12
1 Womu ge Dɑfidi u wom kowobun wirugii kuɑ kɑ mɔrɔku. Ge wee.
2 Yinni Gusunɔ, ɑ nɑ ɑ sun fɑɑbɑ ko.
Wee gemgibɑ doonɑ.
Nɑɑnɛgii goo mɑɑ sɑri hɑnduniɑ sɔɔ.
3 Weesɑ bɑɑwure u rɑ n win winsim kuɑmmɛ,
u n nùn nɔni wɔ̃kumɔ kɑ gɑri dori.
4 Yinni Gusunɔ, ɑ be bɑ tɔmbu fufu mɔ̀n nɔsu kɔruo.
A be bɑ gɑri gerumɔ kɑ tii suɑbu mɑrisio.
5 Domi bɑ gerumɔ bɑ mɔ̀,
bɑ rɑ wɑ ye bɑ kĩ ben nɔɔ dobun sɑɑbu,
bɑ gɑri gerubu yɛ̃,
bɑ ǹ goon bɛrum mɔ.
6 Adɑmɑ Yinni Gusunɔ, ɑ nɛɛ,
ɑ wɔnwɔndo be bɑ dɑm dɔremɔ wɑɑmɔ.
A sɑ̃ɑro be bɑ weeweenu mɔ̀ wɑɑmɔ.
A be bɑ yɑ̃ɑtɑm siemɔ wɑɑmɔ.
Tɛ̃, kɑɑ se ɑ be kpuro fɑɑbɑ ko.
7 Yinni Gusunɔ, wunɛn gɑri yi dɛɛrewɑ.
Yi sɑ̃ɑwɑ nge sii gee si bɑ sɔwɑ nɔn nɔɔbɑ yiru.
Yinni Gusunɔ, nɑ yi nɑɑnɛ sɑ̃ɑ.
8-9 Wee tɔn kɔ̃sobu bɑ wɑ̃ɑ yɑm kpuro.
Mɑ tɔmbɑ sɑnkirɑmɔ bɑ dɔɔ.
Yinni Gusunɔ, ɑ sun kɔ̃suo.
A sun gbɑro ben nɔmɑn di.