Ka Zhəwifə tivə məndi ta nziy mbə məlmə Zheruzalem mbə mbəzliy zhəghəkəvashi
11
Mbəzli dikə dikə ni mbə hulfə ka zhəwifiy, mbə məlmə Zheruzalem niy səəkə ghəshiy nziyshi. Niy tərəmbə mbəzli na, mbaʼ məndi təhəvərishi məŋ məŋ kwa zəərə shi. Sa dza mbəzli məŋ məŋ ni va na, ka ti dandərɗə kwa jipə tsa shi, ta ti ndə mbə shi kutiŋ ta nziy ghəci mbə məlmə Zheruzalem, məlmə ɗewɗew na. Niy tərə va mbəzli məsliɗə ni ki na, nza ghəshi dzaa nziy dzar mbə nihuti məlməhi. 2 A nihuti mbəzli mbə ka Zhəwifə niy tarəvə nziy lə ɗi tsa shi mbə məlmə Zheruzalem, mbaʼ mbəzli falti niva mbəzli gwanashi.3 Mbəzli dikə dikə ni tə hiɗi ka Zhuday, mbə məlmə Zheruzalem niy nza ghəshi lə nziy tsa shi. Ma na nihuti ka Izərayel, lə nihuti ka ta Hiyala, mbaʼ mbəzli mbə takə tsa Levi, mbaʼ ka ghəra sləni juw juw na kiy ghyi tsa Hiyala, mbaʼ mbəzliy səvəri kwa miy dəgha mbəzliy niy ghəra sləni kaa mazə Saləmuŋiy, mbə məlmə shi, tə pi tsaa niy nza ghəshi niy nzənziyshi ghəshi. 4 Ya tsəgha nzə kiy, a nihuti mbəzli mbə takə tsa Zhuda lə mbə takə tsa Benzhameŋ niy nziyshi mbə məlmə Zheruzalem.
Mbəzliy niy nziyshi mbə takə tsa Zhuwday, avanashi: kar Ataya zəghu Uziya ntsa yakə Zekariya zəghu Amariya, ntsa yakə Shefatiya zəghu Mahalalel kwa miy dəgha Pereshə, 5 mbaʼ Maseya zəghu Baruk ntsa yakə Kul-Huze zəghu Hazaya, ntsa yakə Adaya zəghu Yuyaribə, ntsa yakə Zekariya zəghu Ha-Shiluni. 6 Mbəzli diwiy diwiy faɗə mbaʼ kwaŋmətsəkə dəghəsti ghən kən niy nza mbəzli dza ma her shi mbə takə Peresh mbə məlmə Zheruzalem.
7 Avanashi mbəzli mbə takə tsa Benzhameŋ niy nziyshi mbə Məlmə Zheruzalem: Salu zəghu Meshulam ntsa yakə Yuʼed zəghu Pedaya ntsa yakə Kulaya zəghu Maseya ntsa yakə Itiyel ntsa kwa miy dəgha Yeshaya, 8 mbaʼ Gabay, mbaʼ Salay. Mbəzli Diwi diwi məsliɗə mbaʼ bakəmətsəkə dəghəsti ghən kən niy nza ghəshi gwanashi tsa shi. 9 Zhəwel zəghu Zikiri niy nza dikə tsa shi. Yehuda zəghu Hashənuwa na, kwa baka ndə kwasəbə mazə tsa mbə məlmə.
10 Mbə ka ta Hiyalay, avanashi mbəzliy niy nziyshi mbə məlmə Zheruzalem: Yedaya zəghu Yuyarib, mbaʼ Yakin, 11 mbaʼ Seraya zəghu Hilkiya, ntsa yakə Meshulam, zəghu Saduk, ntsa yakə Merayut, zəghu Ahituv dikə tsaa kiy ghyi tsa Hiyala. 12 Mbaʼ ngwardəhiy, mbəzliy ghəra sləni kiy ghyi tsa Hiyala, mbəzli diwi diwi dəghəsə mbaʼ bakəmətsəkə ghən kən. Mbaʼ Adaya zəghu Yeruham, ntsa yakə Pelaliya, zəghu Aməci, ntsa yakə Zakari, zəghu Pashəhur, ntsa yakə Malkiya, 13 mbaʼ ngwardəhiy, mbəzliy sləkə mbəzli kwa miy dəghahi diwi diwi bakə mbaʼ faɗəmətsəkə bakəti ghən kən. Mbaʼ Amashəsay zəghu Azarel, ntsa yakə Ahəzay, zəghu Meshilemut, ntsa yakə Imer. 14 A nihuti ngwardəhishi niy nza tiɓa, ka sawji dza ma her shi va kuma, mbəzli diwi mbaʼ bakəmətsəkə dəghəsti niy nza ghəshi. Zabədiyel zəghu Hagudulim niy nza dikə tsa shi.
