Malāngululo gheke Jhohana Mubhatisi
(Matajhu 3:1-12; Maaliko 1:1-8; Jhohana 1:19-28)
3
Mu mwaka ghwa ikumi na bhutaanu Kalisaali Tibhelio najhimile, Pontio Pilaatoa akabheele najhimile ku sihugho sya Jhudea, no Helode Antipa mwami ghwa Ghalilaajha, no Filipo ghwamughana ghwajhe akabheele najhimile mwi Itulea no mu Talakoniti, Lisania naagho akabheele najhimile mu Abhilene. 2 Mu mafuku gha bhapeesi bhakulu Anasi no Kajhafa, Ighāmbo lyeke Kabhumba lyakamwisilanga Jhohana mwana ghweke Sakalia, mwi isēnga. 3 Jhohana ghakajhanga mu ngo syonse ^sikabheele ku mbalimbali na monga ghwa Jholodani, nalikubhalāngulula bhantu bhaghalaghale, bhabhatisibhwe akulinga Kabhumba alesye bhubhi bhwabho. 4 Ghaagho ghaliho kobhe bhofinyeghilwe mu sitaabhu syeke mughwelaghu Isaajha,“Silongo sya muntu ^alikutangiila mwi isēnga,
‘Mujhōojhisye nsīla Taata Bhusya,
gholole maghana ghaajhe.
5 Hohonse hali liina halofūliilwa, na hali katuulo no musosi halobha mutendansi,
hatintimale haloghololwa,
habhihabhi halojhōojhisibhwa.
6 Na bhantu bhonse bhalolōla bhuli Kabhumba bhwalikubhasābhula bhantu bhaajhe.’”
7 Kundi Jhohana ghajha kubhalomba lūuli lwa bhantu ^bhakabheele bhalikuhensa kubhatisibhwa ghaabhala, “Ale nfuuke jhya nsoka! Ni ghanyi ghamikabhanga mwiluke kahūmbi kesile? 8 Nonwe kobhe siti silikuha majhābho masogha, kolenge gha bhutendeke ghajhikenyie no kughalaghala kwenyu. Musisūlwi kubhala mu myēgho jhyenyu kubha ti, ‘Tuli naajhe siifwe Bhulahimu!’ Ndikumilomba, Kabhumba akobhwele kuhīndula ghaagha mabhwe ghabheko bhaana bheke Bhulahimu! 9 Nonwe teeti kahūmbi keke Kabhumba kesile, kobhe muntu ataliike mpasa kuhensa kunena siti, bhukohela siti sisiheele majhābho masogha siloputwa syateelwa mu mulīlo.”
10 Mulēgha ghonse bhamubhasya, “Twīle bhutilo nonwe?” 11 Jhohana ghabhalomba, “Ali ne nkanjo ibhili ghamuheekesya asili najhyo, ali ne fyakulya ghaajhīla bhoobhoe.” 12 Bhakanya kulīhiisya makomob naagho bhakajhanga mu kubhatisibhwa, bhamubhasya Jhohana, “Sifwe bhuhemba, twīle bhuti nofwe?” 13 Ghabhahindula ghaabhala, “Musilihiisi kusumba lughēla lubhikilwe.” 14 Bhasilikale naagho bhamubhasya, “Ufwe nofwe twīle bhuti?” Ghabhalomba ghaabhala, “Musitwali mahela gha muntu ghoghonse ku managha, musimutwikilisi muntu ighāmbo, kabhili lingaanilwe na mahela ghomulikulīhwa ku mulīmo ghomulikukola.”
15 Mu mafuku ghaagho bhantu bhakabheele bhahembele meesilo gheke Muhosya kufuma kwa Kabhumba, bhajha kwibhasya mu myēgho jhyabho, “Mbele ghooghu Jhohana gho Muhosya!” 16 Jhohana ghabhahindula ghaabhala, “Bhwene une ndikumibhatisya ku mansi. Tukubha hali na ajhisile ali na managha kusumba une, ghwakukabha une nsinamwiteelako nenga tu kulimbula mighīla jhya nkwābho syajhe. Ghoogho ghwalomibhatisya ku Mwēgho Mulafu ghweke Kabhumba no ku mulīlo. 17 Ghwakukabha unyene luhe luli mu mabhoko ghaajhe, akulinga ajhelange ngano ghabhiika mu kabhangula. Tukubha mahaha aloghatumba mu mulīlo ghusikosipa.”
