Paulo alikutenda Ighāmbo lyeke Kabhumba ku Tesalonike
17
Mukubha Paulo no Siila bhahita ku Amufipoli no ku Apolonia, bhafīka no mu lugho lwa Tesalonike, mukabheele nyumba jhya kusangaanilamo Bhajhahudi.a 2 Paulo ghakepampikanga nabho kobhe bhoghukabheele mughenyi ghwajhe. Ghakatwalanga mafuku gha nyuma itatu ghalya gha Kutamuka, nalikutensanyia nabho Ighāmbo lyeke Kabhumba, mu nyumba jhya kusangaanila. 3 Ghakabhalāngululanga ghaabhala ti Kabhumba bhwakabheele nabhasile kubha ti Kiliisitob alobhambwa ghajhihaghwa, no kubha alosyuka kufuma ku bhafu. Paulo ghabhalomba ghaabhala, “Jheesu ghooghu ghondikumilomba, gho Muhosya kufuma kwa Kabhumba.” 4 Bhandi Bhajhahudi bhaaswa, bhalipampika kwa Paulo no Siila. Na bhasili Bhajhahudi bhengi bhakabheele bhalikumupeela Kabhumba, kumwi na bhanabhakeema bhengi ^bhakabheele ne ntighili, bhakepampikanga nabho. 5 Tukubha Bhajhahudi bhasyakaghaswanga, bhabha ne ibhubha, bhaajha mu kukaatika lubhugha, bhasūla kajhunga mu lugho lonse. Bhaajha mukalwibhunda lugho lweke Jhasoni, bhajhinsi ti bhalakubhasangamo Paulo no Siila, akulinga bhabhanīghe bhabhafele ha bhantu. 6 Tukubha tebhakabhanīghanga, bhamukulukumpa Jhasoni na bhandi bhahemba ^bhakabheele kumwi naajhe mpaka ku bhakulu bha lugho. Bhatansya kajhombe kubhala, “Bhantu bhaabha bhahughya bhweleelo bhonse, nonwe bhajhisa no kunu, 7 no Jhasoni ghabhasangaanila ha lugho hamwajhe. Bhonse bhalikwīla maghāmbo ghasijhikenyie na malaghi gheke mwami mukulu Kalisaali,c bhalikubhala ti bhali na mwami ghundi ajhitilwe, Jheesu.” 8 Bhakulu bha lugho na bhandi bhantu bhengi bhobhakabhanga bhahulika ghaagho, bhasusuhala nkana. 9 Bhabhalomba Jhasoni na bhenaajhe bhafumye nsunji, kundi bhabhalekuulula bhaajha kumyabho.Paulo no Siila bhali ku Bhelojha
10 Bhobhwakabhanga bhufuku bhwajhila, bhalya bhahemba bhabhafela Paulo no Siila mu lugho lwa Bhelojha. Naagho bhobhakabhanga bhafīka kooko, bhajhingila mu nyumba jhya kusangaanilamo Bhajhahudi. 11 Bhantu bha ku Bhelojha bhakabheele bhatendeke hali bhalya bha ku Tesalonike, bhukohela bhakaliswanga Ighāmbo lyeke Kabhumba ku managha. Bhabha bhalikughakūnga nfuku syonse ghalya Maghāmbo gheke Kabhumba, akulinga bhalōle ghalya ghobhakabhalombanga Paulo no Siila kubha ti ni gha bhwene. 12 Haaho bhantu bhengi bhamwisigha Jheesu, kumwi na bhasili Bhajhahudi, bhanabhaghoosi na bhanabhakeema ^bhakabheele ne ntighili. 13 Tukubha, Bhajhahudi bha ku Tesalonike bhobhakabhanga bhamānya kubha ti Paulo alikulāngulula Ighāmbo lyeke Kabhumba ku Bhelojha, bhakajhanga, bhafīka bhajha kutendako maghāmbo mabhi gha bhukasonganyia, bhasūla sifwangi ha bhantu ^bhakabheele bhakomenkana. 14 Bhalya bhahemba bha ku Bhelojha bhamuhelekesya Paulo ku ngo sya kumbalimbali na tanganika, tukubha Siila no Timoseo bhasīibha ku Bhelojha. 15 Bhalya bhantu ^bhakamuhelekesyanga Paulo, bhakajhanga naajhe mpaka ku Asene. Mu kuheleela bhajhisa na malaghi kufuma kwa Paulo kubhala, Timoseo no Siila bhamulōnde bhwangu.
