Nehemiy gəzanshi kaa mbəzli njasa dza ghəshiy ndəghu məlmə Zheruzalem
7
Ma sa kaʼwanti ghiy kələm tsaa dəzlay məlmə Zheruzalem ki na, mbaʼee fafamiy gizlgizl miy pihiy dzəmbə. Dzee diɓa mbaʼee fambə ka ndəghu miy dəghahiy dzəmbə məlmə va mbə sləni shi, tsəgha ka tsa shiy, mbaʼ ka ta Hiyala. 2 Dzee mbaʼee tivə kar zəɗirə Hanani ghəshi lə Hananiya ntsaa sləkə pi tsa ka mbəzliy ndəghu məlməə nziy ti ta nza ghəshi ka mbəzliy nighəə dzəkən məlmə Zheruzalem. Hananiya tsa vay, ntsa slar tsa ka hazləni va Hiyala niy nza na, ka taŋəti nihuti mbəzli ɗaŋ. 3 Ma pən kaa ngəshi na: «Əntaa ghuy zləɓa məndiy ghuni miy dəghahiy dzəmbə məlmə Zheruzalem kala vici satita ma, ma hatihweriy, nza məndi kalayshi bəsl lə shiy jihə gəzli, ka ndəghu miy dəgha ghulashi tiɓa. Ka mbəzli mbə məlmə Zheruzalem dza diɓay, ka hə səɗa ta ndəghu məlmə. Nihutiy, dzar tə pi tsa dza məndiy tivə, ma nihuti na, dzar vəgha ghiyeghiyer shi,» pən kaa ngəshi.Njasa nza ɗaŋ tsa ka Zhuwifəə zhəghəkəvashi tə hiɗi ka Babilunə
4 Məlmə dikə zhini buŋ niy nza məlmə Zheruzalem, ə na na nzanay, niy nza mbəzli mbə ɗaŋuw. Nihuti ghegheriy, niy zhini məndiy ngatishiw.
5 Dzəghwa Hiyalee mbaʼ fambəra mbə nəfə tsee ta ɓasəti mbəzli dikə dikə ni ghəshi lə mbəzliy sləkə məlmə, mbaʼ ka Zhəwifə gwanashi ni, ta ɓəlatishi. Dzee laŋ yən ɓəvə zliya nza sləneɗemer mbəzliy gha zhəghəvaa zhikə mbə mbəzliy niy kəəsəhu məndi va, mbaʼee ghunanti. Sa ghunanti yay, Avanta kuma kəsatee tsasli tsasli kwaɓa:
6 A Nebukadənetsar mazə ka Babilunə niy kəsəhu mbəzli tə hiɗi ka Zhuda, mbaʼ dzay li shi dzəti hiɗi ci. Liy humiy, mbaʼ mbəzli ɗaŋ niy zhəghəkəvashi mbə shi zhiti hiɗi ka Zhuda, mbaʼ dzəmbə məlmə Zheruzalem. Ya wa ndiy, dzəmbə na ci məlmə niy zhikiy na. 7 Kwasəbə kar Zurubabel, mbaʼ Zhuzəwe, mbaʼ Nehemiya, mbaʼ Azariya, mbaʼ Ramiya, mbaʼ Nahamani, mbaʼ Murdukay, mbaʼ Bilshaŋ, mbaʼ Misperet, mbaʼ Bigəway, mbaʼ Nahum, mbaʼ Bana niy zhəghəkəvashi ghəshi. Avanashi njasa nza ɗaŋ tsa zhər ka Izərayeləə zhəghəkəvashi va kwasəbə shi:
8 Mbəzliy səvəri kwa miy dəgha Parewushiy, bələku bələku bakəmətsəkə tanti mbaʼ mbərfəŋəmətsəkə bakəti ghən kən niy nza ghəshi.
9 Mbəzli bələku bələku mahəkan mbaʼ mbərfəŋmətsəkə bakəti ghən kən kwa miy dəgha Shefatiya.
10 Mbəzli bələku bələku kwaŋ mbaʼ cifəmətsəkə bakəti kwa miy dəgha Ara.
11 Mbəzli bələku bələku bakəmətsəkə dəghəsti mbaʼ məŋ lə dəghəs ghən kən kwa miy dəgha kar Yeshuwa ghəshi lə Yuwav, mbə takə tsa Pahat-Muwabə.
