Petelo alikumusisya sisyeta kwi isiina lyeke Jheesu
3
Ifuku limwi Petelo no Jhohana bhakabheele bhajhiile mu kutendajhyuka ku Nyumba Nkulu jhya Ipeelelo lyeke Kabhumba,a sa tisa. 2 Ha mulyāngo ghwa jheejhyo nyumba ^ghukabheele ghujhitilwe Mulyāngo Musogha, akabheeleho muntu ghumwi ^akabheele sisyeta ghwa kafuuko. Nfuku syonse akabheele keteghafelwa ha ghoogho mulyāngo, akulinga abhe nalikusōna sintu syosyonse ku bhantu ^bhakabheele bhalikwingila mu lusinga lwa jheejhyo nyumba.3 Ghoogho sisyeta bhoghakabhanga ghabhalōla Petelo no Jhohana bhalikwingila moomo, ghabhasōna mahela. 4 Petelo no Jhohana bhamutembeekesya nkana, kundi Petelo ghamulomba kubhala, “Tukūnge ufwe!” 5 Kundi nonyene ghabhakūnga, nalikulanganyia ti alakuheebhwaho sintu syosyonse.
6 Tukubha Petelo ghamulomba ghaabhala, “Une nsili na mahela ghoghonse, syondi nasyo syonankukuheekesya.” Kundi ghamulomba kubhala, “Kwi isiina lyeke Jheesu Kiliisito ghwa ku Nasaleti, bhuuka ulyāte.” 7 Haaho Petelo ghamunīgha ku kubhoko kwa kwene, ghamubhuusya. Kusumbulila haahoe maghūlu ghaajhe ne nfunyilo sya maghūlu fyakaka. 8 Ghajhughalala, ghajha kulyāta nyene. Ghajhingila mu lusinga lwa Nyumba jhya Ipeelelo lyeke Kabhumba hamwi no Petelo no Jhohana, kooku nalikutubhaghuka nalikumulumba Kabhumba. 9 Bhantu bhonse bhamwilōleela bhwalikulyāta nalikumulumba Kabhumba. 10 Bhobhakamumānyanga kubha ti gho ghooghuli ^akabheele najhīkeele ha mulyāngo ghwa Nyumba Nkulu jhya Ipeelelo nalikusōneelesya, bhalikosa mahi ku maghāmbo ^ghakabheele ghakoleka.
Petelo alikubhalāngulula bhantu kubha ti Jheesu ali bhuti
11 Mu loolo lusinga lwa Nyumba Nkulu jhya Ipeelelo, hakabheele no luhande ^lukabheele lujhitilwe Ibhanja lyeke Solomoni. Haaho hobhakajhanga Petelo no Jhohana, no ghulya muntu akabheele nabhanīghiliile. Haahoe hobhakakomenkananga bhantu bhalikwilōleela bhuli bhoghasila. 12 Petelo bhoghakabhanga ghaalōla ghaagho, ghabhabhasya kubhala, “Alōle Bhesilaheeli, nasi leeli lilikumilubha? Nasi mwahela mutukūngiile? Teeti mujhinsi ti ghooghu muntu ghasila ku managha gheetu? Ajhe mujhinsi ti ni bhutendeke bhotuli nabho kwa Kabhumba? 13 Kabhumba ghwa bhanyinefwekulu, Bhulahimu,b Isaka no Jhakobho ghakamunywamika Jheesu mukola milīmo ghwajhe. Tukubha umwe mwakamubhikanga mu mabhoko gha bhemba akulinga bhamwihaghe. Pilaatoc ghakahensanga ti amujhīghulile, umwe mwatuna. 14 Jheesu akabheele ntenteko ghwa bhwene, tukubha umwe mwakamutunanga, mwatēha ajhīghulilwe ghulya mwihaghanyi.d 15 Teetyo, mwamwihagha ^akabheele njimo jhya bhupanga. Tukubha Kabhumba ghakamusyulanga kufuma kusimu, nofwe ghofwe bhakalōla bhuli bhoghakasyukanga. 16 Nonwe, ghooghu muntu ghomubhwene mumujhinsi fisogha. Ghapāta managha gha kujhughalala kwi isiina lyeke Jheesu. Ku kumwisigha Jheesu, ghasila bhuliko kobhe bhomumubhwene.
17 “Nonwe bhamughana ghwane, nyinsi kubhala, umwe na bhaghosibhakulu bhenyu mwakaghakolanga bhusila kumānya. 18 Ghaagho ghakakolekanga akulinga Kabhumba akwisye maghāmbo ghonse ghoghakatendanga kuhitila ku bhaghwelaghu bhaajhe bhonse kubhala, Kiliisito alokabhunusibhwa. 19 Kansi umwe, ghalaghale kwa Kabhumba, akulinga alesye bhubhi bhwenyu, akubha siise nfuku sya mujheebho ghwa bhupanga bhwatuheele Kabhumba. 20 Haaho Kabhumba alomulaghiila Jheesu Kiliisito, Muhosyae gho mwalibhiikilwa. 21 Jheesu ni ghwakukabha nali mwi ighūlu nfuku syonse, mpaka ifuku lyakukabha fyonse ghafijhōojhya luhya. Teetyo bhwabhasile Kabhumba kufuma kale, ku kuhitila bhaghwelaghu bhaajhe bhasila kanyanyala. 22 Musa ghakabhalanga, ‘Siinywe Bhusya Kabhumba alobhuusyamo mughwelaghu kobhe une mu umwe, ketemwahulikisya fyonse fyalotenda nenyu. 23 Muntu ghoghonse ghwa kubhula kumuhulikisya ghoogho mughwelaghu, alobhaalulwa kufuma mu bhantu bheke Kabhumba no kumulobheesya.’f 24 Bhaghwelaghu bhonse kusumbulila Samweli na bhandi bhonse bhakalōndanga, bhakaghatendanga maghāmbo ghonse ghaagha ghalikukoleka nonwe. 25 Ghonse ghwatensile Kabhumba kuhitila ku bhaghwelaghu bhaajhe, ni gha kumwenyu. Muli mu kalaghano koghakēlanga Kabhumba na bhanyinenywekulu, kobhe bhoghakamulombanga Bhulahimu kubhala, ‘Ku kuhitila bhukwa bhoobhe, bhantu bhonse ha bhweleelo bhalopambulilwa.’g 26 Kabhumba bhoghakabhanga ghamufumya Jheesu mukola milīmo ghwajhe, ghakasumbulanga ghamulaghiila kumwenyu, akulinga amipambulile mwense ku kumihīndula mufume mu bhubhi bhwenyu.”