Ka Izərayel zləɓavə nuw kuma pəhəti Kwa sləkəpə
10
Tə mbərkə kumaa kəsaŋiy va gwanata ghiy ghiy ka Izərayel ki na, Dzəghwa ghiy mbaʼ ghiy pəhəti kuma ta məni, tsasl ghiy tsaslaghwa kwa zliya. Dzəghwa mezhizhi ghiy, mbaʼ ka ta Hiyala ghiy, mbaʼ mbəzli mbə hulfə Levi ɗah ghəshi ɗahati dəvə shi tə zliya va. Dzəghwa məndi nahə məndi nahay. 2 Avanashi sləneɗemer mbəzliy ɗahati dəvə shi va tə zliya va:Nguməna Nehemiy zəghu Hakaliya,
mbaʼ ka ta Hiyala: Kar Shidəkiya, 3 mbaʼ Seraya, mbaʼ Azariya, mbaʼ Zheremiy, 4 mbaʼ Pashəhur, mbaʼ Amariya, mbaʼ Malkiya, 5 mbaʼ Hatush, mbaʼ Shevaniya, mbaʼ Maluk, 6 mbaʼ Harim, mbaʼ Meremut, mbaʼ Uvadiya, 7 mbaʼ Daniyel, mbaʼ Ginetuŋ, mbaʼ Baruk, 8 mbaʼ Meshulam, mbaʼ Aviya, mbaʼ Miyamiŋ, 9 mbaʼ Maaziya, mbaʼ Bilgay, mbaʼ Shemaya. Ava tsəgha niy nza ka ta Hiyalaa niy ɗahati dəvə shi tə zliya va.
10 Mbə mbəzli mbə takə tsa Leviy, avanashi njasaa niy nza ghəshi: Kar Zhuzəwe zəghu Azaniya, mbaʼ Binuy mbə ndərazhi Henadad, mbaʼ Kadmiyel,
11 mbaʼ nihuti ngwardəshi: kar Shevaniya, mbaʼ Hudiya, mbaʼ kelita, mbaʼ Pelaya, mbaʼ Hanan,
12 mbaʼ Mika, mbaʼ Rehuv, mbaʼ Hashaviya,
13 mbaʼ Zakur, mbaʼ Shereviya, mbaʼ Shevaniya,
14 mbaʼ Hudiya, mbaʼ Bani, mbaʼ Beninu, tsəgha niy nza mbəzli mbə takə tsa Levi.
15 Mbəzli dikə dikə ni ɗahati dəvə shi tə zliya vay, avanashi: Parewush, mbaʼ Pahat-Muwabə, mbaʼ Elam, mbaʼ Zatu, mbaʼ Bani,
16 mbaʼ Buni, mbaʼ Azgadə, mbaʼ Bevay,
17 mbaʼ Aduniya, mbaʼ Bigəway, mbaʼ Adiŋ,
18 mbaʼ Ater, mbaʼ Hizkiya, mbaʼ Azur,
19 mbaʼ Hudiya, mbaʼ Hashum, mbaʼ Betsay,
20 mbaʼ Harif, mbaʼ Anatutə, mbaʼ Nevay,
21 mbaʼ Magpiyashə, mbaʼ Meshulam, mbaʼ Hezir,
22 mbaʼ Meshezavel, mbaʼ Saduk, mbaʼ Yaduwa,
23 mbaʼ Pelatiya, mbaʼ Hanaŋ, mbaʼ Anaya,
24 mbaʼ Husheya, mbaʼ Hananiya, mbaʼ Hashuv,
25 mbaʼ Ha-Luhesh, mbaʼ Pileha, mbaʼ Shuvek,
26 mbaʼ Rehum, mbaʼ Hashavəna, mbaʼ Maseya
27 ghəshi lə Ahiya, mbaʼ Hanaŋ, mbaʼ Anaŋ,
28 mbaʼ Maluk, mbaʼ Harim, mbaʼ Baana, tsəgha niy nza mbəzli dikə dikə ni.
