2
Kirisin tii kɑwɑbu
kɑ win kpɑ̃ɑru
1 Kirisi u tɔnu tɑ̃sisiɑmɔ. Win kĩru tɑ rɑ n tɔnu dɑm kɛ̃mɔ. Hunde Dɛɛro u rɑ mɑɑ tɔnu kpɑre kpɑ Kirisi u de tɔmbu bu wɔnwɔndu kɑ tɔn geeru sɔ̃ɔsinɑ. 2 Ǹ n mɛn nɑ, nɑ bɛɛ kɑnɑmɔ, i de i mɑn nukuru dorɑsiɑ kɑ bɛɛn nɔɔ tiɑ kɑ bɛɛn kĩi teeru kɑ bɛɛn gɔ̃ru teu kɑ bɛɛn bwisiku teenu. 3 I ku gɑ̃ɑnu ko kinɛnun sɔ̃, ǹ kun mɛ tii suɑbun sɔ̃, ɑdɑmɑ i tii kɑwo kpɑ i wurɑ mɑ gɑbɑ bɛɛ kere. 4 Kpɑ bɛɛn bɑɑwure u ku win tii tɔnɑgiɑ bwisiku, ɑdɑmɑ u de u mɑɑ gɑbugiɑ bwisiku. 5 I de i n bwisiku tee ni mɔ ni Yesu Kirisi u rɑɑ mɔ.
6 U kɑ Gusunɔ nɛ. Adɑmɑ u ǹ kɑ nùn kinɛnu kue.
7 U kpuro deriwɑ ye u rɑɑ mɔ mɑ u gɔsirɑ nge yoo.
U kɑ tɔnu weenɑ.
9 Yen sɑɑbuwɑ Gusunɔ u nùn suɑ wɔllɔ gem gem mɑ u nùn yĩsiru kɑ̃ te tɑ yĩsɑ kpuro bɛɛrɛ kere.
10 Kpɑ dũuru bɑɑtere tu yiirɑ tu Yesun yĩsiru bɛɛrɛ wɛ̃ wɔllɔ kɑ temɔ kɑ tem sɔɔwɔ.
11 Kpɑ nɔɔ bɑɑgere gu Gusunɔ Bɑɑbɑ bɛɛrɛ wɛ̃ kpɑ gu tuubɑ ko gu nɛɛ, Yesu Kirisi sɑ̃ɑwɑ Yinni.
Fitilɑ ni nu bɑllimɔ
hɑnduniɑ sɔɔ
12 Yen sɔ̃nɑ nɛn kĩnɑsibu, nge mɛ i rɑ rɑɑ mɛm nɔ sɑnɑm mɛ nɑ wɑ̃ɑ kɑ bɛɛ, tɛ̃ ye nɑ kɑ bɛɛ tomɑ, i kookɑri koowo n kere kɑ bɛrum kɑ diiribu bɛɛn fɑɑbɑ yu kɑ yibu. 13 Domi Gusunɔwɑ u sɔmburu mɔ̀ bɛɛ sɔɔ kpɑ i n kɑ gɔ̃ru kĩru mɔ te tɑ koo ko ye n koo nùn dore.
14 I kpuro koowo n kun kɑ wɔkinu ǹ kun mɛ sikirinɔsu, 15 kpɑ i n dɛɛre i kun tɑɑrɛ gɑɑ mɔ tɔmbun nɔni sɔɔ, kpɑ i n sɑ̃ɑ nge Gusunɔn bibu be bɑ ǹ serere mɔ hɑnduniɑn tɔn kɔ̃sobun suunu sɔɔ be bɑ swɑɑ sɑre. I n bɑllimɔ ben suunu sɔɔ nge fitilɑnu, 16 i n kɑ bu wɑ̃ɑrun gɑri nɔɔsiɑmɔ. Ì n mɔ̀ mɛ, kon kpĩ n woo kɑnɑ Kirisin tɔ̃ru sɔɔ, yèn sɔ̃ nɛn hɑniɑ kɑ nɛn sɔmburɑ kun kɑm kue.