12 Mbəzli bələku bələku məŋ lə bakə mbaʼ cifəmətsəkə faɗəti ghən kən kwa miy dəgha Elam.
13 Mbəzli bələku bələku dəghəs mbaʼ faɗəmətsəkə cifəti ghən kən kwa miy dəgha Zatu.
14 Mbəzli bələku bələku mbərfəŋ kwaŋəmətsəkə ghən kən kwa miy dəgha Zakay.
15 Mbəzli bələku bələku kwaŋ mbaʼ faɗəmətsəkə dəghəsəti ghən kən kwa miy dəgha Binuwi.
16 Mbəzli bələku bələku kwaŋ mbaʼ bakəmətsəkə dəghəsəti ghən kən kwa miy dəgha Bevay.
17 Mbəzli bələku bələku bakəmətsəkə mahəkanti mbaʼ bakəmətsəkə bakəti kwa miy dəgha Azgad.
18 Mbəzli bələku bələku kwaŋ mbaʼ kwaŋəmətsəkə mbərfəŋəti ghən kən kwa miy dəgha Adunikam.
19 Mbəzli bələku bələku bakəmətsəkə mbaʼ bakəmətsəkə mbərfəŋəti ghən kən kwa miy dəgha Bigəway.
20 Mbəzli bələku bələku kwaŋ mbaʼ cifəmətsəkə cifəti ghən kən kwa miy dəgha Adiŋ.
21 Mbəzli məsliɗəmətsəkə dəghəsəti kwa miy dəgha Hizəkiya mbə takə tsa Ater.
22 Mbəzli bələku bələku mahəkanə mbaʼ bakəmətsəkə dəghəsəti ghən kən Kwa miy dəgha Hashum.
23 Mbəzli bələku bələku mahəkanə mbaʼ bakəmətsəkə faɗəti ghən kən kwa miy dəgha Betsay.
24 Mbəzli bələku mbaʼ məŋ lə bakə ghən kwa miy dəgha Hatifə.
25 Mbəzli məsliɗəmətsəkə cifəti kwa miy dəgha Gabawuŋ.
26 Mbəzli bələku mbaʼ dəghəsəmətsəkə dəghəsti ghən kən shi mbə məlmə Betəlehem lə mbə məlmə Netufa.
27 Mbəzli bələku mbaʼ bakəmətsəkə dəghəsti mbə məlmə Anatutə.
28 Mbəzli faɗmətsəkə bakəti mbə məlmə Bet-Azəmawet.
29 Mbəzli bələku bələku mbərfəŋ mbaʼ faɗəmətəkə mahəkanti ghən kən shi mbə məlmə Kiriyat-Yeharim lə mə məlmə Kefira, mbaʼ mbə məlmə Berut.
30 Mbəzli bələku bələku kwaŋ mbaʼ bakəmətsəkə tanti ghən kən shi mbə məlmə Rama, mbaʼ mbə məlmə Geva.
31 Mbəzli bələku mbaʼ bakəmətsəkə bakəti ghən kən shi mbə məlmə Mikəmas
32 Mbəzli bələku mbaʼ bakəmətsəkə bakəti ghən kən shi mbə məlmə Ay lə mbə məlmə Betel.
33 Mbəzli cifəmətsəkə bakəti mbə nahuti məlmə Nebu.
34 Mbəzli bələku bələku məŋ lə bakə, mbaʼ cifəmətsəkə faɗəti ghən kən shi kwa miy dəgha tsahuti Elam.
35 Mbəzli bələku bələku mahəkanə mbaʼ bakəmətsəkə ghən kən shi kwa miy dəgha Harim.
36 Mbəzli bələku bələku mahəkanə mbaʼ faɗəmətsəkə cifəti mbə məlmə Zheriku.
37 Mbəzli bələku bələku mbərfəŋ mbaʼ bakəmətsəkə tanti mbə məlmə Ludə lə mbə məlmə Hadid, mbaʼ mbə məlmə Unu.
38 Mbəzli bələku bələku mahəkanəmətsəkə məsliɗəti mbaʼ mahəkanəmətsəkə mbə məlmə Shena.
39 Mbə ka ta Hiyalay, mbəzli bələku bələku məsliɗə mbaʼ mbərfəŋəmətsəkə mahəkanti kwa miy dəgha Yedaya, mbə takə tsa Zhuzəwe.
