22
“Umwe bhamughana ghwane nomwe bhataata, munhulikisye, indighongeele ha mbele jhyenyu!”2 Bhaabho bhantu bhobhakamuhulikanga Paulo nalikusāhula ku katendelo kaabho ka Sihebhulania, bhahumbula nakele. Paulo ghajhililika kutenda kubhala,3 “Une ndi Mujhahudi, mufyalwa ghwa ku lugho lwa Taaso mu sihugho sya Kilikia. Tukubha nankatobhelwanga haaha ha Jhelusalemu. Ghamalyeli gho ghakanāngululanga kukamānya Kabhāngo kotwakalēkelwanga na bhanyinefwekulu. Nkabheele muntu ghwa kwijhanda nkana kutunīgha tubhāngo tweke Kabhumba, kobhe bhomulikwīla umwe nonwe teeti.
4 “Nkabheele nendikubhasanfya nkana bhantu ^bhakabheele bhanīghile Nsīla jhyeke Jheesu, bhandi bhanafwa. Nkabheele nendikubhanīgha bhanabhaghoosi na bhanabhakeema, nendikubheghalila mu maghelesya. 5 Maghāmbo ghaagho ghondikumilomba, mupeesi mukulua kumwi na bhakulu bhenaajhe bhonse, bhanakabhe bhakalōla kubha ti, ni gha bhwene. Bhaabho bhakulu, ghobhakampekesyanga lupapulo lwa kujha mukabhafelela Bhajhahudi bheneetu bha ku lugho lwa Damesiki. Nambuuka kujha kooko, aleke imbajhīghalile bhahemba bheke Jheesu bha kooko, imbalente ha Jhelusalemu, aleke bhahuulwe.
6 “Bhonkabheele nendi ha bhwihi kufīka ku Damesiki, isyubha lyafīka hakati, kundi ilangaasi ikulu kufuma mwi ighūlu lyalafya honse. 7 Nangwa hansi, nanhulika silongo silikumbalila kubhala, ‘Sauli, Sauli! Kusi ulikumbunusya?’ 8 Nanhindula nambala, ‘Ee Taata Bhusya, ughwe uli ghanyi?’ Naagho ghahindula ghaabhala, ‘Une ndi Jheesu ghwa ku Nasaleti ghoghwe ulikumbunusya.’ 9 Bhenaane bhonankalōndekananga nabho, bhakalilōlanga lilya ilangaasi, tukubha tebhakahulikanga silongo sya ghulya ^akabheele nalikusāhula none. 10 Namubhasya kubhala, ‘Taata Bhusya, injīle bhuti?’ Naagho ghanhindula kubhala, ‘Jhughalala! Ujhingile mu lugho lwa Damesiki. Moomo, ulobhalilwa milīmo jhyonse jhyohenselwe kukola.’ 11 Leelyo ikunka, nsikabheele nembwene bhukohela lilya ilangaasi ikulu likabheele lyanhofusya. Teetyo bhenaane bhanīgha ku kubhoko, bhanfisya ku Damesiki.
12 “Kundi, haaho ha Damesiki, akabheeleho muntu ghumwi isiina lyajhe najhitilwe Anania. Unyene akabheele mughololoke mwēgho, akabheele na majhemi nkana gha kunīgha Kabhāngo keetu, kabhili akabheele na mpunda nkulu ku Bhajhahudi bhonse bha kooko. 13 Ghakanjisilanga ghajhughalala ha mbali none, ghambalila kubhala, ‘Ghwamughana ghwane Sauli, kūnga kabhili!’ Haahoe, menso ghaane ghajhighuka, nankobhola kumulōla.
14 “Kundi ghajhililika kumbalila kubhala, ‘Kabhumba ghwa bhanyinefwekulu, ghakusāaghula aleke umānye fyatēhile, no kumulōla ghulya Muhosya musila kanyanyala no kumuhulika nalikusāhula noghwe haahoe. 15 Ghaajhīla teetyo, bhukohela ulakubha kalōla ghwajhe ku bhantu bhonse, nolikubhalomba maghāmbo ghonse ghalya ghoghwalōla no ghoghwahulika. 16 Nonwe usyali nohembeele si? Jhughalala! Ubhatisibhwe, umusēeghe Kabhumba aleke ufūlwe bhubhi bhoobhe.’
