4
1 Nɑ nun yiiremɔ kɑ gem Gusunɔn wuswɑɑɔ kɑ Kirisi Yesun wuswɑɑɔ wi u koo wɑsobu kɑ gɔribu siri, nɑ mɑɑ nun yiiremɔ win wurɑmɑru kɑ win bɑndun sɔ̃, 2 ɑ Gusunɔn gɑri wɑɑsu koowo ɑ n sɔɔru sɑ̃ɑ bɑɑ ǹ n mɛren nɑ, bɑ wurɑ bɑ ǹ wure. A bu kɑbiɑ buo, ɑ bu gerusio, kpɑ ɑ bu dɑm kɛ̃ kɑ suuru bɑkɑ, kpɑ ɑ n bu Gusunɔn gɑrin keu sɔ̃ɔsimɔ. 3 Domi sɑɑ gɑɑ wee yè sɔɔ tɔmbɑ kun ko n kĩ bu sɔ̃ɔsi geeru swɑɑ dɑki, ɑdɑmɑ bɑ koo ben tii keu koosio dɑbinu kɑsuɑ be bɑ koo ben swɑɑ nukiri kɑ gɑri yi bɑ nɔɔbu kĩ, 4 kpɑ bu ben swɑɑ sĩiyɑ sɑɑ gem di bu wurɑ gɑri yi tɔmbɑ sekɑ sɔɔ. 5 Adɑmɑ wunɛ, ɑ de ɑ n yɛ̃ ye ɑ mɔ̀ kpuro sɔɔ. A kɑ nɔni swɑ̃ɑru tɛmɑnɔ, ɑ Lɑbɑɑri geɑn wɑɑsu kowon sɔmburu koowo, ɑ mɑɑ wunɛn sɔmɑ yibio mɑm mɑm.
6 Adɑmɑ nɛ mɑɑ, nɛn wɑ̃ɑrɑ kuɑ nge domɑ tɑm, nɛn sɑɑ yɑ turuku kuɑ ye kon kɑ duniɑ deri. 7 Nɑ tɑɑ geebu kuɑ nɑ kpɑ, nɑ mɑɑ turɑ yɔ̃rɑ yerɔ, nɑ nɑɑnɛ dokebu nɛni dim dim. 8 Tɛ̃, nɑsɑrɑn ɑre mɑn mɑrɑ, yi yi sɑ̃ɑ gem mɛ Yinni siri kowo gemgii koo mɑn wɛ̃ tɔ̃ɔ te. N ǹ mɔ nɛ tɔnɑ, kɑ be kpurowɑ be bɑ win wurɑmɑru mɑrɑ kɑ kĩru.
Ye Pɔlu u mɑɑ Timɔte yiire
9 A kookɑri koowo ɑ mɑn nɑɑmwɛmɑ ɑ ku tɛ. 10 Domi Demɑsi u mɑn deri u doonɑ Tɛsɑlonikɑ giɑ yèn sɔ̃ u hɑnduniɑn kĩru mɔ too. Kɛrɛsɑnsi u doonɑ wi mɑɑ Gɑlɑti giɑ, mɑ Titun tii mɑɑ dɑ Dɑrumɑsi giɑ. 11 Luku turowɑ kɑ mɑn wɑ̃ɑ mini. À n sisi ɑ de i nɑ kɑ Mɑɑku sɑnnu, domi u koo kpĩ u mɑn somi nɛn sɔmburu sɔɔ. 12 Nɑ Tisiki gɔrɑ Efesuɔ. 13 À n wee, ɑ nɛn woorun yɑberu tɑmɑ te nɑ deri Torɑsiɔ Kɑɑpusin wɔɔrɔ, kɑ mɑɑ nɛn tirenu, n ku mɑm ko ni bɑ kuɑ kɑ gɔnɑ.
14 Alesɑndu seko wi, u mɑn kɔ̃sɑ kuɑ gem gem. Yinni u koo nùn kɔsie ye u kuɑ. 15 A tii lɑɑkɑri koowo kɑ wi, domi u kɔ̃ruɑ gem gem u bɛsɛn gɑri yinɑ.
16 Goo sɑri wi u kɑ mɑn yɔ̃rɑ nɔn gbiikiru ye nɑ kɑ tii yinɑmɔ, be kpurowɑ bɑ mɑn deri. Gusunɔ u ku ye gɑrisi ben wirɔ. 17 Adɑmɑ, Yinni kɑ mɑn yɔ̃rɑ u mɑn dɑm kɑ̃ nɑ kɑ kpĩɑ nɑ Lɑbɑɑri geɑ wɑɑsu kuɑ tɔn tukobu kpuron wuswɑɑɔ. Nɑ mɑɑ yɑrɑ gbee sunɔn nɔɔn di. 18 Yinni koo mɑn yɑkiɑ sɑɑ kɔ̃sɑ kpuron di kpɑ u kɑ mɑn du win bɑndu sɔɔ wɔllɔ kɑ ɑlɑfiɑ. Wiyɑ yiiko mɔ sere kɑ bɑɑdommɑɔ. Ami.
Nɔɔ kɑnɑbu
19 Nɑ Pirisilɑ kɑ Akilɑsi tɔburɑ kɑ mɑɑ Onɛsifun yɛnugibu. 20 Erɑsutu u yɔ̃rɑ Korintiɔ, nɑ mɑɑ Torofimu deri Miletuɔ yèn sɔ̃ u bɑrɔ. 21 A kookɑri koowo ɑ nɑ woorun sɑɑ yu sere turi.
Ebulusi kɑ Pudɛnsi kɑ Linusi kɑ Kolodiɑ kɑ bɛsɛgibu kpuro gesi bɑ nun tɔburɑ.
22 Yinni u n kɑ nun wɑ̃ɑ.
Kpɑ Gusunɔn durom mu n kɑ bɛɛ kpuro wɑ̃ɑ._