29 Nihuti mbəzliy tərmbə, mbaʼ nihuti ka ta Hiyala, mbaʼ nihuti mbəzli mbə takə tsa Levi, mbaʼ ka ndəghu miy dəgha, mbaʼ ka ha cemer, mbaʼ ka ghəra sləni Juw Juw na kiy ghyi tsa Kwa sləkəpə, mbaʼ mbəzliy niy təhəvərivashi lə mbəzliy kamaa ka Izərayel gwanashi ta nuw kuma pəhəti Hiyala, lə miʼi shi, mbaʼ ndərazhiy zhər shi lə ghehi shi, ni gar favə kuma gəzanshi məndi gwanashiy, 30 jakə niy nza miy tsa shi lə ghiy. Dzəghwa ghiy lə mbəzli ghiy va dikə dikə ni ki, zəmə ghiy zəməkə fəla, ta nuw kumaa niy pəhəti Hiyala vaa ɓanavə kaa ndə sləni tsa nzə Muyizə ta ɓəŋiy, ka fə ghən ta nuw kuma Kwa sləkəpə Hiyala ghiy va gwanata, mbaʼ kuma gəzəkə na məni nzə, lə na ɓəniŋiy na. 31 Va tsəgha kiy, ka dza ghiy ɓə ghiyehi ghiy kaa mbəzli tə hiɗi va kamaa ka Zhəwifuw, ka ɓə ghiyehi shi ghiy kaa ni ghiy ndərazhiy zhər diɓaw. 32 Mbaʼ kə mbəzli va ɓəkə ya alkamari, ya nima shi səkəm ta ɗəl shi ya fəca vici dəkəva, ya fəca nahuti vici makwaghway, ka dza ghiy pa ya nima shiy vəshiw. Mənti ma ghiy piya kwaŋ mbə za tə vəhiy, ta dəkəti dza ghiy tə kwa mbərfaŋa piya. Tə piya va diɓay, ya a təm tsa nuw ghiy mbəzli mbə hulfə ghiy tiy, ta zlatanavəshi dza ghiy. 33 Dzəghwa ghiy kwa jipə ghiy, mbaʼ ghiy sləkati kuma ta məni ghiy: ya wa ndə njasa səəkə piyay, gəna gəramə faɗə dza naa fə ta sləni kiy ghyi tsa Hiyala ghiy, pə ghiy. 34 Gəna vay, peŋ tsa ka məndi vaa vəlanta kaa Hiyala dza məndi ta pa li, ka pa shi ka məndi vaa vəlanta kaa Hiyala njasa səmə vici, ka pa ni ka məndi vaa ndanta njasa səəkə vici, mbaʼ ta məni kuma fəca vici dəkəva, lə fəca pəzli tir, lə fəca makwaghwahi. Ka pa nihuti shi ka məndiy vəli kaa Hiyala, ka pa shi ka məndiy vəlanta kaa Hiyala ta mbə ghənzəə pəlata kuma ka Izərayel jikir na, ka pa shiy ya ta namaɓa sləni kiy ghyi tsa Hiyala. 35 Dzəghwa ghiy ghiy ka ta Hiyala lə mbəzli mbə takə tsa Levi, mbaʼ mbəzli gwanashi ni, ti ghiy titi dandərɗə ta mbəə sənay njasa dza ghiy hə səɗa lə ghiyeghiyer ghiy ta ɓə shighu dzakə ghyi tsa Hiyala ghiy, geʼi lə vəghu tsa dza məndiy titi, njasa səəkə piya ta ndi shiy tə pi tsa ka məndiy vəlanta shiy kaa Hiyala ghiy Kwa sləkəpə, njasa tsaslita na va kwa zliya kuma pəhəti Muyizə. 36 Dza ghiy diɓa mbaʼ ghiy zləɓavə ɓə shiy dzaa gha nakə mbə shi zati ghiy, lə ya fəə dzaa gha təhə mbə fəhi ghiy, ta dzakə ghyi tsa Kwa sləkəpə, njasa səəkə piya. 37 Mbaʼ ghiy zləɓavə ɓə kwa taŋa zəghu yakə məndi, ya zəghu zal tsa mbə ke ngəri na, ya sa mbə dəmbəkə na, ta cantashi kaa Kwa sləkəpə njasa tsaslita na va kwa zliya kuma pəhə pəhə na. Mbaʼ ghiy zləɓavə vəli kwa taŋa shiy zal tsa dza slay ghiy ya, mbaʼ shi dza teŋkesli ghiy lə shi dza kwiy ghiy yakə dzakə ghyi tsa Hiyala ghiy, ta ɓəshi kaa ka ta Hiyalaa ghəra sləni kiy ghyi tsa Hiyala ghiy. 38 Zhini ka ɓanshi naa guranti ghupə mbə ghupəhi ghiy, tsəgha ya fəə guranti mbə ya fəhi ghiy, mbaʼ tsa wuzə tsa tay, mbaʼ in. Shi va gwanashiy, mbə ceker vəgha ghyi tsa Kwa sləkəpə va dza ghiy fəshi. Mbə shi dza ghiy zakiy, shiy kutiŋ mbə shiy məŋ dza ghiy ɓə kaa mbəzli mbə takə tsa Levi. Ghəshi dəʼu ghən tsa shi dza naa dza ta ɓə shi va tə pi tsa zatishi ghiy va. 39 Ghala vəghu tsa dza mbəzli mbə takə tsa Levi vaa ɓasə shi vay, kwasəbəshi dza ndə ta Hiyala tsaa səvəri kwa miy dəgha Aruŋ nza. Sa ka mbəzli mbə takə tsa Levi va ɓasəti shi vay, nza ghəshi zhiniy ɓəvə bəla kutiŋ mbə bəla məŋ mbə ni shi va mbaʼ ghəshi ɓəghəshiy dzakə ghyi tsa Kwa sləkəpə, nza ghəshi dzaa fiyshi mbə ceker ka məndiy fə shiy kiy ghyi tsa Hiyala. 40 Mbə ceker va dza ka Izərayel ghəshi lə mbəzli mbə takə tsa Leviy fə alkamari dza ghəshiy vəlanta kaa Hiyala, mbaʼ tay wuzə tsa, mbaʼ in tsa vəlanati ghəshi vəli li kaa Hiyala. Mbə ceker va dza məndiy fə shi ka məndiy ghəra sləni li shi kiy ghyi tsa Kwa sləkəpə. Mbə shi ka ka ta Hiyala mbə ghəra sləniy nziy, mbaʼ ka ndəghu miy dəgha, mbaʼ ka ha cemer.
Ghalaɓa tsəgha kiy, ka dza ghiy zlay ghyi tsa Hiyala ghiyuw.