TIRE GBIIKII TE PƆLU
U TIMƆTE KUA
Timɔte u Yesu nɑɑnɛ dokewɑ win ɑluwɑɑsirun di, sɑnɑm mɛ Pɔlu u dɑ Lisitiɔ nɔn gbiikiru. Win dɑɑru yiruse sɔɔrɑ u Timɔte gɔsɑ u kɑ nùn yɔ̃siri bu Lɑbɑɑri geɑ kpɑrɑm dɑ, Gɔrobun Kookoosu wiru 16:1-3. Timɔten tundo u sɑ̃ɑwɑ Gɛrɛki, mɑ win mɛro u sɑ̃ɑ Yuu wi u Gusunɔn bɛɛrɛ yɛ̃ too, wiru 1:1-5. Pɔlu u tire te yoruɑwɑ win tɔkɔru sɔɔ. U Timɔte sɔ̃ɔwɑ u nɛɛ u de u n tɑ̃sɑ win nɑɑnɛ dokebu sɔɔ, kpɑ u Yesun Lɑbɑɑri geɑn tɑɑ geebu ko, kpɑ win sɑnu sɑnusu su n dɛɛre Yesugibun suunu sɔɔ, wiru 3:15. U mɑɑ nùn kɑ swɑɑ sɔ̃ɔsi ye yɑ weenɛ Yesun yigbɛ kpɑrobu kɑ Gusunɔn sɔm kowobu kpuro bu swĩi. Mɛyɑ u mɑɑ nùn sɔ̃ɔmɔ nge mɛ Yesugibu bɑ ko n wɑ̃ɑsinɛ. U mɑɑ nùn kirɔ mɔ̀ u kɑ sɔ̃ɔsi geenu sɔ̃ɔsi ni nu dɛɛre keu koosio weesugibun sɔ̃.
Tire ten kpunɑɑ
1. Tɔbiribu, wiru 1:1-2.
2. Sɔ̃ɔsi te Pɔlu u Timɔte wɛ̃ Yesun yigbɛru kɑ ten sɔm kowobun sɔ̃, wiru 1:3n di sere wiru 3:16.
3. Sɔ̃ɔsi te Pɔlu u Timɔte wɛ̃ win sɔmburu sɔ̃, wiru 4n di sere wiru 6.