TIRE TE PƆLU
U TITU KUA
Titu u sɑ̃ɑwɑ Gɛrɛki. U Yesu nɑɑnɛ dokewɑ Pɔlun min di, wiru 1:4. U Pɔlu yɔ̃siri Lɑbɑɑri geɑn kpɑrɑbu sɔɔ. Pɔlu u nùn gɔrɑ nɔn itɑ u kɑ Korintigibun kɛ̃nu mwɑɑmɑ ni bɑ wɛ̃ Yerusɑlɛmugibun sɔ̃, Korinti II, 8:6 kɑ 12:18. Gɔrɑ yeni yɑ sun sɔ̃ɔsi mɑ Pɔlu u Titu nɑɑnɛ sɑ̃ɑ. Sɑnɑm mɛ Pɔlu u Kɛrɛtigibu berɑm dɑ, u Titu deri mi, u kɑ Yesun yigbɛrugibu tɑ̃sisiɑ, domi Pɔlu kun kpĩɑ u tɛ mi, wiru 1:5. Yen biruwɑ u nùn tire teni yoruɑ u kɑ nùn sɔ̃ nge mɛ u koo koosinɑ u kɑ yigbɛ te kpɑrɑ. Tire ten gɑri yi sɔ̃ɔsimɔ nge mɛ Gusunɔn sɔm kowo u ko n sɑ̃ɑ kɑ sere mɑɑ nge mɛ Yesugii u koo win wɑ̃ɑru diisinɑ hɑnduniɑ ye sɔɔ. Mɛyɑ tɑ sun sɔ̃ɔsimɔ mɑ Yesun Lɑbɑɑri geɑ yɑ rɑ tɔnu fɑɑbɑ ko kpɑ yu nùn sɑ̃rɑsiɑ, wiru 1:1-3 kɑ wiru 2:11-14 kɑ wiru 3:3-7.
Tire ten kpunɑɑ
1. Tɔbiribu, wiru 1:1-4.
2. Yesun yigbɛ sɔm kowo, wiru 1:5-16.
3. Nge mɛ Yesugii u koo win wɑ̃ɑru diisinɑ, wiru 2.
4. Kirɔbɑ, wiru 3:1-11.
5. Gɑri dɑ̃ɑki, wiru 3:12-15.