SITAABHU SYEKE MUGHWELAGHU JHONA
Mulombolo
Jhona akabheele mughwelaghu ghwa kufuma mu lugho lwa Ghati Hefeli, mu sihugho sya Isilaheeli. Akabheele mwana ghweke Amitaali, bhukwa bhweke Sabhuloni. Mwami ^akabheele najhimile mu mafuku ghaagho ni mwami Jhelobhohamu ghwa bhubhili (mu myaka jhya 793-753 nasyali kufuuka Jheesu). Kūnga Sitaabhu sya bhubhili sya Bhaami 14:25. Mu mafuku ghaagho, sihugho sya Isilaheeli sikabheele na masōola makulu ne sihugho sya Asyulu. Kabhumba ghakamulaghilanga Jhona ajhe mu lugho lukulu lwa mpasi jhya Asyulu, ^lukabheele lwitilwe Ninawi, abhakabhe bhantu ku mabhi ghobhakabheele bhalikwīla. Jhona ghakatunanga, ne nfūno jhyakasūlanga ghatuna akabheele nalikuhensa Bhaninawi bhafwe bhukohela gho bhalentile isumo mu sihugho sya Isilaheeli. Jhona akabheele nalikuhensa Bhaninawi bhajhingililwe na kahūmbi keke Kabhumba akulinga Bhesilaheeli bhalōle ha kutamukila (kūnga Jhona 3:4-5, 10).
Kabhumba alikuhensa kutulānsya kubha, hatuhu muntu anamulēsya kukola fyoghabhala, kabhili ni hatuhu kamupootile. Silikuhenselwa nifwe bhantu kumuha ntighili. Bhukohela Kabhumba te Kabhumba ghwa Bhesilaheeli bhuhela, ni ghwa bhantu bhonse, ghanabha mwami ghwa fihugho fyonse. Ni hatuhu muntu anabhiika lufūmba lwa sighōngo syeke Kabhumba. Kabhumba tyatēhile kufwa kwa bhantu bhoghakabhumbanga, ali na sighōngo ku bhantu bhonse. Gho kubhala ahensile bhantu bhonse bhaghalaghale bhafwilwe sighōngo. Kabhili, bhukohela bhobhafwilwa sighōngo bheene, bhabhe na sighōngo ku bhandi bhantu.
Maghāmbo ‘sye bhusya’, kubha ghwasānga linyeghilwe nkulu mwenga ‘SYE BHUSYA’ lilikubhala Kabhumba. Kubha ghwasānga linyeghilwe ntooli mwenga ‘sye bhusya’, lilikubhala muntu te Kabhumba.