MƆNNU
Tire ten mɔnnu, nu sun sɔ̃ɔmɔ nge mɛ tɔnu u koo kɑ win wɑ̃ɑru diisinɑ, kpɑ u mɑɑ kɑ Gusunɔ sɑ̃ hɑnduniɑ ye sɔɔ. Nin gɑri gbiikii yi sun yɑɑyɑsiɑmɔ yi mɔ̀, ɑ̀ n kĩ ɑ n bwisi mɔ, ɑ de ɑ ginɑ Gusunɔ nɑsiɑ. Tire ten gɑri yi ǹ kɑ sɑ̃ɑru tɔnɑ yɑ̃. Yi mɑɑ gerumɔwɑ nge mɛ tɔnu u ko n kɑ dɑɑ geɑ mɔ. Mɛyɑ yi mɑɑ sun sɔ̃ɔsimɔ ye Isirelibɑn guro guro yerukobu bɑ nɛɛ bwisigibɑ koo ko gɑ̃ɑnu nù n bu deemɑ. Gɑri yin gɛɛ yi kɑ tɔnu kɑ win kurɔ kɑ win bibun wɑ̃ɑsinɑɑ yɑ̃ kɑ sere mɑɑ win berusebu. Yin dɑbinu yi sun keu mɔ̀ su kɑ dɑɑ geɑ kɑsu nge tii kɑwɑbu kɑ tɛmɑnɑbu kɑ nge mɛ tɔnu u koo kɑ sɑ̃ɑro gɑrisi tɔnu.
Tire ten kpunɑɑ
1. Bɑ bwisi tɔmɑmɔ, wiru 1n di sere wiru 9.
2. Sɑlomɔɔ kɑ bwisigibu gɑbun mɔnnu, wiru 10n di sere wiru 29.
3. Bwisi bwese bwesekɑ, wiru 30n di sere wiru 31.