Ka Zhəwifəə zhəghəkəvashi zhiti hiɗi Zhuda
2
Mbə mbəzliy niy kəəsəhu Nabukudunuzur mazə ka Babilunə va, mbaʼ ɓəghəshiy dzəmbə məlmə Babiluniy, avanashi mbəzliy niy zhəghəkəvashiy dzəmbə məlmə Zheruzalem lə dzəti hiɗi Zhuda. Ya wa ndiy dzəmbə məlmə ci niy zhəghəkəvay na. 2 Kwasəbə kar Zurubabel mbaʼ Zhuzəwe, mbaʼ Nehemiya, mbaʼ Seraya, mbaʼ Reʼelaya, mbaʼ Mardushe, mbaʼ Biləsham, mbaʼ Mispar, mbaʼ Bigway, mbaʼ Rehum, mbaʼ Baana niy zhəghəkəvashi ghəshi. Avanashi ɗaŋ tsa zhər ka Izərayel va njasa nza ghəshi, kwa zərə kwa zərə :3 Mbəzli kwa miy dəgha Parewushiy, mbəzli diwiy diwiy bakəmətsəkə tanti, mbaʼ mbərfəŋmətsəkə bakəti ghən kən niy nza ghəshi.
4 Kwa miy dəgha Shefatiya na, mbəzli diwiy diwiy mahəkan mbaʼ mbərfəŋmətsəkə bakəti ghən kən.
5 Kwa miy dəgha Ara na, mbəzli diwiy diwiy mbərfəŋ mbaʼ mbərfəŋmətsəkə cifəti ghən kən.
6 Mbə takə tsa Pahat-Muwabə na, mbəzli diwiy diwiy bakəmətsəkə dəghəsti mbaʼ məŋ lə bakə. Mbəzliy vay, mbəzliy səvəri mbə kar Yeshuwa lə Yuwav na ghəshi.
7 Kwa miy dəgha Elam na, mbəzli diwiy diwiy məŋ lə bakə mbaʼ cifəmətsəkə faɗəti.
8 Kwa miy dəgha Zatu na, mbəzli diwiy diwiy məsliɗə mbaʼ faɗəmətsəkə cifəti.
9 Kwa miy dəgha Zakay na, mbəzli diwiy diwiy mbərfəŋ mbaʼ kwaŋmətsəkə.
10 Kwa miy dəgha Bani na, mbəzli diwiy diwiy kwaŋ mbaʼ faɗəmətsəkə bakəti.
11 Kwa miy dəgha Bebay na, mbəzli diwiy diwiy kwaŋ mbaʼ bakəmətsəkə mahəkanti.
12 Kwa miy dəgha Azəgadə na, mbəzli diwiy diwiy məŋ lə bakə mbaʼ bakəmətsəkə bakəti.
13 Kwa miy dəgha Adunikam na, mbəzli diwiy diwiy kwaŋ mbaʼ kwaŋəmətsəkə kwaŋti.
14 Kwa miy dəgha Bigway na, mbəzli diwiy diwiy bakəmətsəkə mbaʼ cifəmətsəkə kwaŋti
15 Kwa miy dəgha Adiŋ na, mbəzli diwiy diwiy faɗə mbaʼ cifəmətsəkə faɗəti.
16 Kwa miy dəgha Ater jijiy Yehizəkiya na, mbəzli məsliɗəmətsəkə dəghəsti.
17 Kwa miy dəgha Betsay na, mbəzli diwiy diwiy mahəkanə mbaʼ bakəmətsəkə mahəkanti.
18 Kwa miy dəgha Yura na, mbəzli diwiy mbaʼ məŋ lə bakə.
19 Kwa miy dəgha Hashum na, mbəzli diwiy diwiy bakə mbaʼ bakəmətsəkə mahəkanə ti.
20 Kwa miy dəgha Gibar na, mbəzli məsliɗəmətsəkə cifəti.
21 Mbəzliy niy nza mbə məlmə Betəlehem na, mbəzli diwiy mbaʼ bakəmətsəkə mahəkanti.
22 Niy niy nza mbə məlmə Netufa na, mbəzli cifəmətsəkə kwaŋti.
23 Niy niy nza mbə məlmə Anatutə na, mbəzli diwiy mbaʼ bakəmətsəkə dəghəsti.
24 Niy niy nza mbə məlmə Azəmawətə na, mbəzli faɗəmətsəkə bakəti.
25 Niy niy nza mbə məlmə Kiriyat-Arim lə mbə məlmə Kefira mbaʼ mbə məlmə Berut na, mbəzli diwiy diwiy mbərfəŋ mbaʼ faɗəmətsəkə mahəkanti.