40 Mbəzli bələku bələku məŋ mbaʼ cifəmətsəkə bakəti kwa miy dəgha Imer.
41 Mbəzli bələku bələku məŋ lə bakə mbaʼ faɗəmətsəkə mbərfəŋəti kwa miy dəgha Pashəhur.
42 Mbəzli bələku bələku məŋ mbaʼ məŋ lə mbərfəŋ kwa miy dəgha Harim.
43 Mbə takə tsa Leviy, mbəzli mbərfəŋəmətsəkə faɗəti mbə mbəzli kwa miy dəghahi kar Zhuzəwe lə Kadəmiyel, mbaʼ Hudəwa
44 Mbə ka ha cemer kiy ghyi tsa Hiyalay, mbəzli bələku mbaʼ faɗəmətsəkə dəghəsti kwa miy dəgha Asaf.
45 Mbə mbəzliy ndəghu pi tsa kwa miy dəghahiy, mbəzli bələku mbaʼ mahəkanəmətsəkə dəghəsti: Səvəri kwa miy dəghahi kar:
Shalum lə Ater, mbaʼ Talmuŋ, mbaʼ Akuv, mbaʼ Hatita, mbaʼ Shuvay.
46 Mbəzliy ghəra sləni Juw Juw na kiy ghyi tsa Hiyalay, mbəzli kwa miy dəgha Ciha, mbaʼ mbəzliy səvəri kwa miy dəgha Hasufa, mba niy səvəri kwa miy dəgha Tabawətə.
47 Mbaʼ mbəzliy səvəri kwa miy dəgha Kerus, mbaʼ niy səvəri kwa miy dəgha Shiya, mbaʼ niy səvəri kwa miy dəgha Paduŋ.
48 Mbaʼ mbəzliy səvəri Kwa miy dəgha Levana, mbaʼ ni kwa miy dəgha Hagava, mbaʼ ni kwa miy dəgha Shalmay.
49 Mbaʼ mbəzliy səvəri Kwa miy dəgha Hanan, mbaʼ ni kwa miy dəgha Gidel, mbaʼ ni kwa miy dəgha Gahar.
50 Mbaʼ mbəzliy səvəri kwa miy dəgha Reyaya, mbaʼ niy səvəri kwa miy dəgha Reshiŋ, mbaʼ niy səvəri kwa miy dəgha Nekuda.
51 Mbaʼ mbəzliy səvəri kwa miy dəgha Gazam, mbaʼ niy səvəri kwa miy dəgha Uza, mbaʼ niy səvəri kwa miy dəgha Paseya.
52 Mbaʼ mbəzliy səvəri kwa miy dəgha Besay, mbaʼ niy səvəri kwa miy dəgha Meyunim, mbaʼ niy səvəri kwa miy dəgha Nefishim.
53 Mbaʼ mbəzliy səvəri kwa miy dəgha Bakəbuk, mbaʼ niy səvəri kwa miy dəgha Hakufa, mbaʼ niy səvəri kwa miy dəgha Harəhur.
54 Mbaʼ mbəzliy səvəri kwa miy dəgha Basəlit, mbaʼ niy səvəri kwa miy dəgha Mehida, mbaʼ niy səvəri kwa miy dəgha Harəsha.
55 Mbaʼ mbəzliy səvəri kwa miy dəgha Barkus, mbaʼ niy səvəri kwa miy dəgha Shizera, mbaʼ niy səvəri kwa miy dəgha Tamah.
56 Mbaʼ mbəzliy səvəri kwa miy dəgha Neshiya, mbaʼ niy səvəri kwa miy dəgha Hatifa.
57 Mbə mbəzliy niy ghəranci sləni kaa Saləmuŋiy: Mbəzliy səvəri kwa miy dəgha Sutay, mbaʼ mbəzliy səvəri kwa miy dəgha Suferet, mbaʼ mbəzliy səvəri kwa miy dəgha Perida. 58 Mbaʼ mbəzliy səvəri kwa miy dəgha Yala, mbaʼ niy səvəri kwa miy dəgha Darkun, mbaʼ niy səvəri kwa miy dəgha Gidel. 59 Mbaʼ mbəzliy səvəri kwa miy dəgha Shefatiya, mbaʼ niy səvəri kwa miy dəgha Hatil, mbaʼ niy səvəri kwa miy dəgha Pukeret-Ha-Cevayim, mbaʼ niy səvəri kwa miy dəgha Amun.
60 Gwanashi tsa mbəzli kwa miy dəghahiy ghəra sləni va kaa Saləmuŋ lə mbəzliy ghəra sləni va kiy ghyi tsa Hiyalay, mbəzli Bələku bələku mahəkanə mbaʼ məsliɗəmətsəkə bakəti niy nza ghəshi.
61 Mbəzliy niy zhəghəkəvashi mbə məlmə Tel-Mela, lə mbə məlmə Tel-Harəsha, mbaʼ mbə məlmə Kerub-Aduŋ, mbaʼ mbə məlmə Imeriy, niy sənay takə tsa shi ghəshi gar sənay məndi nda mbə hulfə ka Izərayel na ghəshiw. 62 Gwanashi tsa shiy mbəzli bələku bələku kwaŋ mbaʼ faɗəmətsəkə bakəti ghən kən shi niy nza ghəshi: Mbəzliy səvəri kwa miy dəgha Delaya, mbaʼ niy səvəri kwa miy dəgha Tubiya, mbaʼ niy səvəri kwa miy dəgha Nekuda niy nza ghəshi.
