TIRE
TE YAKƆBU U YORUA
Yɑkɔbun tire te, tɑ kɑ nɑɑnɛ dokeobu yɑ̃ be bɑ yɑrinɛ bɑɑmɑ mi Romugibɑ bɑndu dii. Tɑ sun sɔ̃ɔmɔ nge mɛ n weenɛ Yesugii u win wɑ̃ɑru diisinɑ. Wɑhɑlɑ yɑ̀ n nùn deemɑ, n weenɛ u tɛmɑnɑ, u ku Gusunɔ tɑɑrɛ wɛ̃. Domi win min diyɑ u koo somiru wɑ. N weenɛwɑ u win yɑrɑ kpĩ, kpɑ u sɔ̃ɔsi win kookoosu sɔɔ mɑ u sɑ̃ɑ Yesugii. N ǹ weenɛ u goo gɛm. Tɔmbu kpuro bɑ sɑ̃ɑwɑ tiɑ Gusunɔn nɔni sɔɔ.
Tire ten gɑri mɛro yɑ sɑ̃ɑwɑ kookoosu sɔɔrɑ tɔnun nɑɑnɛ dokebu bu koo sɔ̃ɔsirɑ.
Tire ten kpunɑɑ
1. Tɔbiribu, wiru 1:1.
2. Nɑɑnɛ kɑ bwisi, wiru 1:2-8.
3. Sɑ̃ɑro kɑ gobigii, wiru 1:9-11.
4. Lɑɑkɑri mɛɛribu kɑ kɔkiribu, wiru 1:12-18.
5. Nɔɔbu kɑ kobu, wiru 1:19-27.
6. A ku goo gɛm, wiru 2:1-13.
7. Nɑɑnɛ dokebu kɑ bin kookoosu, wiru 2:14-26.
8. Yesugii kɑ win yɑrɑ, wiru 3:1-12.
9. Bwisi yi yi wee wɔllun di, wiru 3:13-18.
10. Kookoo kɔ̃susun kirɔbɑ, wiru 4:1n di sere wiru 5:6.
11. Tɛmɑnɑbu kɑ kɑnɑru, wiru 5:7-20.