Paulo ali mu lugho lwa Asene
16 Paulo mukubha nabhahembeele kooko ku Asene, mwēgho ghwakamulwasyanga nkana bhukohela loolo lugho lukabheele lubhumbiike mikiti. 17 Teetyo ghakatensanyianga na Bhajhahudi na bhandi bhantu ^bhakabheele bhakepampika ku Bhajhahudi kumupeela Kabhumba, mukubha bhali mu nyumba sya kusangaanilamo. No mukubha bhantu bhasangaana mwi ibhanja na handi hohonse mafuku ghonse akabheele nalikutensanyia nabho. 18 Mu loolo, Paulo ghabha nalikusangaana na bhantu bha namba na namba. Ghakasangaananga na bhantu ^bhakabheele bhalōnsile maghāmbo gha Bhaipikulod na Bhasitoikie bhantu ^bhakabheele bhakafyomooka. Bhandi bhabhala, “Alikuhensa kutenda si ghooghu kanya maghāmbo gha kufūla?” Bhukohela Paulo akabheele nalikutenda mpola syeke Jheesu ne mpola sya kusyuka kwa bhahele, bhandi bhabhala, “Ghooghu alikutulentela maghāmbo gha mighābho minyēnyi.” 19 Kundi bhaabho bhantu ^bhakafyomooka, bhamufela Paulo kwi ibhalasa ^likabheele lijhitilwe Aleopagho, bhabhala, “Tulikuhensa ututembekesisye fisogha ghaagha malāngululo mahya. 20 Ughwe ulikutulomba maghāmbo mahya mu matwi gheetu, tulikuhensa kughamānya ghaagho kubhala ti ni maghāmbo si.” 21 Bhukohela bha Asene na bhandi bhanyēnyi bha kooko, nfuku syonse bhakabheele bhatēhile kuhulikisya no kutenda maghāmbo mahya bhuhela. 22 Kundi Paulo ghajhughalala hakati jhya ibhalasa lya Aleopagho, ghatenda ghaabhala, “Ale bhantu bha ku Asene! Mbwene kubha ti umwe mughajhimbiike nkana ghonse gha mighābho jhyenyu. 23 Bhukohela, bhombele nendikulyāta mu lugho moomu, nandōla tulunsi twenyu mwa kupeelela, nandōlanga kalunsi kamwi kanyeghilwe, Kwa mughābho ghusimānyiike. Nonwe ghoogho Kabhumba ghomusijhinsi, ghondikuhensa imilombe mpola syajhe.
24 “Kabhumba abhunfile bhweleelo ne fyonse filimo, gho mukulu ghwa ighūlu ne nsi. Unyene tyanajhīkala mu kalunsi kakujhōjhisibhwa na muntu. 25 Kabhili te musanfi ghwakukolelwa milīmo na muntu, unyene ghwabhaheele bhantu bhonse bhupanga ne mpeema ne fintu fyonse. 26 Ghakabhumbanga muntu ghumwi, nfuuke jhyeke ghoogho ghojhikwiliile fihugho fyonse ha bhweleelo. Ghakabhikanga mafuku gha kwīkala ha bhweleelo, fihugho ne nfumba syajhe kubhajhōjhisya meekasi bhantu bhonse. 27 Kabhumba ghakēlanga teetyo akulinga bhantu bha fihugho fyonse bhamumānye, bhamujhimbike, nenga ku kujhisihisya bhalōle mu kufīka hwakali. Hamwi na ghaagho Kabhumba tyali hale ku muntu ghoghonse. 28 Bhukohela unyene gho asūlite tubhe bhupanga, twanalyāta, twanakola ne milīmo jhyetu. Kobha bhobhakajhimbanga bha manjo bha kumwenyu, ‘Ufwe tuli bhaana bhaajhe.’
29 “Kansi ufwe bhukohela bho tuli bhaana bheke Kabhumba, te fisogha kumususanyia Kabhumba ne mikiti jhya sahabhu, ajhe kumususanyia na mabhwe gha kubhāaswa na bhantu. 30 Mafuku ghalya gha bhungalangala bhantu bhasyali kumānya, Kabhumba ghakēlanga kobhe asighabhwene. Tukubha nonwe alikubhalomba bhantu bhonse bha fihugho fyonse, bhaghalaghale. 31 Ku teetyo ghakabhikanga ifuku lya kubhakalila bhantu bhonse ha bhweleelo ku kulōnda bhubhi bhwa muntu ghoghonse. Alokēela leelyo ku kuhitila muntu ghoghalibhiika.f Kabhumba ghakabhahanga bhantu bhonse bhwene bhwa leelyo ighāmbo, ku kumusyula ghoogho muntu kufuma ku bhafu.”
32 Bhobhakahulikanga Paulo ghatendaho ighāmbo lya kusyuka kwa bhahele, bhandi bhamujhangalika nkana. Tukubha bhandi bhabhala, “Tulikuhensa utende kabhili tusihulike seesi mpola sya ghaagha maghāmbo.” 33 Kundi Paulo ghaafuma mu lilya ibhalasa, ghaajha kwakabheele najhiile. 34 Tukubha bhandi ^bhakaghahulikanga ghalya maghāmbo, bhakaghalōndanga bhabha bhahemba. Mu bhaabho akabheelemo Dionisio ghwa kwi ibhalasa lya Aleopagho, no mwanamukeema ghumwi ajhitilwe Damali na bhandi.