63 Nihuti ka ta Hiyala diɓay, kuma kutiŋ na niy nza sa shi lə mbəzli va: Mbəzliy səvəri Kwa miy dəgha Huvaya lə ni kwa miy dəgha Hakusə, lə ni kwa miy dəgha Barzilay. Sa niy bəhu na zha tsahuti ndə ka Galad, Barzilay, kə məndi kaa slən tsa ci, va tsəgha niy fanati məndi slən tsa va. 64 Pəlaʼ pəlaʼ kə ka ta Hiyala va zliya tsaslaghwa məndi sləneɗemer jijihi shi kwa na, shaŋ ghəshi ta nata. Sa nza na va tsəgha ki na, mbaʼ məndi nighətishi kala kama gar ghəra sləni ta Hiyala, mbaʼ məndi ɓantishi mbə sləni ta Hiyala. 65 Ma kə nguməna kaa ngəshi ki na: «Əntaa ghuy zəmə shi zəməə guranti ɗewɗew ni va ka məndiy vəlanta kaa Hiyala ma. Ndəghətim nza ndə ta Hiyala ɗuti kuma va Kwa sləkəpə lə shi ka məndi vaa har Urim lə Tumimª, ta mbəə məndi sənay nda ka ta Hiyala nza ghuy,» kə niy ni kaa ngəshi
66 Gwanashi tsa ka Izərayeləə zhəghəkəvashi tə hiɗi ka Babilunə sa niy kəəsəhushi məndiy, mbəzli bələku bələku faɗəmətsəkə mbaʼ bakəmətsəkə mahəkanti bələku, mbaʼ kwaŋəmətsəkə ghən kən shi niy nza ghəshi. 67 Ka ghəranshi sləniy zhər lə niy miʼiy, bələku bələku mbərfəŋəmətsəkə mahəkanti, mbaʼ mahəkanəmətsəkə mbərfəŋəti ghən kən shi niy nza ghəshi. Bələku bələku bakə mbaʼ faɗəmətsəkə cifəti ka ha cemer, zhər lə miʼi. 68 Mbaʼ ngelubahi bələku bələku faɗə mbaʼ mahəkanəmətsəkə cifəti ghən kən shi, mbaʼ kwantəmcahi bələku bələku kwaŋəmətsəkə mbərfəŋti, mbaʼ bakəmətsəkə ghən kən shi. 69 Ɗaŋ niy nza didihi ka ghiyeghiyeriy niy ɓəkə shiy ta zhini məndiy ngakati ghyi tsa Kwa sləkəpə. Nguməna dəʼu ghən tsa ciy, gəna məntim tə mbəzə kwa shamshama bələku bələku məŋ niy ɓəkə na, mbaʼ hupehuper ka məndiy sa shiy li shi cifəmətsəkə, mbaʼ kubeŋer ka ka ta Hiyalaa ghəra sləni li shi bələku bələku cifə mbaʼ mahəkanəmətsəkə ghən kən shi. 70 Shiy niy ɓəɓəkə didihi ka ghiyeghiyer vay: Gəna vasəti məndi tə mbəzə kwa shamshama bələku bələku bakə bələku, mbaʼ gəna kwa tsahi bələku bələku bakəmətsəkə bakəti. 71 Nihuti ka Izərayeləə tərmbiy, mbaʼ ghəshi ɓəkə gəna vasəti məndi tə mbəzə kwa shamshama bələku bələku bakə bələku, mbaʼ gəna kwa tsahi bələku bələku bakəmətsəkə, mbaʼ kubeŋer ka ka ta Hiyalaa ghəra sləni li shi kwaŋəmətsəkə mbərfəŋəti.
72 Dzəghwa ka ta Hiyala lə mbəzli mbə takə tsa Levi, mbaʼ mbəzliy ndəghu miy dəghahi, mbaʼ ka ha cemer, mbaʼ nihuti ka Izərayel, mbaʼ mbəzliy ghəra sləni Juw Juw na kiy ghyi tsa Hiyala, mbaʼ ka Izərayel gwanashi dzashi, ya wa ndə na ka dzay ta nziy mbə məlmə niy nza na ki. Ma tə kwa mbərfaŋa tir ki na, Mbaʼ ka Izərayel gwanashi nzənziyshi mbə məlməhi shi.