TIRE TE
BA HEBERUBA KUA
Bɑ ǹ yɛ̃ wi u tire te yoruɑ. Gɑbɑ nɛɛ, Pɔluwɑ u tu yoruɑ yèn sɔ̃ bɑ Timɔten gɑri mɔ̀ te sɔɔ, wiru 13:23. Bɑ ko n tu yoruɑwɑ bu sere Yerusɑlɛmun sɑ̃ɑ yeru kɔsuku, wiru 10:11.
Sɑɑ ye bɑ tire te yoruɑ, Heberu be bɑ Yesu nɑɑnɛ doke bɑ dɑm kɛ̃run bukɑtɑ mɔ. Domi ben gɑbu bɑ wɑ̃ɑ sikɑ sɔɔ. Mɑ bɑ wurɑmɔ ben yellun yɑ̃ki yɑ̃ki sɔɔ. Yenibɑ kpuron sɔ̃nɑ bɑ tire te yoruɑ bu kɑ Yuu be sɔ̃ɔsi mɑ ben yellun yɑ̃ki yɑ̃ki kpuro yi kpɑ. Yesu Kirisi u yellun woodɑ kpuro yibiɑ ye u gu. U kuɑ yɑ̃ku kowo tɔnwero wi u Yuubɑn yɑ̃ku kowo tɔnwerobu kpuro kere.
Tire te, tɑ mɑɑ sun sɔ̃ɔmɔ mɑ Yesu u Gusunɔn gɔrɑdobɑ kere kɑ Mɔwisi kɑ Aroni kɑ Yosue. Mɛyɑ nɔɔ mwɛɛ kpɑɑ te Yesu u sun kuɑ tɛ̃, yɑ kere ye Gusunɔ u Mɔwisi kuɑ. Domi Yesu u nɑ u kɑ yellugii te yibiɑ kpɑ u sun yɑkiɑ ye kpuron kookoosun di.
Tire ten kpunɑɑ
1. Gusunɔ u kɑ tɔmbu gɑri mɔ̀ sɑɑ yellun di, wiru 1:1-3.
2. Yesu u kpuro kere, wiru 1:4n di sere wiru 10:18.
3. Be bɑ gbiɑ bɑ Gusunɔ nɑɑnɛ doken seedɑ, wiru 10:19n di sere wiru 13:19.
4. Domɑru kɑ dɑm kɛ̃ru, wiru 13:20-25.