15 Mbə mbəzli mbə takə tsa Leviy, avanashi mbəzliy niy nziyshi mbə məlmə Zheruzalem: Shemaya zəghu Hashuvə, ntsa yakə Azərikam, zəghu Hashabiya, ntsa yakə Buni. 16 Mbaʼ Shabtay ghəshi lə Yuzavadə, mbəzli dikə dikə ni mbə takə tsa Levi, mbəzliy nighəə dzəkən sləni pərikə tə ngula kiy ghyi tsa Hiyala. 17 Mbaʼ Mataniya zəghu Mika, ntsa yakə Zabədi, zəghu Asaf, ntsaa ʼwa cəm ghala vəghu tsa ka məndiy ɓasəshi ta cəʼu Hiyala, mbaʼ Bakəbukiya, tsahuti zədiy, kwa baka ndə ʼwa cəm tə səəbə ci, mbaʼ Avəda zəghu Shamuwa, ntsa yakə Galal zəghu Yedutun. 18 Mbəzli mbə takə tsa Levi niy nza mbə məlmə Zheruzalem, məlmə ɗewɗew nay, mbəzli diwi diwi bakə mbaʼ dəghəsəmətsəkə faɗə ti ghən kən niy nza ghəshi gwanashi tsa shi.
19 Ka ndəghu miy dəghahiy dzəmbə məlmiy, kar Akuv, lə Taləmuŋ, mbaʼ nihuti mbəzli mbə takə tsa shi. Gwanashi tsa shiy, mbəzli bələku mbaʼ mbərfəŋmətsəkə bakəti niy nza ghəshi.
20 Nihuti ka Izərayeləə tərmbə lə nihuti ka ta Hiyala mbaʼ nihuti mbəzli mbə takə tsa Leviy, dzar mbə məlməhi ka Zhuwda niy nziyshi ghəshi, ya wa ndə na tə tsa ci vəhə. 21 Mbəzliy ghəra sləni kiy ghyi tsa Hiyalay, tə nahuti giwa mbə məlmə Zheruzalem niy nza ghəshi. Ufel kə məndi kaa slən tsa giwa va. Kar Ciha ghəshi lə Gishəpa niy sləkəshi na.
22 Uzi niy nza ntsaa sləkə mbəzli mbə takə tsa Levi mbə məlmə Zheruzalem. Uzi tsa vay Zəghu Bani niy nza na, ntsa yakə Hashaviya zəghu Mataniya ntsa yakə Mika, ntsa mbə takə tsa Asafə. Takə tsa shi niy ha na cemer kiy ghyi tsa Hiyala. 23 Ka ha cemer vay, kumaa niy pəhanatishi mazə ta məni niy nuw ghəshi. Njasa səmə viciy, lə kuma dza ghəshi ta məni niy nza na tiɓa.
24 Petahiya zəghu Meshezavel ntsa mbə takə tsa Zerah zəghu Zhuda niy nza tsa ka Zhəwifə ndə mbə mbəzli kwa dəgha mazə ka Persə.
Mbəzli ka Zhuwifəə niy kama mbə məlmə Zheruzalem
25 Nihuti mbəzli mbə takə tsa ka Zhuday, dzar mbə məlməhi tə gamba niy nza ghəshi lə nziy tsa shi. Məlməhi nja kar Kiriyat-Arba lə nihuti məlməhi dzar vəgha, mbaʼ məlmə Divuŋ lə məlməhiy dzar vəgha, mbaʼ məlmə Yekavəshel lə məlməhi dzar vəgha. 26 Nihuti diɓa na, mbə məlmə Yeshuwa, mbaʼ mbə məlmə Mulada, mbaʼ mbə məlmə Bet-Pelet, 27 mbaʼ mbə məlmə Hasar-Shuwal, mbaʼ mbə məlmə Ber-sheva lə məlməhiy dzar vəgha niy nza ghəshi lə nziy tsa shi. 28 Nihuti diɓa na, mbə məlmə Tsiklag, mbaʼ məlmə Mekuna lə məlməhi dzar vəgha. 29 Nihuti mbə shi diɓa na, mbə məlmə Eyin-Rimuŋ, mbaʼ mbə məlmə Sureya, mbaʼ mbə məlmə Yarmut, 30 mbaʼ mbə məlmə Zanuwah, lə məlmə Adulam, mbaʼ niy dzar vəgha shi məlməhi, mbaʼ mbə məlmə Lakish lə məlməhi dzar vəgha, mbaʼ mbə məlmə Azeka lə məlməhi dzar vəgha. Mbəzli mbərakə məndi va gwanashiy, kwa jipə kar məlmə Ber-Sheva lə dzati kwa teʼu pi tsa har məndi vaa teʼu pi Hinum niy nza nziy tsa shi.
31 Mbəzli mbə takə tsa Benzhameŋ na na shiy, avanashi məlməhi niy nza ghəshi mbə shi: Mbə məlmə Geva, mbaʼ məlmə Mikəmasə, mbaʼ məlmə Aya, mbaʼ məlmə Betel lə məlməhiy dzar vəgha, 32 mbaʼ mbə məlmə Anatut, mbaʼ məlmə Nuvə, mbaʼ məlmə Ananiya, 33 mbaʼ məlmə Hasur, mbaʼ məlmə Rama, mbaʼ məlmə Gitayim, 34 mbaʼ məlmə Hadid, mbaʼ məlmə Cevuyim, mbaʼ məlmə Nebalat, 35 mbaʼ məlmə Ludə, mbaʼ məlmə Unu, mbaʼ dzati kwa teʼu pi tsa nə məndi va, teʼu pi tsa ka fəɗi shighu, kə məndi.
36 Nihuti mbəzli mbə takə tsa Leviy, a ghəshi niy təɗəhu ghyi tsa shi tə hiɗi ka Zhuda, mbaʼ ghəshi dzashi dzəti hiɗi mbəzli mbə takə tsa Benzhameŋ.