17 Bɛɛn sɑ̃ɑ te i mɔ̀ kɑ nɑɑnɛ dokebu tɑ sɑ̃ɑ nge yɑ̃kuru. Bɑɑ bɑ̀ n mɑn go bɑ nɛn yɛm wisi nge domɑ tɑm bɛɛn yɑ̃ku ten wɔllɔ, nɛn nukurɑ koo dorɑ, kon mɑɑ kɑ bɛɛ nuku dobu bɔnu ko. 18 Nge mɛyɑ n mɑɑ weenɛ bɛɛ i n nuku dobu mɔ kpɑ i kɑ mɑn bɛɛn nuku dobu bɔnu ko.
Timɔte kɑ Epɑfoditi
19 Yinni Yesu ù n wurɑ nɑ yĩiyɔ n bɛɛ Timɔte gɔriɑmɑ ǹ n sosi, kpɑ nɛn tii n kɑ dɑm wɑ nɑ̀ n bɛɛn lɑbɑɑri nuɑ. 20 Domi wi turon bwisikunɑ nu kuɑ teenu kɑ nɛginu, u mɑɑ bɛɛn wɔnwɔndu mɔ kɑ gem. 21 Be bɑ tie kpuro ben tii tɔnɑn bwisikunɑ bɑ mɔ̀, n ǹ kɑ Yesu Kirisiginu. 22 Bɛɛn tii i yɛ̃ nge mɛ Timɔte u tii sɔ̃ɔsi nɑɑnɛgii mɑ u kɑ mɑn Lɑbɑɑri geɑn sɔmburu kuɑ nge bii kɑ win bɑɑbɑ. 23 Yen sɔ̃nɑ nɑ yĩiyɔ n bɛɛ nùn gɔriɑmɑ sɑnɑm mɛ kon giɑ mì sɔɔ nɑ wɑ̃ɑ. 24 Nɑ nɑɑnɛ sɑ̃ɑ mɑ Yinni u koo de n nɑ bɛɛn mi nɛn tii ǹ n sosi.
25 I rɑɑ mɑn bɛsɛgii Epɑfoditi gɔriɑmɑ kɑ somiru tèn bukɑtɑ nɑ mɔ, wi, wi u sɑ̃ɑ nɛn beruse sɔmburu sɔɔ kɑ tɑbu sɔɔ. Tɛ̃ nɑ wɑ mɑ n weenɛ n nùn gɔsiɑmɑ bɛɛn mi. 26 Domi bɛɛ kpuron wɑɑbu nùn nɛni gem gem, win lɑɑkɑri mɑɑ seewɑ yèn sɔ̃ i rɑɑ nuɑ mɑ u bɑrɔ. 27 U bɑrɑ kɑ gem sere u gɔɔ turuku kuɑ, ɑdɑmɑ Gusunɔ u win wɔnwɔndu wɑ. N ǹ mɔ wi tɔnɑgiru, kɑ nɛn tiigirɑ, kpɑ nɛn nuku sɑnkirɑnu nu ku kpɛ̃ɑ n bɑndɑ. 28 Yen sɔ̃nɑ nɑ sɛnde n kɑ bɛɛ nùn gɔsiɑmɑ kpɑ bɛɛn nukuru tu kɑ dorɑ ì n nùn wɑ, kpɑ nɛn nuku sɑnkirɑnu nu mɑɑ kɑ kɑɑrɑ nɛn tii. 29 Ǹ n mɛn nɑ, i nùn dɑm koosio nge bɛɛgii Yinni sɔɔ kɑ nuku doo bɑkɑbu kpɑ i tɔnu win bweseru bɛɛrɛ wɛ̃. 30 Domi u gɔɔ turuku kuɑ Kirisin sɔmburun sɔ̃. U win tii kɑri bɔrie u kɑ mɑn somiru nɑɑwɑ te i ǹ fɛɛ wɑ bɛɛn tii i kɑ mɑn nɑɑwɛ.