigaayi suurii neewsamiyaan hoon.
6 Aflaay hinin ukirra masi nid'ir,
aree kassaah imigwmidaah tarabeemiyaan.
Uudehay kassooh ugin'iisoohna shagaamiyaan.
7 Laakiin Sanbalaatwa,
Toobyaawwa,
W'arabwa,
Y'ammoonaawwa,
Ashduudeeb uudehaywa,
Alguduseeb ikirra ishboobneet toona imaasiwnihoob,
aree tifaraga assamiyaaneet toona imaasiwnihoob,
baraah winneet gadabiyaan.
8 Baraah kassaah hiddaab idbalna,
aree y'eetiit Algudusi kehii finaabwa gwirhaabwa kehii yayaksiineet toona niyaamiyaan.
9 Laakiin hinin Ukwaasanaayoon dehaay siileelna.
Whawaadwa oomb'eewwa aree gw'aadiigaab bareeh ingw'iid nid'i.
10 Malya Yahuudaay uudehay ashkiimiyaana,
<<Y'attal ootaad inawna,
y'aweeyi firkak gwidaabayt hinin ukirra masi ood'uur ka'adgirna.>>
idiin.
11 Masi y'ashooyaan han,
<<Baraah kanaab baakaay tari rhaayeen baakaay,
bareeh eebtik daamni niyad.
Bareeh daartiit ushaga nisingid niyad.>>
idiin.
12 Malya Iyahuudi bareeyooh daraag ikwiir eeyaaniit,
tamin dooraayi mhakwal sooyaan hoon.
Baraah <<Nakamteeni mhiinka,
baraah iith'a hoon iyadna.>>
idiin hoon.
13 Shaawti ukirra udhoomaay faadiib lawiin imhiinaneeb dehay gwadib daasan.
Bareeh dhiwaayee wawaasanaayt gadh'an:
b'adhdhaawwa,
finaatwa nashshabteewwa gadh'an.
14 Uudehay rikwiyee rhanihoob,
asti angad.
Isuurkinaawwa,
idaabtaawwa,
oodehay eerawwa anfaraad,
<<Bareeh baarakwiina!
W'ankwana sh'aana,
baruuh winu aree atrakwkwiyaabu.
Isanaayeekna jillaay finaayaana,
y'areekwa t'arteekwa jillaay finaayaana,
tim'ateekwa igawaayeekwa jillaay finaayaana.>>
adi.
15 Y'ashooyaan niyaameeneet hinin nikaneet toona imaasiwna.
Ukwaasana aree bareeh oomkir hooy ibrir id'iyeet toona imaasiwnihoob,
hinin kassaan ukirra beeti n'agar aree gaalka ushagaayooh y'agar.
16 Beenaay har'ii,
aanda itarab ishaga shagaamiyaan.
Itarab aaraw aree finaatwa,
gwibeebwa,
nashabtwa,
diiti gadh'iiwwa gadh'amiyaan.
Idaabta aree kasseeh Yahuudaay oodehayi har'ii ingadniit ishamna.
17 Baraah ukirra id'irna.
Baliin ood'uuri gadh'i itfiyik han ishagaayoohna ayeeb gaalnaay id'iina,
w'ayoohna ooraaw aree usilhoohna abkaaba.
18 Id'aariiga aree gaalka b'adhdhooh oodar daasaa shagaamiin.
Laakiin uutak ood'a kwinhisiyaab anii geeb yhagit.
19 Malya ani isuurkinaawwa,
idaabtaawwa,
oodehay ooraawwa anfaraad,
<<Ushaga gwidaabu,
mar'a ikati,
aree hinin ukirraay taktakee sagiiba.
20 Ood'aay hiss teemsiiwneebka hinee dehaay m'aana.
Ukwaasanaayuun hini jillaay finaayi indi.>>
adi.
21 Aflaay teefina abkaab eenda tarabee ushaga nisoorarim.
Fajir teekiruum yakeetiit whawaad yhayikw itfar'aneeb ookiik shagaamna.
22 Been oodoor ani han oodehayii dehaay,
<<Whawaad gaalka shamaamiigaayooh yakseetiit Algudus tehooyteeb tehagitneet toonaati.
Aflaay baraah whawaad gw'aadiigaab dehoon ikatiin,
oomb'i aree shagaamanaab ikatiin.>>
adi.
23 Ani tari isanaayi tari y'arawi tari igw'aadiiga yhalakaayeen nash'aab kinki.
Gaalka usilhooh iibri,
eeyam niibyihoob han usilhoon nitfiyik.