Kwihaghwa kweke Jhakobho no kwighalilwa kweke Petelo
12
Mu mafuku ghaaghoe, mwami Helode Aghilipaa ghakajhanga kubhanīgha bhandi bhahemba bheke Jheesu nalikubhasanfya. 2 Ghalaghiila kubhala ti, Jhakobhob ghwamughana ghwajhe ghweke Jhohana, ajhihaghwe na lupanga. 3 Bhoghakalōlanga ti leelyo lyoghajhīla Bhajhahudi bhalitēha, ghajhililika nalyo, ghamunīgha no Petelo. Ghaagho ghakakolekanga mu mafuku gha mubhāla ghwa mabhu ghasibhikilwemo bhumela.c 4 Bhoghakabhanga ghamunīgha, ghamwighalila mwi ighelesya, ghabhiika na bhasilikale fitunfi fine fya bhasilikale bhane bhane bha kumukūngilila. Helode akabheele nabhasile kubha ghwahita mubhāla ghwa Pasaka kumusitaaka ha bhantu. 5 Seesyo nfuku syakabheele Petelo najhīghaliilwe, bhahemba bhakabheele bhalikumutendajhyukila kwa Kabhumba.6 Bhufuku bhwa kuhalamukila ifuku lyakabheele nabhasile Helode kumukalila, Petelo akabheele nalele hakati na bhasilikale bhabhili, nahambilwe mighīla ibhili. Bhandi bhasilikale bhakabheele bhakūngiile mu mulyāngo ghwa kunse ghwa ighelesya. 7 Kobha akatipwile, musambwa ghweke Kabhumba ghamulabhukaho ghajhughalala ha bhwihi naajhe, hajhisa ilangaasi lyalafya mukati ne ighelesya. Musambwa ghamukuumya mu lubhafu, ghamuhalamusya ghaabhala, “Bhuuka bhwangu!” Haahoe jhilya mighīla jhyobhakabheele bhamuhanfile ku mabhoko jhyaputuka jhyahona hansi. 8 Ghulya musambwa ghaabhala, “Fwala myenda jhyobhe ne nkwābho syobhe.” Petelo ghafwala. Ghalōnsya ghaabhala, “Lifimbile ne ighwanda lyobhe, unōnde.” 9 Petelo ghamulōnda bhanyalika kunse, tukubha teghakamānyanga ti ghaagha ^ghalikukolwa na musambwa ni bhwene, akabheele nabhwene kobhe kutulo. 10 Mukubha bhajhiile, bhahita ha ilalililo lya bhasilikale lya kusumbula ne lya bhubhili, kundi bhafīka ha musīgho ghwa kujhingila mu lugho, ^ghukabheele ghwajhīghalwa na lwibhi lwa majhēla. Ghoogho musīgho ghwajhighuka ghwene, bhafuma hanse. Bhaabha bhajhiile mu nsīla bhali kumwi, kobha akatipwile ghulya musambwa teghakamānyikanga koghaajha, Petelo ghasīibha ghongwa.
11 Haaho hoghakabhanga Petelo ghamānya kubha ti te kutulo, ahalamwike, ghaabhala, “Nonwe namānya kubhala Kabhumba ghalaghiila musambwa ghwajhe ghansābhula kufuma mu mabhoko gheke Helode na maghāmbo ghobhakabheele bhabhala kunjīlila Bhajhahudi.”
12 Kafumilo ka haaho, Petelo ghakajhanga ku lugho kwa Maliamu nyina ghweke Jhohana, lindi isiina akabheele najhitilwe Maaliko. Moomo bhantu bhengi bhakabheele bhakomenkana bhalikutendajhyuka. 13 Petelo ghafīka ghajha kughongomola ku lwibhi, mukola milīmo ghumwi muhāla isiina lyajhe Loda, ghajhisa mu kuhulikisya amānye ti ni ghanyi. 14 Bhoghakabhanga ghamānya ti ni Petelo, ghasangabhala nkana, teghakamujhīghulilanga, tukubha ghakakilimanga mukabhalomba ^bhakabheele mu nyumba ti Petelo ali ha mulyāngo.
15 Bhamulomba ghulya muhāla, “Uli na bhusasi!” Ghulya muhāla ghaabhala ti ni fyene feefi fyalikutenda. Bhamulomba bhabhala, “Ghoogho ni musambwa ghwajhe.” 16 Mukubha bhalikutenda ghonse ghaagho, Petelo akabheele nali halyae ha mulyāngo nalikughongomola ku lwibhi. Bhobhakabhanga bhajhīghula mulyāngo bhatembeekesya kubha ti ni nyene fyene, bhasusuka nkana. 17 Petelo ghabhasibhila na kubhoko bhahumbule, ghabhalomba bhuli Sifwe Bhusya bhoghamufumyanga mwi ighelesya. Kundi ghalaghiila bhafele mpola seesi kwa Jhakobhod na bhandi bhenaabho. Kafumilo ka haaho ghahafuma ghaajha kundi.
18 Mukubha kwasya, bhalya bhasilikale myēgho jhyabhila kubhala ti Petelo ghabha bhuti. 19 Helode bhoghakabhanga ghamuhensa ghamubhulwa, ghakabhabhasyanga bhasilikale, ghasemesya bhajhihaghwe. Kundi Helode ghabhuuka kufuma ku Jhudea ghaajha ku Kalisaalia, koghakēkala.
Kufwa kwajhe mwami Helode Aghilipa
20 Helode Aghilipa ghakaghājhanga nkana, ghabhaghājhila bhantu bha ku Tiilo no ku Sidoni. Bhantu bha mu seesi ngo ibhili, bhalihulika bhahensa kusangaana naajhe. Bhakabheele bhaswebhwa na muntu ghumwi ^akabheele najhitilwe Bhulasito, ghwakabheele mukola milīmo ghwa ha bhwihi no mwami Helode. Bhakahensanga bhajhīkale kabhungo ka maholo, bhukohela sihugho syabho kwa mwami Helode kobhakabheele bhataalila fyakulya.
21 Ifuku lyakabheele nabhasile mwami Helode kusangaana na bhaabho bhantu, ghakafwalanga myenda jhyajhe jhya bhwami, ghajhīkala ku sitebhe syajhe sya bhwami, ghasumbula kutānyia ha mbele jhya bhantu bhonse. 22 Bhalya bhantu ^bhakabheele bhamuhulikiisye bhatenda ku silongo sikulu bhabhala, “Seesi te silongo sya muntu, ni silongo syeke nyene Kabhumba.” 23 Haaho na haaho, bhukohela Helode ghakekusyanga ghalijhīlako Kabhumba, ghakahulwanga na musambwa ghweke Kabhumba, ghaliibhwa na nsimi ghasumaalika.