Yuunis 2

Yuunisiit Toosileel

Yuunis w'aashooy f'iib haayee W'ankwana Ukwaasanaayooh dehaay siileeliya. 2 Baruuh:

<<Ani igwirhaayeeb W'ankwana waliikan,

baruuh han imaasiwheeb.

Ani umiimashiit tehooytee shamaamt ahariw,

baruuk aniit toowaaw tisnaakira.

3 Baruuk oobhar eedhoom tigidaheeb,

eedhoom oobhari whii tigidaheeb.

Been oomhiin kassaah aayam ikwilalnaheeb,

bariiyuuk uumooj w'akra kassuuh

anii kehii irgas.

4 Ani <Bariiyook suuriisii kwidhiyeeb hiisan;

aree bariiyook udiini gaw umugaddas rhi baadiyeeb hiisan.> adi.

5 Aayam ikwilalniit ifiknaheeb,

aayam mhakwaliyaanheeb.

Oobhari siyaam aniib ugirmaay kehii daamiya.

6 Yaa W'ankwana Ukwaasanaayu!

Irbaayi gadamaayi whii daayan;

tuubuut diimaab anii kehii assamta.

Laakiin baruuk umidhhanu udeelaay asti haay eeta.

7 Ani amshaab iiktiyihoob,

barook W'ankwana sh'an.

Bariiyook dehaay siileelan,

udiini gawook umugaddasiib siileelan, baruuk han timaasiwaheeb.

8 Takweet baabari sanama y'abid baliin,

Ukwaasanaayt tin'ima bareeteeh ikatiint y'eefna.

9 Laakiin ani hamaadi miyaawiit kaftii

bariiyook dehaay karramami andi.

Ani toona hooy halafooyaneet, daayiib iikwasi andi.

Umidhhan W'ankwanaay y'iini.>> idi.

10 W'ankwana w'aashu sooya, w'aashu han Yuunis balama haashiib huutamiya.