Davitə mananati uzə hur kaa Mefibushet zəghu Zhuwnatan
9
Ma kə Davitə tə nahuti vici na: «Tərə ntsaa səvəri kwa miy dəgha Sawul tə ghumə na? Mbaʼ kə tiɓay, ee ɗi mananci wəzə hur tə mbərkə madiga tsa ghiy lə Zhunataŋ,» kə. 2 A tsahuti ndə niy nza tiɓa, Shiva, kə məndi niy ni kaa slən tsa ci. Ntsa vay, kiy ghyi tsa Sawul niy ghəra na sləni kwataŋa. Daʼ məndi dzaa haranakə kaa Davitə. Ma kə Mazə Davitə kaa ngəci sa səəkiy na na: «Gha na ntsa har məndi vaa Shiva na?» kə. «Yən na mazə tsee» kə. 3 «Tərə ndə mbə mbəzli kwa miy dəgha Sawul tə ghumiy na? Ee ɗi mananci wəzə hur njasa gəzəkee kwa kuma Hiyala,» kə mazə kaa ngəci. Ma kə Shiva kaa ngəci na: «A zəghu Zhunataŋ tiɓa, yiɗi yiɗi shiɗeshider ci bakanashi,» kə. 4 «kuma naa?» kə mazə. «Mbə məlmə Ludevar na, kiy ghyi tsa Makir zəghu Amiyel,» kə Shiva.5 Dzəghwa mazə Davitə ki, mbaʼ ghunashi mbəzli dzəmbə məlmə va, ta dza ghəshiy ɓəkə kiy ghyi tsa va. 6 Ma sa ɓəkə məndi Mefibushet zəghu Zhunataŋ jijiy Sawul dzəghwa kuma Davitə ki na, dza na tsəfəku tsəfəkwiy, gaʼa kuma ci mbə hiɗi kwa kuma Davitə. Ma kə Davitə kaa ngəci na: «Gha na Mefibushet na?» kə. «Yən na mazə» kə Mefibushet. 7 Ma kə Davitə kaa ngəci na: «Ka hazləni gha ya juw ma. Ta məniŋa wəzə hur ɗee tə mbərkə madiga tsa ghiy lə dəŋa Zhunataŋ. Ta zhanavəŋa veher jijijŋa Sawul dzee gwanashi. Gha dəʼu ghən tsa ghay, kwasəbee dza gha ta zəmə shiy njasa səəkə vici. 8 Sa gəzəkə Davitə tsəgha na, dza Mefibushet mbaʼ zhiniy tsəfəkwiy kwa kuma ci. Ma kə na: «kuma məndee yən ndə sləni tsa gha gar səəva gha lə kuma kənee kiya mazə? Ghala mbə ya lə kiri tsa kərəta kuma ci na,» kə.
9 Dzəghwa mazə mbaʼ Haray Shiva, ntsaa niy ghəra sləni va kaa Sawul, ma kə kaa ngəci na: «Ya nima shi mazə Sawul, ntsaa niy ghəranci gha va sləni gwanashi lə shi mbəzli kiy ghyi tsa ci gwanashiy, avee ɓanavəshi kaa jijiy. 10 Gha dza naa zanci za ci ghuy lə ndərahi gha, mbaʼ mbəzliy ghəraŋa sləni. Nza ghuy mbəə kumanavə shi zəmə kaa zəghu ntsa gha dikə tsa, ghəshi lə mbəzli kiy ghyi tsa ci. Njasa səəkə vəciy, kwasəbee dza Mefibushet zəmə shiy na na ci,» kə. Ndərazhi məŋ lə cifə mbaʼ ka sləni bakəmətsəkə niy nza na va Shiva. 11 Ma kə kaa mazə na: «Ta mənti kuma gəzara gha va dzee, njasa gəzəkəra gha va gwanata yən ndə sləni tsa gha mazə ndə sləkəra. Ndimndim tsa Mefibushetiy, ghiy li ka naa zəmə shiy sa nza naa jijiy mazə Sawul,» kə.
12 A zəghu zal niy nza va Mefibushet, Mika, kə məndi kaa slən tsa ci. Mbəzli kiy ghyi tsa Shiva gwanashiy, ka ghəra sləni kaa Mefibushet niy nza ghəshi. 13 Sa nza na va yiɗi yiɗi shiɗəshiɗə ci bakanashiy, mbə məlmə Zheruzalem niy nziyiy na ta mbə ghəciy dza ta zəmə shiy kwasəbə mazə njasa səəkə vici.