95
1 I nɑ su Yinni Gusunɔ womu kuɑ.
Su nùn nɔɔgiru sue kɑ nuku dobu
wi, wi u sɑ̃ɑ fɑɑbɑ kowo dɑmgii nge kpee bɑkɑru.
2 I de su dɑ win wuswɑɑɔ su nùn siɑrɑ.
Su nùn bɛɛrɛ wɛ̃ kɑ siɑrɑbun womusu kɑ nuku dobu.
3 Domi u kpɑ̃.
U sɑ̃ɑ sinɑ boko wi u ye bɑ sɑ̃ɑmɔ kpuro kere.
4 Win nɔmɑ yɑ kpuro nɛni ye yɑ wɑ̃ɑ tem sɔɔwɔ.
Guunun wii kpiinu nu mɑɑ sɑ̃ɑ wiginu.
5 Nim wɔ̃ku gɑ sɑ̃ɑwɑ wiguu.
Wiyɑ u gu kuɑ.
Win nɔmɑ yɑ mɑɑ tem kuɑ.
6 I nɑ su kpunɑ su tii kɑwɑ.
Su yiirɑ Yinni Gusunɔ bɛsɛn tɑkɑ kowon wuswɑɑɔ.
7 Domi u sɑ̃ɑwɑ bɛsɛn Yinni.
Sɑ mɑɑ sɑ̃ɑ win tɔmbu be u kpɑre nge nɑɑ gɔ̃ɔ.
I de i win nɔɔ nɔ gisɔ.
8 I ku de bɛɛn gɔ̃rusu su bɔbiɑ
nge mɛ bɛɛn bɑɑbɑbɑ bɑ kuɑ Mɛribɑɔ
kɑ mɑɑ dɔmɑ te bɑ wɑ̃ɑ Mɑsɑɔ gbɑburɔ,
9 mi bɑ mɑn wɛ̃ɛrɑ,
bɑ nɛn lɑɑkɑri mɛɛrɑ bɑɑ mɛ bɑ nɛn sɔmɑ wɑɑre.
10 Wɔ̃ɔ weeruwɑ nɑ bwese te bwɛ̃rɑ yɑrɑ,
mɑ nɑ nɛɛ, tɔn ben gɔ̃rusu kɑ mɑn tondɑ.
Bɑ yinɑ bu nɛn woodɑbɑ swĩi.
11 Yen sɔ̃nɑ nɑ mɔru kuɑ mɑ nɑ bɔ̃ruɑ nɑ nɛɛ,
bɑ ǹ sisi bu kɑ mɑn wɛ̃rɑ mi nɑ wɛ̃re.