TIRE TE PƆLU
U FILEMƆƆ KUA
Filemɔɔ u sɑ̃ɑwɑ Pɔlun bɔrɔ wi u Yesu nɑɑnɛ doke Koloseɔ, Kolose 4:9. Wiyɑ u derɑ Yesugibu bɑ rɑ mɛnnɛ win dirɔ bu kɑ sɑ̃ɑru ko. N deemɑ u yoo mɔ wi bɑ mɔ̀ Onɛsimu. Onɛsimu wi, u nùn gobi gbɛnɑ, mɑ u dukɑ yɑkurɑ u dɑ wuu mɑroɔ, ge bɑ mɔ̀ Romu. Romu miyɑ Onɛsimu u Pɔlu giɑ, miyɑ u mɑɑ Yesu nɑɑnɛ doke. Sɑɑ yerɑ Pɔlu u nùn kuɑ nge win tiin bii. Yen sɔ̃nɑ u Filemɔɔ tire te yoruɑ u kɑ win yoo Onɛsimu suuru kuɑ, domi u dɑɑ kɔsɑ. Yen sɔ̃, u ku mɑɑ nùn gɑrisi nge yoo, ǹ kun mɛ gbɛnɔ, ɑdɑmɑ u nùn gɑrisio win dusi Yesu sɔɔ.
Tire ten kpunɑɑ
1. Tɔbiribu, nɑɑsu 1-3.
2. Pɔlu u Gusunɔ siɑrɑmɔ Filemɔɔn sɔ̃, nɑɑsu 4-7.
3. Pɔlu u Filemɔɔ suuru kɑnɑmɔ Onɛsimun sɔ̃, nɑɑsu 8-21.
4. Tɔbiri dɑ̃ɑkibu, nɑɑsu 22-25.