Yuunis
Yuunis W'ankwanaay Ifoor
1
W'ankwanaay ibhali Yuunis,
Amiitaay oorii dehaay eeyaaniit:
2 <<Tumadiina Neenawaab toowin beeti difaat kehii bhaliiya.
Beet tumadiinaatiit maagnaay anii suurii eeta.>>
idiin.
3 Laakiin Yuunis W'ankwanaay dhaabiyaayt Tarshiish beeti giigiya.
Baruuh Yaafaab beeti hoogiya.
Beentooy tumiina beeti amaart markab imri.
Eenool ikwsiit har'ii,
batooh y'am aree W'ankwanaay ifuuri jillaay Tarshiish beeti iibaabiya.
4 Malya W'ankwana ubhari kehii akra baraam diigwatiya.
Akraat iisi hooy yakisiyaayt tumarkab kat'amtiib tidwil.
5 Y'iibaabiin kassaah irkwiiniit gaalka ukwaasanaayooh ookna waliikiya.
Tumarkab tinshoofiyi jillaay aree igadh'i ubhariib igidna.
Laakiin Yuunis tumarkabtiib mashaki whii shuumiyaayt b'iya,
beentooy aree akraat n'ariitiib daaya.
6 Ukabtin bariiyooh dehaay eeyaayt,
<<Baruuk kak diwtiniya?
Asti gadaat ukwaasanaayook waliika!
Baruuh han sinaakirtiit tooyat hooy ishidhhiin hoon ikati.>>
idi.
7 Malya y'iibaabiin gaal ooraawii dehaay,
<<M'aana,
toon tunasiibi aaw hoon id'iyeeb gur'aat niigid.>>
idiin.
Baraah gur'aat igidnihoob,
tugur'a Yuunisii dehaay dhibta.
8 Aflaay baraah barooh raatiyaana,
<<Een igwirha kasseeh aaw hoon id'iyeeb sooyaa hoon?
Baruuk naan tid'iya?
Naa mhiinii eetaa?
Whaashuuk naadu?
Naa gwadiinaayiibwa?>>
idiin.
9 Baruuh <<Ani Ibriibu,
W'ankwana aree anbiid,
Ukwaasana utibreeteeb oobharwa whaashwa id'iib anbiid.>>
idi.
10 Tuun tuuna bareeh tisrakwaayt baraah raatiyaana,
<<Baruuk naan tid'iya?>>
idiin.
Baruuh W'ankwanaay fooraab iiktiyeet toona bareeh suur sooyaabuuyt baraah ikanna.
11 Uubhar masi amaagkaab iikti.
Aflaay baraah barooh raatiyaana,
<<Oobhar l'asnayi jillaay barook naan dehook nid'eet toonaatu?>>
idiin.
12 Baruuh <<Asti abiknaateheeb iyameeb gidnaheeb,
shaawti aayam dhibi iyadna.
Uun ubaraam w'akra anii sabbii kehookna y'aab ikatiyeet toona akteen,
ani shahagwaabu.>>
idi.
13 Laakiin aanda whaash beeti har'a sakiyaaneek han adgiraab kiikeen.
Uubhar suureeka amaagkaab iikti.
14 Malya baraah W'ankwanaay dehaay waawiyaana,
<<Yaa W'ankwanaay,
oon ootaki midhhani jillaay hinin geeb baadaar hoon.
Nhas taki madaree baahaasaba hoon.
Yaa W'ankwanaay,
baruuk teharriiwi tid'iya.
15 Malya baraah Yuunis yakisiyaaniit mhakwaliisii n'ati ubhariib tikwisiyaan.
Uubhar w'itrigis aree shaawti dhibiya.
16 Tuun tuuna baliib y'iibaabiin winneet W'ankwana tisrakwaayt,
baraah W'ankwanaay dehaay karaamaat ifr'ana,
aree barooh shagaameeneet toona waadiyaayaan.
17 Laakiin W'ankwana win aashu gaal Yuunis kwant'i ifdig.
Yuunis w'aashooy f'iib mhay hawadwa mhay b'eewwa yhagit.