WAASU KOWON TIRERU
Wi u tire te yoruɑ, u tii bikiɑmɔ ɑrufɑɑni yerɑ̀ tɔnu u rɑ wɑ win sɔmburun sɔ̃ hɑnduniɑɔ. Domi nuku dobu kɑ sɔmburu kɑ dukiɑ kɑ yɛ̃ɛ te tɔnu u ko n mɔ, ye kpuro yɑ nɔru mɔ. Ǹ n mɛn nɑ ye yɑ kpuro kere, yerɑ tɔnu u Gusunɔ nɑsiɑ kpɑ u yɛ̃ɛri ye u mɔ sɔɔ.
U mɑɑ sɔ̃ɔsi nge mɛ gɑ̃ɑ dɑbinu nu kerɑnɛ. Durɔ wi, u mɑɑ sɔ̃ɔsimɔ mɑ gɑ̃ɑ dɑbinu wɑ̃ɑ hɑnduniɑ sɔɔ ni nu rɑ tɔnu biti mwɛ. Tɔnu kun kpɛ̃ u Gusunɔn swɛɛ kpuro tubu. Adɑmɑ sɔ̃ɔ teeru Gusunɔ u koo de gem mu sɔ̃ɔsirɑ win siribu sɔɔ.