TIRE TE PƆLU
U FILEMƆƆ KUA
Tɔbiribu
1-3 Filemɔɔ, bɛsɛn kĩnɑsi kɑ bɛsɛn sɔm kowosi, kɑ mɑɑ Yesun yigbɛ te tɑ rɑ mɛnnɛ wunɛn yɛnuɔ kɑ bɛsɛn sesu Apiɑ kɑ mɑɑ Aɑsipu bɛsɛn tɑbu kowosi sɔmburu sɔɔ, bɛɛyɑ sɑ tire teni kuɑ. Gusunɔ bɛsɛn Bɑɑbɑ kɑ Yinni Yesu Kirisi bu bɛɛ durom kuɑ kpɑ bu bɛɛ ɑlɑfiɑ kɛ̃. Nɛnɑ Pɔlu wi bɑ pirisɔm sɑ̃ɑ Yesu Kirisin sɔ̃, nɛ kɑ bɛsɛgii Timɔte, sɑ bɛɛ tɔburɑ.
Filemɔɔn kĩru
kɑ win nɑɑnɛ dokebu
4 Nɑ rɑ n nɛn Gusunɔ siɑrɑmɔ bɑɑdommɑ nɑ̀ n kɑnɑru mɔ̀ wunɛn sɔ̃, 5 domi nɑ wunɛn kĩrun bɑɑru nɔɔmɔ te ɑ nɑɑnɛ dokeobu kĩ kɑ mɑɑ wunɛn nɑɑnɛ doke bi ɑ mɔ Yinni Yesu sɔɔ. 6 Nɑ nùn kɑnɑmɔ u de nɔɔ tiɑ ye bɛsɛ kɑ wunɛ sɑ mɔɔsinɛ nɑɑnɛ dokebun sɔ̃ yu sɔ̃ɔsirɑ kookoosu sɔɔ kpɑ ɑ gɑ̃ɑ geenu kpuro tubu ni sɑ mɔ Kirisin sɑɑbu. 7 Wunɛn kĩru tɑ mɑn nuku doo bɑkɑbu wɛ̃ nɛn kĩnɑsi, tɑ mɑn dɑm kɑ̃ gem gem, domi ɑ Gusunɔgibun bwɛ̃rɑ yɛmiɑsiɑ.
Pɔlu u Onɛsimu
suuru kɑnɑmmɛ
8 Yen sɔ̃, bɑɑ mɛ nɛn toro sindu Kirisin sɔ̃ tɑ turɑ n kɑ nun yiire ɑ kɑ ko mɛ n weenɛ, 9 kɑ mɛ, kĩrun sɔ̃nɑ nɑ nun suuru kɑnɑmɔ, nɛ Pɔlu, nɛ wi nɑ bukurɑ mɑ nɑ tɛ̃ wɑ̃ɑ pirisɔm sɔɔ Yesu Kirisin sɔ̃. 10 Nɑ nun suuru kɑnɑmɔ Onɛsimun sɔ̃ wi u kuɑ nɛn bii nɑɑnɛ dokebu sɔɔ pirisɔm diru mini. 11 Yellu u ǹ dɑɑ sɑ̃ɑ gɑ̃ɑnu wunɛn mi, ɑdɑmɑ tɛ̃, u ɑrufɑɑni mɔ wunɛn mi kɑ nɛn tiin mi.
12 Nɑ nun nùn gɔriɑmɑ tɛ̃, ɑ nùn mɔɔ nge nɛn tii tii. 13 Nɑ rɑɑ kĩ u n wɑ̃ɑ nɛn bɔkuɔ pirisɔm sɔɔ mi nɑ wɑ̃ɑ Lɑbɑɑri geɑn sɔ̃ u kɑ mɑn somi wunɛn ɑyerɔ. 14 Adɑmɑ nɑ ǹ kĩ n gɑ̃ɑnu gɑnu ko mɑ n kun mɔ ɑ wurɑ, kpɑ wunɛn somiru tɑ kun sɑ̃ɑ tilɑsi. Nɑ kĩwɑ tɑ n sɑ̃ɑ wunɛn gɔ̃ru kĩru.
15 À ku tubɑ yenin sɑɑbuwɑ i kɑ kɑrɑnɑ wunɛ kɑ Onɛsimu sɑɑ fiiko kpɑ ɑ wɑ ɑ n kɑ nùn mɔ kɑ bɑɑdommɑɔ, 16 n ǹ mɔ nge yoo tɔnɑ, ɑdɑmɑ tɛ̃ u yoo kerɑ. U kuɑ kĩnɑsi Kirisi sɔɔ n ku mɑm ko nɛn mi, ɑdɑmɑ n weenɛ u n kere mɛ gem gem wunɛn mi, domi u ǹ sɑ̃ɑ wunɛn yoo tɔnɑ, u mɑɑ sɑ̃ɑwɑ wunɛn kĩnɑsi Yinni sɔɔ.
17 Yen sɔ̃, ɑ̀ n mɑn gɑrisi wunɛn sɔm kowosi, ɑ nùn dɑm koosio nge mɛ kɑɑ mɑn dɑm koosiɑ. 18 Ù n nun gɑ̃ɑnu torɑ ǹ kun mɛ ù n wunɛn dibu nɛni, n kuɑ nɛn sɔmunu. 19 Wee, nɑ yeni yorumɔ kɑ nɛn tii tiin nɔmɑ. Nɛ Pɔlu, kon nun ye kpuro kɔsiɑ. Bɑɑ nɑ̀ kun geruɑ, wunɛn tii ɑ yɛ̃ mɑ wunɛn wɑ̃ɑrɑ nɛn dibu nɛni. 20 Yen sɔ̃nɑ nɛgii, ɑ mɑn durom mɛ kuo Yinnin sɔ̃. A mɑn gɔ̃ru yɛmiɑsio Kirisi sɔɔ.
21 Nɑ nun tire teni kuɑmmɛ yèn sɔ̃ nɑ wunɛn mɛm nɔɔbu nɑɑnɛ sɑ̃ɑ, domi nɑ yɛ̃ kɑm kɑm kɑɑ ko n kere ye nɑ mɑm nun kɑnɑmɔ. 22 Gɑ̃ɑ teenɑ nu tie, ɑ mɑn diru kɑsuo yèn sɔ̃ nɑ yĩiyɔ Gusunɔ u koo bɛɛn kɑnɑru mwɑ kpɑ u mɑn bɛɛ wesiɑ.
Nɔɔ kɑnɑ tɔbiribu
23 Epɑfɑsi, nɛ kɑ wì sɑ wɑ̃ɑ pirisɔm dirɔ Kirisi Yesun sɔ̃, u nun tɔburɑ. 24 Mɛyɑ mɑɑ nɛn sɔm kowosibu Mɑɑku kɑ Aritɑɑki kɑ Demɑsi kɑ sere Luku, bɑ nun tɔburɑ.
25 Yinni Yesu Kirisin durom mu n kɑ bɛɛ wɑ̃ɑ._