26 Niy niy nza mbə məlmə Rama lə mbə məlmə Geva na, mbəzli diwiy diwiy kwaŋ mbaʼ bakəmətsəkə tanti.
27 Niy niy nza mbə məlmə Mikəmas na, mbəzli diwiy mbaʼ bakəmətsəkə bakəti.
28 Niy niy nza mbə məlmə Betel lə mbə məlmə Ay na, mbəzli diwiy bakə mbaʼ bakəmətsəkə mahəkanti.
29 Niy niy nza mbə məlmə Nebu na, mbəzli cifəmətsəkə bakəti.
30 Niy niy nza mbə məlmə Magbish na, mbəzli diwiy mbaʼ cifəmətsəkə kwaŋti.
31 Mbəzliy səvəri kwa miy dəgha tsahuti Elam na, mbəzli diwiy diwiy məŋ lə bakə mbaʼ cifəmətsəkə faɗəti ghən kən.
32 Mbəzliy səvəri kwa miy dəgha Harim na, mbəzli diwiy diwiy mahəkanə mbaʼ bakəmətsəkə.
33 Mbəzliy niy nza mbə məlmə Ludə lə mbə məlmə Hadid, mbaʼ mbə məlmə Unu na, mbəzli diwiy diwiy mbərfəŋ mbaʼ bakəmətsəkə cifəti.
34 Niy niy nza mbə məlmə Zheriku na, mbəzli diwiy diwiy mahəkanə mbaʼ faɗəmətsəkə cifəti.
35 Niy niy nza mbə məlmə Shena na, mbəzli diwiy diwiy mahəkanəmətsəkə kwaŋti mbaʼ mahəkanəmətsəkə.
36 Avanashi ka ta Hiyala njasa niy nza ghəshi:
Mbəzliy səvəri kwa miy dəgha Yedaya jijihiy Zhuzəweyiy, mbəzli diwiy məsliɗə mbaʼ mbərfəŋmətsəkə mahəkanti niy nza ghəshi.
37 Kwa miy dəgha Imer na, mbəzli diwiy diwiy məŋ mbaʼ cifəmətsəkə bakəti.
38 Kwa miy dəgha Pashəhur na, mbəzli diwiy diwiy məŋ lə bakə mbaʼ faɗəmətsəkə mbərfəŋti.
39 Kwa miy dəgha Harim na mbəzli diwiy diwiy məŋ mbaʼ məŋ lə mbərfəŋ.
40 Mbəzli mbə takə tsa Leviy, avanashi njasa niy nza ghəshi:
Mbəzli kwa miy dəghahi kar Yeshuwa lə Kadəmiyel jijihiy Hudawiyay, mbəzli mbərfəŋəmtsəkə faɗəti.
41 Ka ha cemer kiy ghyi tsa Hiyalay, mbəzli diwiy mbaʼ bakəmətsəkə dəghəsti niy nza ghəshi, mbəzliy səvəri kwa miy dəgha Asaf niy nza ghəshi.
42 Ka ndəghu pi tsa kwa miy dəghahiy, mbəzli diwiy mbaʼ mahəkanəmətsəkə məsliɗəti niy nza ghəshi gwanashi tsa shi. Mbəzliy səvəri kwa miy dəghahi kar Shalum, mbaʼ Ater, mbaʼ Talmuŋ, mbaʼ Akuv, mbaʼ Hatita, mbaʼ Shuvay niy nza ghəshi.
43 Ka ghəra sləni Juw Juw na dzar kiy ghyi tsa Hiyalay, mbəzliy səvəri kwa miy dəghahi kar Ciha, mbaʼ Hasufa, mbaʼ Tabawətə, 44 mbaʼ Kerus, mbaʼ Shiyaha, mbaʼ Paduŋ, 45 mbaʼ Levana, mbaʼ Hagava, mbaʼ Akuv, 46 mbaʼ Hagav, mbaʼ Shalmay, mbaʼ Hanan, 47 mbaʼ Gidel, mbaʼ Gahar, mbaʼ Reʼaya, 48 mbaʼ Reciŋ, mbaʼ Nekuda, mbaʼ Gazam, 49 mbaʼ Uza, mbaʼ Paseya, mbaʼ Besay, 50 mbaʼ Asəna, mbaʼ Meyunim, mbaʼ Nefushim, 51 mbaʼ Bakəbuk, mbaʼ Hakufa, mbaʼ Harəhur, 52 mbaʼ Basəlut, mbaʼ Mehida, mbaʼ Harəsha, 53 mbaʼ Barkus, mbaʼ Shizera, mbaʼ Tamah, 54 mbaʼ Neshiya, mbaʼ Hatifa.
55 Mbəzliy səvəri kwa miy dəghahi mbəzliy niy ghəra sləni kaa Saləmuŋiy, mbəzli kwa miy dəgha kar Sutay, mbaʼ Suferet, mbaʼ Peruda, 56 mbaʼ Yala, mbaʼ Darkun, mbaʼ Gidel, 57 mbaʼ Shefatiya, mbaʼ Hatil, mbaʼ Pukeret-Ha-Cevayim, mbaʼ Ami.
