TIRE TE PƆLU
U KOLOSEGIBU KUA
Kolose yɑ sɑ̃ɑwɑ wuu mɑro burɔ ge gɑ wɑ̃ɑ Efesun sɔ̃ɔ yɑri yeru giɑ, Turukin temɔ. Goo kun yɛ̃ sɑ̃ɑ sɑ̃ɑ nge mɛ Yesun yigbɛru tɑ kɑ toruɑ Koloseɔ. Adɑmɑ Epɑfɑsi kɑ Filemɔɔwɑ bɑ kɑ Lɑbɑɑri geɑ dɑ mi. Sɔrɔkudo be, bɑ mɑɑ ye nuɑwɑ Pɔlun min di sɑnɑm mɛ u sinɑ Efesuɔ wɔ̃ɔ itɑ, wiru 1:6-7 kɑ wiru 4:12-13 kɑ Filemɔɔ 1:2-5. Pɔlu kun Kolosegibu berɑm dɑɑre, ɑdɑmɑ u ben lɑbɑɑri nuɑ yɑ do. Yen sɔ̃nɑ u tireru yoruɑ u Tisiki kɑ Onɛsimu wɛ̃ bu kɑ dɑ. Ye yɑ sɑ̃ɑ Kolosegibun yigbɛrun wɑhɑlɑ yerɑ bɑ sɑ̃ɑ dɑbinu mɛnnɑ teeru. Bɑ gɑbun bwisikunu kɑ Gusunɔn gɑri gɑrisi tiɑ. Yigbɛ te sɔɔ, Gɛrɛkibɑ bɑ wɑ̃ɑ kɑ Yuubɑ kɑ sere tem min tɔmbu be bɑ mɔ̀ Firisibɑ. Be kpurowɑ bɑ kɑsu bu ben deemɑɑn gɑri sosi Yesun gɑri sɔɔ kpɑ yi n sɑ̃ɑ tiɑ. Yen sɔ̃nɑ Pɔlu u Kolosegibu yoruɑ ye n weenɛ bu ko, yerɑ bu tii Yesu wɛ̃ mɑm mɑm.
Tire ten kpunɑɑ
1. Tɔbiribu, wiru 1:1-2.
2. Siɑrɑbu kɑ kɑnɑru, wiru 1:3-14.
3. Kirisin ɑsɑnsi kɑ win sɔmburu, wiru 1:15-23.
4. Sɔmbu te bɑ Pɔlu nɔmu sɔndiɑ, wiru 1:24n di sere wiru 2:5.
5. Bɛsɛn gbinnɑɑ kɑ Kirisi, wiru 2:6-19.
6. Wɑ̃ɑ kpɑɑru Kirisi sɔɔ, wiru 2:20n di sere wiru 4:1.
7. Kirɔbɑ kɑ tɔbiribu, wiru 4:2-18.