YOOBU
Yoobun tireru tɑ sun gemgiin wɑhɑlɑ sɔ̃ɔmɔ ye Gusunɔ u derɑ u wɑ. Wɑhɑlɑ yerɑ, win bibu kpuro bɑ gu, mɑ win dukiɑ kpuro yɑ kɑm kuɑ, mɑ bwisinu win tii wɔri.
Yoobun bɔrɔbɑ bɑ nɑ bu kɑ nùn berɑ. Ben gere sɔɔ, bɑ sɔ̃ɔsiwɑ mɑ Yoobu u torɑ. Yen sɔ̃nɑ u wɑhɑlɑ mɔ̀. Adɑmɑ Yoobu kun gɑri yi wure. U bu sɔ̃ɔwɑ u nɛɛ, wi, u dɛɛre. U mɑɑ tɔn kɔ̃sobu wɑɑmɔ bɑ kuurɑmɔ. Ǹ n mɛn nɑ, n ǹ torɑru tɔnɑ tɑ rɑ kɑ wɑhɑlɑ nɛ.
Gusunɔ kun Yoobun bikiɑ dɑbi ni wisɑ. U mɑm wure u Yoobun tii gɑ̃ɑ dɑbinu bikiɑwɑ, kpɑ wi, Yoobu u kɑ giɑ mɑ wi, Gusunɔwɑ u dɑm kpuro mɔ. Wiyɑ u mɑɑ gɑ̃ɑnu kpuro kpɑre.
Yenibɑn biru, Yoobun tii u wɑ mɑ u tore, mɑ u Gusunɔ suuru kɑnɑ. Sɑɑ yerɑ Gusunɔ u nùn win yellun wɑ̃ɑru wesiɑ. Win dukiɑ yɑ mɑɑ wurɑmɑ mɑ u mɑɑ bibu mɑrɑ.
Tire ten kpunɑɑ
1. Yoobu u wɑhɑlɑ wɑ, wiru 1n di sere wiru 2:10.
2. Yoobun bɔrɔbɑ bɑ nùn berɑm dɑ, wiru 2:11n di sere wiru 31:40.
3. Gɑri yi Elihu u Yoobu sɔ̃ɔwɑ, wiru 32n di sere wiru 37.
4. Gusunɔn wisibu, wiru 38n di sere wiru 41.
5. Gusunɔ u Yoobu domɑru kuɑ, wiru 42.