18 Ku maghāmbo ghaagho na ghandi mengi, akabheele nalikubhahimilisya bhantu nalikubhatānyisya Sikūla Sisogha. 19 Tukubha Jhohana bhoghakabhanga ghamukalihila mwami Helode Antipa ku kumutoola Helodia muka ghwamughana ghwajhe na ghandi mabhi ghwakabheele nalikwīla, 20 kundi mwami Helode ghaghungilisya mabhi ku ghandi, ghamwighalila Jhohana mwi ighelesya.
Kubhatisibhwa kweke Jheesu
(Matajhu 3:17; Maaliko 1:9-11)
21 Jhohana mukubha nasyali kujhīghalilwa akabheele nalikubhatisya bhantu bhengi, Jheesu naagho ghajhisa, ghabhatisibhwa. Bhwakabheele nalikutendajhyuka kwa Kabhumba, ighūlu lyajhighuka, 22 kundi Mwēgho Mulafu ghweke Kabhumba ghamusookela, meesilo ghaajhe, ghalōleka kobhe nkundya. Silongo syahulikika kufuma mwi ighūlu kubhala, “Ughwe ghoghwe mwanaane, ntone ghwane, ulikundyohya.”
Bhukwa bhweke Jheesu
(Matajhu 1:1-17)
23 Jheesu mu kusumbula milīmo jhyajhe, akabheele na myaka makumi atatu, bhantu bhakabheele bhajhinsi kubha ti, “Ni mwana ghweke Jhusufu,” mwisukulu Heeli.
24 Heeli akabheele mwana ghweke Matati,
Matati mwana Laawi,
Laawi mwana Meliki,
Meliki mwana Jhanai,
no Jhanai mwana Jhusufu.
25 Jhusufu akabheele mwana ghweke Matatia,
Matatia mwana Amosi,
Amosi mwana Nahumu,
Nahumu mwana Isili,
ne Isili mwana Naghai.
26 Naghai akabheele mwana ghweke Maati,
Maati mwana Matatia,
Matatia mwana Semeini,
Semeini mwana Jhoseki,
no Jhoseki mwana Jhoda.
27 Jhoda akabheele mwana ghweke Jhohanani,
Jhohanani mwana Lesa,
Lesa mwana Selubhabheli,
Selubhabheli mwana Selutyeli,
no Selutyeli mwana Neli.
28 Neli akabheele mwana ghweke Meliki,
Meliki mwana Hadi,
Hadi mwana Kosamu,
Kosamu mwana Elimadamu,
no Elimadamu mwana Eli.
29 Eli akabheele mwana ghweke Jhosua,
Jhosua mwana Elieseli,
Elieseli mwana Jholimu,
Jholimu mwana Matati,
no Matati mwana Laawi.
30 Laawi akabheele mwana ghweke Simehoni,
Simehoni mwana Jhuuda,
Jhuuda mwana Jhusufu,
Jhusufu mwana Jhonamu,
no Jhonamu mwana Eliakimu.
31 Eliakimu akabheele mwana ghweke Melea,
Melea mwana Mena,
Mena mwana Matata,
Matata mwana Natani,
no Natani mwana Daudi.
32 Daudi akabheele mwana ghweke Jheese,
Jheese mwana Obhedi,
Obhedi mwana Bhoasi,
Bhoasi mwana Salumoni,
no Salumoni mwana Nasoni.
33 Nasoni akabheele mwana ghweke Aminadabhu,
Aminadabhu mwana Adimini,
Adimini mwana Alini,
Alini mwana Hesiloni,
Hesiloni mwana Pelesi,
no Pelesi mwana Jhuuda.
34 Jhuuda akabheele mwana ghweke Jhakobho,
Jhakobho mwana Isaka,
Isaka mwana Bhulahimu,
Bhulahimu mwana Tela,
no Tela mwana Naholi.
35 Naholi akabheele mwana ghweke Selughi,
Selughi mwana Leghau,
Leghau mwana Peleghi,
Peleghi mwana Hebheli,
no Hebheli mwana Sala.
36 Sala akabheele mwana ghweke Kenani,
Kenani mwana Alufakisadi,
Alufakisadi mwana Semu,
Semu mwana Nuhu,
no Nuhu mwana Lameki.
37 Lameki akabheele mwana ghweke Metusela,
Metusela mwana Henoko,
Henoko mwana Jhaledi,
Jhaledi mwana Mahalaleli,
no Mahalaleli mwana Kenani.
38 Kenani akabheele mwana ghweke Enosi,
Enosi mwana Seti,
Seti mwana Adamu,
no Adamu ghoghakabhumbwanga na Kabhumba.