11
1 Womu ge Dɑfidi u wom kowobun wirugii kuɑ. Ge wee.
Yinni Gusunɔ u sɑ̃ɑwɑ nɛn kɑ̀rì.
Yen sɔ̃, i ku mɑɑ nɛɛ,
n yɔ̃ɔwɔ nge gunɔ n dɑ n kuke guunɔ.
2 Wee tɔn kɔ̃so u win tɛndu bɛri,
u win sɛ̃u sɔri u kɑ tɑɑrɛ sɑrirugii to yɑm wɔ̃kuru sɔɔ.
3 Sɑnɑm mɛ duniɑ kpuro sɑnkirɑ,
mbɑ gemgii u koo mɑɑ kpĩ u ko.
4 Adɑmɑ i n yɛ̃ mɑ Yinni Gusunɔ u wɑ̃ɑ win sɑ̃ɑ yee dɛɛrɑrɔ,
mɑ u win sinɑ gɔnɑ swĩi wɔllɔ.
5 U rɑ tɔn kɔ̃so kɑ mɑɑ tɔn geon dɑɑ wɛ̃ɛri,
kpɑ u n dɑm diobu tusɑ.
6 Ben ɑre wee.
U rɑ bu sɛɛyɑsie kɑ dɔ̃ɔ kɑ sɔ̃ɔ bisu kɑ woo bɔkɔ.
7 Adɑmɑ u rɑ gemgii dɑm koosie,
domi win tii u sɑ̃ɑwɑ gemgii,
u rɑ mɑɑ dɑɑ geɑ kɑ̃.