17 “Kundi nanheleela ku Jhelusalemu. Bhonkabheele nendikutendajhyuka kwa Kabhumba mu Nyumba Nkulu jhya Ipeelelo, nandōla filōli. 18 Mu feefyo filōli, namulōla Sifwe Bhusya Jheesu nalikunomba kubhala, ‘Jhīla bhwangu, ufume moomu mu lugho lwa Jhelusalemu, bhukohela mu loolu lugho tebhalakughaswa ghaagha maghāmbo gholakubha nolikutenda ku luhande lwane.’ 19 Kundi une namuhindula nambala, ‘Sifwe Bhusya, bheene bhajhinsi bhonkabheele nendikujha mu nyumba sya kusangaanilamob aleke imbajhīghalile mu maghelesya no kubhahuula bhantu bhalya ^bhakwisighile ughwe. 20 Mukubha nalikwihaghwa kalōla ghoobhe Sitefano, une nkabheele nenjughalele ha bhwihi. Nanswa kubha ti ajhihaghwe, ne myenda jhyabho bhalya bhakamwihaghanga, nine nkabheele nenjikūngiliile.’ 21 Naagho ghahindula ghaabhala, ‘Kajhe, bhukohela ndikukulaghiila hale, ku bhantu bhasili Bhajhahudi.’”
Paulo alikwibhala kubha ti naagho ni Muluumi
22 Lūuli lwa bhalya bhantu, bhakabheele bhamuhulikiisye fisogha Paulo. Tukubha bhoghakatendanga ighāmbo lilya, bhasumbula kuhuula kajhombe kubhala, “Ghooghu muntu tyahenseelwe kubha bhupanga, mwihaghe!” 23 Haaho bhakabheele bhalikuhuula kajhombe kakulu, bhalikutansya maghwanda ghaabho mu lughamba no kooku lufundu lulikuhehemuka. 24 Ghulya munyampala ghwa bhasilikale bhoghakalōlanga teetyo, ghabhabhalila bhasilikale bhaajhe bhamujhingisye Paulo mu lusinga lwabho, bhamuhuule na sibhooko aleke atende silikusūla bhantu bhamujhangalika. 25 Tukubha, bhobhakabhanga bhahwa kumuhamba mighīla aleke bhamuhuule, Paulo ghamubhasya ghulya musilikale ^akabheele najhughalele haaho kubhala, “Ni bhwene kabhāngo ka Siluumi kaswele kumuhuula Muluumi,c singa fisyali kumānyika fyoghabhiihya?” 26 Ghoogho musilikale, bhoghakahulikanga teetyo, ghaajha mukamubhasya munyampala ghwajhe kubhala, “Ulikuhensa kumwīla bhuti? Muntu ghooghu ni Muluumi!” 27 Kundi, ghoogho munyampala ghaajha kwa Paulo ghamubhasya kubhala, “Mbalile ughwe uli Muluumi?” Paulo ghamuhindula, “Elo.” 28 Ghulya munyampala ghamulomba ghaabhala, “Une nankafumyanga nsābho singi nkana kubha Muluumi.” Paulo ghamuhindula kubhala, “Une ndi Muluumi ghwa kafuuko.” 29 Kundi bhalya bhasilikale ^bhakabheele bhalikumubhasilisya, bhamulēka. Ghulya munyampala ghwabho ghaghubhaha nkana kuhulika kubha ti, Paulo ni Muluumi, bhukohela akabheele ghamuhamba na mighīla.
Paulo alikulentwa ha mbele jhya ibhalasa
30 Ghoogho munyampala ghwa bhasilikale, ghakahensanga kumānya bhwene syasūla Bhajhahudi bhamusitaake Paulo. Mulāabho ghwajhe ghamwighulila, ghabhalomba bhapeesi bhakulu na bhakulu bha ibhalasad bhakomenkane. Kundi ghamulenta Paulo, ghamujhughalalika hakati jhya ibhalasa.