104
1 Yinni Gusunɔ, kon nun siɑrɑ.
Gusunɔ nɛn Yinni, ɑ kpɑ̃, ɑ ǹ nɔru mɔ.
Yɑm bururɑm kɑ yiiko yɑ nun wukiri.
2 A rɑ tii yɑm bururɑm wukiri nge bekuru.
A rɑ wɔllu tɛrie nge beku bɑkɑru.
3 Wunɛn wɑ̃ɑ yerɑ wɑ̃ɑ sere wɔllun nim wɔllɔ.
Mɑ guru wirɑ sɑ̃ɑ wunɛn tɑbu kɛkɛ.
Mɑ ɑ bɛllimɔ wom wɔllɔ.
4 Mɑ ɑ woo kuɑ wunɛn gɔro.
Mɑ guru mɑɑkinu kuɑ wunɛn sɔm kowobu.
5 A tem swĩi mɛn kpɛɛkpɛɛku wɔllɔ.
Mu ǹ wɔrumɑmɔ sere kɑ bɑɑdommɑɔ.
6 A derɑ nim mu mɛ wukiri sere kɑ guunɔ nge beku bɑkɑru.
7 Adɑmɑ ye ɑ nim mɛ nɑruɑ, mɑ mu doonɑ.
Ye mu wunɛn gbɑ̃sukubu nuɑ, mu dukɑ suɑ,
8 mu sɑrɑ guunun di, mu dɑ wɔwi sɔɔ sere mi ɑ mu ɑyeru kuɑ.
9 A nim mɛ yɔ̃rɑ yeru kuɑ mu ku rɑɑ kɑ sɑrɑ mu mɑɑ tem wukiri.
10 Wunɑ ɑ bwiin nim kpɑre mɛ mu kokumɔ guunun bɑɑ sɔɔ.
11 Miyɑ gbeeku yɛɛ kɑ gbeeku kɛtɛkunu nu rɑ nɛ nu nim nɔ.
12 Yen bɔkuɔrɑ gunɔsu su sin sokunu mɔ.
Mɑ su wɑ̃ɑ dɑ̃ɑ kikisɔ su swĩi dori mɔ̀.
13 Sɑɑ wɔllun di, ɑ rɑ de gurɑ yu guunu swee,
kpɑ tem mu wunɛn sɔmɑn ɑre di.
14 Kpɑ ɑ de yɑkɑsu su kpi yɑɑ sɑbenun sɔ̃
kɑ dĩɑ ni tɔnu u koo din sɔ̃.
15 Kpɑ bu tɑm wɑ bɑ n kɑ nuku dobu mɔ̀.
Kpɑ bu gum wɑ ben wɑsi yi n kɑ wɑ̃.
Kpɑ bu dĩɑnu wɑ ben wɑsi yi n kɑ dɑm mɔ.
16 Bɑɑ kɑ dɑ̃ɑ koo bɑkɑnɔ, nu rɑ nim wɑ
mɛ̀n bukɑtɑ nu mɔ nge dɑ̃ɑ ye bɑ mɔ̀ sɛduru ye yɑ wɑ̃ɑ Libɑniɔ.
17 Miyɑ gunɔsu su rɑ nɛ su sin sokunu ko.
Miyɑ kpɑkpɑyɛ gbeeku gɑ rɑ gen wɑ̃ɑ yeru ko.
18 Guu ni nu gunu nu kuɑ kpee bɛrɑn wɑ̃ɑ yeru.
Mɑ kpee bɑɑ mɑɑ kuɑ yɑɑ ye bɑ mɔ̀ dɑmɑɑn\f |b104:18 dɑmɑɑ|d - Dɑmɑɑ yɑ kɑ sɑɑtɑburu weenɛ.\F wɑ̃ɑ yeru.
19 Yinni Gusunɔ, wunɑ ɑ suru kuɑ ɑ kɑ sɑɑbɑ wunɑnɑ.
Sɔ̃ɔ u yɛ̃ sɑɑ ye u koo kpunɑ.
20 Yɑm wɔ̃kuru tɑ̀ n tunumɑ, yɑm tĩrɑwɑ mi.
Sɑɑ ye sɔɔrɑ gbeeku yɛɛ yi rɑ bɔsum se.
21 Gbee sinɑn piiminu nù n yɑɑ wɑ,
nu rɑ kukiriwɑ nu kɑ nun nin dĩɑnu bikiɑ.
22 Sɔ̃ɔ ù n yɑrɑ, nu rɑ wurewɑ nin wɑ̃ɑ yerɔ nu kpunɑ.
23 Kpɑ tɔnu u mɑɑ yɑri u dɑ u win sɔmburu ko sere sɔ̃ɔ u kɑ du.
24 Yinni Gusunɔ, wunɛn sɔmɑ yɑ dɑbi.
A ye kpuro kuɑ kɑ lɑɑkɑri.
Wunɛn tɑkɑ koorɑ yɑ wɑ̃ɑ tem sɔɔ kpuro.
25 Wee nim wɔ̃ku gɑ kpɑ̃, gɑ mɑɑ yɑsu.
Ge sɔɔrɑ yɛɛ dɑbi dɑbinu wɑ̃ɑ, bɑkɑ kɑ buu.
26 Gen wɔllɔwɑ goo nimkusu su sĩimɔ.
Miyɑ ɑ derɑ yɑɑ bɑkɑ yɑ wɑ̃ɑ
yɑ dweemɔ gen nim kurenu sɔɔ.
27 Yɛɛ kpuro, wunɛ turowɑ yi mɛɛrɑ
yi kɑ yin dĩɑnu wɑ nin sɑɑ sɔɔ.
28 À n yi wɛ̃ kpɑ yi mwɑ.
À n yi yɔ̃suɑ kpɑ yi debu.
29 À n yi biru kisi, yi rɑ nɑndewɑ.
À n yi wɛ̃siɑru wunɑri, yi guwɑ mi,
kpɑ yi gɔsiɑ tem.
30 À n mɑɑ yi wɛ̃siɑru wɛ̃, yi rɑ sewɑ
kpɑ tem mu wurɑmɑ nge yellu.
31 Yinni Gusunɔ, wunɛn yiiko yu dɑkɑɑ dɑ.
Kpɑ ɑ n nuku dobu mɔ ye ɑ kuɑn sɔ̃.
32 À n tem mɛɛrɑ, mu rɑ yĩiriwɑ.
À n mɑɑ guunu bɑbɑ, wiisɑ su rɑ yɑri.
33 Kon Gusunɔ nɛn Yinni womu kuɑ nɛn wɑ̃ɑrun tɔ̃ru kpuro sɔɔ.
Kon nùn tɔmɑ sere kɑ nɛn gɔɔn tɔ̃rɔ.
34 Yinni Gusunɔ, ɑ de nɛn gɑri yi nun dore.
Nɑ kĩ n nuku dobu ko wunɛ sɔɔ.
35 Durumgibu bu gbio, kpɑ bɑ kun mɑɑ wɑ̃ɑ tem mɛ sɔɔ.
Nɑ Yinni Gusunɔ siɑrɑ kɑ nɛn gɔ̃ru kpuro.
I Yinni Gusunɔ siɑro.