Yuunis Neenawaab Beeti Idif
3
Malya W'ankwanaay ibhali Yuunisii dehaay malya door eeyaaniit,
2 <<Neenawaayt tumadiina toowin bayaat,
ani aniiweetook tudiigwat sooyaa!>>
idi.
3 Yuunis W'ankwana isnaakiraayt Neenawaab beeti idif.
Oont'a Neenawa winneet wint madiina tiikti.
Tumadiina aree mhayt yinaateeb titkittim.
4 Tooyin t'awwaleet Yuunis tumadiina beeti giig badooya.
Baruuh <<Fadhig tamuun yinaateeb Neenawa kwidhi tindi.>>
idi.
5 Neenawaay uudehay Ukwaasana aamaniyaan.
Baraah baaskiitiyaana,
kassaah aree dis win shiwaali halaaka ikween.
6 Yhabar Neenawaay whad'a iktimnihoob,
baruuh tehad'aayeeti kwirsiisooh yakiya,
whad'a yhalaakaayeeh nash'iya.
Baruuh shiwaali halaaka ikwaayt fathfathiib n'ati is'a.
7 Malya baruuh Neenawaay oodehay sooya:
<<Whad'aawwa idaabtaayeehwa gaanuuniib:
tak tari dhhaniit,
sh'aab tari yaat,
naat han baad'amsiisaana.
Bareeh baatamsaana tari baagw'asaana.
8 Laakiin oodehaywa tidhhaniyaawwa shiwaali halaaka hamiina.
Gaalka ibakii willa Ukwaasana waliikiini.
Baraah ibakii y'amag salalaayeehwa tiribshayteehwa eey'ishneet toonaatu.
9 Toon aaw ikteen?
Ukwaasana aree n'akwmanaayiit tehasiyaaytooh in'iish han ikati.
Aflaay hinin kwidhi kindi.>>
idi.
10 Ukwaasana baraah id'iineet toona rhiyanihoob,
bareeh toomaag hooy karaf akay rhiya.
Baruuh n'akwmanaayayt,
ookwidh whaay fikaab iiktiyeeb bareeyooh kehii kwaasaab kiiki.