Alguduseeb Ikirra Masi Id'arna
3
Malya Alyaashiib ufagiiri oowinwa ifagiiriya aarawwa,
T'anooti Dheefa masi ood'uur badooyaan.
Baraah barooh itkwikwna,
idheefa hooy id'iiniit aree W'ankwanaay dehaay waasiyaan.
Beet teheeta aree Ooshiit Siraayaawwa Hanaan'iiliit Siraayaawwa iktimneeb ookiik id'irna.
2 Ariihaay aanda bareeyooh kwayaay id'ir.
Bareeyooh gidehii aree Sakkuur Imri oor id'ir.
3 W'aashooy Dheefa aree Hasan'aayi ar id'irna.
Baraah itaras dadaasiyaaniit istookwna,
idheefa haay assiini mhakwaraawwa tirbaswa hooy id'iin.
4 Mariimoot Uuriyaay oor,
Haggoosi oor aree oodar ooraaw ishiishboob.
Bariiyooh gidehii aree Mashullaam Barakhiyaay oor,
Mashiisab'eeli oor ishiishboob.
Bariiyooh gidehii aree Saaduug B'annaay oor ishiishboob.
5 Oodar ooraaw aree Tagoo'aayi da ishiishboobna.
Laakiin isuurkinaayaahna oon ushaga abkaab eenda amir sinaakraab kiikeen.
6 Yooyad'a Faasiihi oorwa Mashullaam Bisoodyaay oorwa Udheefa Ush'iiyya ishiishboobna.
Baraah itaras dadaasiyaaniit istookwna,
idheefa haay assiini mhakwaraawwa tirbaswa hooy id'iin.
7 Bareeyooh gidehii aree Malaatya Ijib'ooniiwwa Yaaduun Umiiroonootiiwwa ishiishboobna.
Jib'oonwa Misfaateeb uudehaywa aree Furaati yindhib iifiib whaashi haakmi whii iifiin.
8 Ussii'eel Harhaayaay oor,
dim'araay kwootanaayee gaal iikti aree oodar ooraaw ishiishboob.
Hananiya shakwiint shagaamanaayee gaal iiktiib aree oodar ooraaw ishiishboob.
Baraah Algudus ukirra ubidhdhigil iktimneeb ookiik id'irna.
9 Rafaaya Huuri oor,
Algudusi tarabi haakim iikti aree oodar ooraaw ishiishboob.
10 Ukwayaay aree Yadaaya Hiruumaafi oor ugawiyooh suurii ishiishboob.
Bariiyooh gidehii aree Hattuush Hashabniyaay oor ishiishboob.
11 Malkiyya Haarimi oorwa,
Hashuub Fahat Moo'aabi oorwa weer dar ishiishboobna.
Masi aree Ifirmaayeet Siraaya ishiishboobna.
12 Shalluum Halluuhishi oor,
Algudusi tarabi haakim iikti aree t'artaah ishamniit oodar ooraaw ishiishboob.
13 T'abaati Dheefa aree Hanuunwa Saanuuhaay uudehaywa ishiishboobna.
Baraah masi id'irna,
aree idheefaawwa itaraswa itirbaswa itaakwikwna.
Baraah masi 450 mitra heetaat W'andhooy Dheefa ookiik id'irna.
14 Malkiyya Reekaabi oor,
Beet Hakkaarimi haashi haakim iikti aree W'andhooy Dheefa ishiishboob.
Baruuh udheefa masi ishiishboob,
aree idheefaawwa itaraswa itirbaswa dadaasiya.
15 Shalluun Kalhoosaayi oor,
Misfaati haashi haakim iikti aree Uthawi Dheefa ishiishboob.
Baruuh masi barooh id'ir,
usagif istookw,
aree idheefaawwa itaraswa itirbaswa dadaasiya.
Baruuh masi Silwaami Hoodhiit heeta,
Whad'aayt Dir'aati dar tiifiinaatii,
Daawidiit Tumadiina beeti n'ati hoogiib idaraj han ishiishboob.