58 Gwanashi tsa ka ghəra sləni kiy ghyi tsa Hiyala lə mbəzliy səvəri kwa miy dəghahi ka ghəra sləni kaa Saləmuŋiy, mbəzli diwiy diwiy mahəkanə mbaʼ məsliɗəmətsəkə bakəti niy nza ghəshi.
59 Mbəzliy niy zhəghəkəvashi səəkə mbə məlmə Tel-Mela, mbaʼ məlmə Tel-Harəsha, mbaʼ məlmə Kerub-Adam, mbaʼ məlmə Imeriy, niy mbay niva mbəzli cikəvəri takə tsa jijihi shi, gar sənay məndi mbə hulfə ka Izərayel na ghəshi kataŋ, kə məndiw. 60 Avanashi mbəzli va: Mbəzliy səvəri kwa miy dəghahi kar Delaya, mbaʼ Tubiya, mbaʼ Nekuda. Mbəzli diwiy diwiy kwaŋ mbaʼ cifəmətsəkə bakəti niy nza ghəshi.
61 A nihuti ka ta Hiyala niy nza tiɓa, kuma kutiŋ na sa shi lə mbəzli va kuraku: Mbəzliy səvəri kwa miy dəghahi kar Huvaya, mbaʼ Hakusə, mbaʼ Barzilay. Sa niy ɓəvə na mali mbə ghyehi Barzilay ndə ka Galad va tsəgha niy fanati məndi slən tsa va kaa ntsa va. 62 Pəlaʼ pəlaʼ kə mbəzli va niy ni kaa zliya tsaslaghwa məndi sləneɗemer jijihi shi kwa na, shaŋ ghəshi ta kəsata. Sa nza na va tsəgha ki na, mbaʼ məndi nighətishi kala kama gar ghəra sləni ta Hiyala, mbaʼ məndi ɓantishi mbə sləni ta Hiyala. 63 Dzəghwa nguməna tsa ka Zhəwifə mbaʼ makətishi va zəmə shi zəməə guranti ɗewɗew ni va ka məndiy vəlanta kaa Hiyala, paʼa va vəghu tsa dza ndə ta Hiyalaa ɗuwti kuma kən shi va Hiyala lə shi har məndi vaa Urim lə Tumimª.
64 Gwanashi tsa mbəzliy niy zhəghəkəvashiy, mbəzli diwiy diwiy faɗəmətsəkə mbaʼ bakəmətsəkə mahəkanti diwiy mbaʼ kwaŋəmətsəkə niy nza ghəshi. 65 Diwiy diwiy mbərfəŋəmətsəkə mahəkanti mbaʼ mahəkanəmətsəkə mbərfəŋti niy nza ka sləniy zhər lə niy miʼi və shi, mbaʼ ka ha cemer, zhər lə miʼi diwiy diwiy bakə. 66 Mbaʼ Gədewesli diwiy diwiy mbərfəŋ mbaʼ mahəkanəmətsəkə kwaŋti, mbaʼ alfadarihiª diwiy diwiy bakə mbaʼ faɗəmətsəkə cifəti, 67 mbaʼ Ngelubahi diwiy diwiy faɗə mbaʼ mahəkanəmətsəkə cifəti, mbaʼ kwantəmcahi diwiy diwiy kwaŋəmətsəkə mbərfəŋti mbaʼ bakəmətsəkə ghən kən.
68 Ma sa tsəhəshi ghəshi mbə Zheruzalem, məlmə niy nza ghyi tsa Hiyala va mbiy, dzəghwa nihuti mbəzliy sləkə miy dəghahi mbaʼ ghəshi vəliti vəli njasa tarəkə ghəshi mbə nefer shi ta mbə məndiy zhanati ghyi tsa Hiyala dzəghwa tə pi tsaa niy nza na va kwataŋa. 69 Kwa pi tsa kəray bərci shi niy vəliti ghəshi vəli ta nga ghyi tsa va. Avanashi shiy niy tsəhəti məndi: Gəna vasəti məndi tə mbəzə kwa shamshama diwiy diwiy kwaŋ mbaʼ məŋ diwiy, mbaʼ gəna məntim tə tsahi gəna kiluw diwiy diwiy bakəmətsəkə cifəti, mbaʼ kubeŋer ka ta Hiyala diwiy.
70 Dzəghwa ka ta Hiyala, lə mbəzli mbə takə tsa Levi, mbaʼ nihuti mbəzli gwanashi ni, mbaʼ ka ha cemer, mbaʼ mbəzliy ndəghu miy dəghahi, mbaʼ nihuti mbəzliy ghəra sləni Juw Juw na kiy ghyi tsa Hiyala ki, mbaʼ ghəshi dzaa nziyshi ya wa ndə mbə ka Izərayel na, mbə na ci məlmə.