110
1 Womu ge Dɑfidi u kuɑ. U nɛɛ,
Yinni Gusunɔ u nɛn Yinni sɔ̃ɔwɑ u nɛɛ,
u sinɔ win nɔm geuɔ sere u kɑ nùn win yibɛrɛbɑ tɑɑreɑ.
2 Nɛn Yinni, Yinni Gusunɔ u koo nun ko sunɔ dɑmgii Siɔniɔ,
kpɑ ɑ wunɛn wɛrɔbu tɑɑre.
3 Dɔmɑ te kɑɑ wunɛn tɑbu kowobu mɛnnɑ
Gusunɔn ɑye dɛɛrɑru sɔɔ,
wunɛn tɔmbɑ koo nun ben tii wɛ̃ kɑ kĩru.
Wunɛn ɑluwɑɑsirun dɑm mu koo wurɑmɑ bururu bɑɑtere
nge mɛ dirum mu rɑ yɑri.
4 Yinni Gusunɔ u bɔ̃ruɑ,
mɛyɑ u ǹ mɑɑ win gɑri seeyɑmɔ u nɛɛ,
kɑɑ ko yɑ̃ku kowo kɑ bɑɑdommɑɔ nge Mɛɛkisidɛki
5 Gusunɔ u wɑ̃ɑ wunɛn nɔm geuɔ.
U koo sinɑmbu kɑm koosiɑ dɔmɑ te win mɔru seewɑ.
6 U koo bwesenu siri.
Sɑnɑm mɛyɑ gonu ko n yibɑ yɑm kpuro.
Kpɑ u sinɑmbu kpeerɑsiɑ tem kpuro sɔɔ.
7 Sunɔ u koo nim nɔ bwiɑɔ win sɑnum sɔɔ,
kpɑ u dɑm wɑ u kɑ nɑsɑrɑ suɑ.