16 Bariiyooh har'ii aree Niheemiya Asbuugi oor,
Beet Suuri haashi haakim iikti aree Daawidiib imiimashaayee,
whoodh usan'amaawwa Ifaarsaayi Gawwa ookiik ishiishboob.
17 Bariiyooh gidehii aree Rahuum Baani oori whii iifiin Ilaawi ishiishboobna.
Bariiyooh ukwayaay aree Hashabiya Ga'iilaay haashi tarabi haakim iikti ishiishboob.
Baruuh whaashooh ishiishboob.
18 Bariiyooh gidehii aree Bawwaay Heenadaadi oor,
Ga'iilaay haashi tarab irawi haakim iikti ishiishboob.
19 Bariiyooh gidehii aree Aasar Jeeshiwaay oor,
Misfaati haakim iikti weer dar Igadh'i gawiit footee tehalaagi ookiik ishiishboob.
20 Bariiyooh gidehii aree Baaruukh Sabbaayi oor ash'ariyaayt weer dar tehalaagiitii,
Alyaashiib ufagiiri oowinnaay gawi dheefa ookiik ishiishboob.
21 Bariiyooh gidehii aree Mariimoot Uriyaay oor,
Haggoosi oor weet masaafa ishiishboob.
Baruuh Alyaashiibiib ugawi dheefaay oogaw w'agiya ookiik ishiishboob.
22 Bariiyooh gidehii aree whaashi hadabeeb iifiin ifagiiriya ishiishboobna.
23 Bariiyooh har'ii aree Binyaamiinwa Hashuubwa ugawiyoohna suurii ishiishboobna.
Bareeyooh gidehii aree Asariya Ma'asiyaay oor,
Anaaniyaay oor ugawiyooh daraag ishiishboob.
24 Bariiyooh gidehii aree Binnuuy Hindaadi oor weet masaafa Asariyaay ugawii tehalaagiiwwa oorkwinwa ookiik ishiishboob.
25 Aree Faalaal Usaay oor tehalaagiiti fiiree,
tusiraaya tutageega igw'aadiigaayeet dangalti daraag tiifiit ookiik shagaamiya.
Bariiyooh gidehii aree Fadaaya Far'uushi oor iifi.
26 Udiini gawi shagaamana Oofali kanbuuliib ikwiir aree Iyami Dheefaay fiiree,
yintalaw beeti,
tusiraaya barraab lawtiit ookiik ishiishboobna.
27 Bareeyooh gidehii aree Tagoo'aay da weet masaafa ishiishboobna.
Baraah Tusiraaya toowin barraab lawtiinaatii,
Oofali kirra ookiik ishiishboobna.
28 Whataayi Dheefaay mhakwal aree ifagiiriya ishiishboobna.
Baraah gaalka gawiyoohna suurii ishiishboobna.
29 Bareeyooh gidehii aree Saaduug Immiiri oor ugawiyooh suurii ishiishboob.
Bariiyooh gidehii aree Shama'iya Shakaanyaay oor,
Uyintalawi Dheefaay gw'aadiiga iikti ishiishboob.
30 Bariiyooh gidehii aree Hananiya Shalamiyaay oorwa,
Hanuun Saalaafi oor w'asagwira iiktiibwa han weet masaafa ishiishboobna.
Bareeyooh gidehii aree Mashullaam Barakhiyaay oor ugawiyooh suurii ishiishboob.
31 Bariiyooh gidehii aree Malkiyya dim'araay kwootanaayee gaal iiktiib,
udiini gawi shagaamanaayi gawiiwwa itijari gawiiwwa,
Igw'aadiigaayi Dheefaay suuriiwwa,
urkwini mhakwal iifiib oogawwa ookiik ishiishboob.
32 Aree urkwini mhakwal iifiib oogawwa T'anooti Dheefaawwa aree idim'araay kwootanaawwa tijarwa ishiishboobna.