SITAABHU SYEKE LUTU
Mulombolo
Seesi sitaabhu siheebhilwe isiina lya mwanamukeema ^akabheele najhitilwe Lutu, ^akabheele Mumohabhu. Bhamohabhu bhakabheele bhafitinkene fihugho na bhaana bha Isilaheeli. Bhofilōleke mafuku ghaagho fihugho feefi fibhili bhakabheele bhehulike nensa. Mpola sili mu seesi sitaabhu ni maghāmbo ghakatendekanga mafuku gha bhatwale ^bhakabheele bhajhimile bhabhalombwele Bhesilaheeli (mu myaka jhya 1375-1050 nasyali kufuuka Jheesu). Mu mafuku ghaagho sihugho sya Isilaheeli sikabheele sisyali kusumbula kwima bhaami. Bhatwale bhakabheele bhajhimikwa nanyene Kabhumba bhalōle mu kubhalombola Bhesilaheeli kujha kwi isumo. Kabhili gho bhakabheele bhakala maghāmbo (kūnga Sitaabhu sya Bhatwale 2:10-19).
Malāngululo makulu ghotulikulāngwa mu seesi sitaabhu ni kubhala, lwampemba lweke Kabhumba ni ku bhantu bha fihugho fyonse. Lutu akabheele ghalōleka kubha ti ghabhulwa fyonse. Kabhumba ghakamupambulilanga, ghajhingila mwi ifume lya bhaami bhakulu mu bhonse mu nfuuke jhya Isilaheeli, gho mwami Daudi no Jheesu Kiliisito. Mu seesi sitaabhu bhutendeke bhweke Lutu ku bhamughana ghwajhe bheke ibha, bhuli halafu. Kabhili sighōngo syeke Kabhumba sya kubhakōnka bhantu bhaajhe mu mafuku makaka no kubhaha managha bhantu bhaajhe, sili halafu.
Maghāmbo ‘sye bhusya’, kubha ghwasānga linyeghilwe nkulu mwenga ‘SYE BHUSYA’ lilikubhala Kabhumba. Kubha ghwasānga linyeghilwe ntooli mwenga ‘sye bhusya’, lilikubhala muntu te Kabhumba.