8
1 Dɑfidin womu ge u wom kowobun wirugii kuɑ. Ge wee.
2 Gusunɔ bɛsɛn Yinni,
wunɛn yĩsirɑ kpɑ̃ hɑnduniɑ kpuro sɔɔ,
nɑ nun tɔmɑmɔ wunɛn kpɑ̃ɑrun sɔ̃
te tɑ wɔllu gunum kere.
3 Bɑɑ bii piiminu kɑ bii wɛ̃ɛnu nu nun siɑrɑmɔ kɑ womusu.
Nin womu si, su kuɑ nge gbɑ̃rɑru.
Tɑ wunɛn yibɛrɛbɑ gɑnuɑ,
ɑ kɑ be bɑ nun seesimɔ kɑmiɑ,
ɑ kɑ be bɑ mɔru kɔsiɑmɔ kɑmiɑ.
4 Nɑ wɔllun kpɑ̃ɑru mɛɛrɑ te ɑ kuɑ.
Nɑ suru kɑ kperi wɑ yi wɑ̃ɑ yin ɑyenɔ.
5 Mɑ nɑ bwisikɑ nɑ nɛɛ,
mbɑ tɔnu u sɑ̃ɑ ɑ n sere kɑ nùn yɑɑye,
wɑrɑ rɑ n tɔnu ɑ n sere kɑ nùn nɔɔrimɔ.
6 Wee, ɑ nùn tɑkɑ kuɑ u kɑ nun gɛrɛrɛm dɑ.
Wee, ɑ nùn yiiko kɑ bɛɛrɛ wɛ̃ nge sunɔ.
7-9 Wee, ɑ nùn kuɑ wirugii tɑkɑ koorɑ kpuro sɔɔ.
Wiyɑ u kpɑɑku yɛɛ nɔmɑ sikerenɛ.
Wiyɑ u gbeeku yɛɛ nɔmɑ sikerenɛ.
Wiyɑ u gunɔsu nɔmɑ sikerenɛ.
Wiyɑ u swɛ̃ɛ nɔmɑ sikerenɛ,
kɑ hunde konibɑ kpuro nim sɔɔ.
10 Gusunɔ bɛsɛn Yinni, wunɛn yĩsirɑ kpɑ̃
hɑnduniɑ kpuro sɔɔ.