6
1 Womu ge Dɑfidi u wom kowobun wirugii kuɑ kɑ mɔrɔku. Ge wee.
2 Yinni Gusunɔ, ɑ kɑ mɑn mɔru sɑ̃ɑ,
ɑdɑmɑ nɑ nun kɑnɑmɔ,
ɑ ku mɑn gerusi, ɑ ku mɑn sɛɛyɑsiɑ.
3 A nɛn wɔnwɔndu wɑɑwo, ɑ mɑn bɛkio,
domi nɛn wɑsi kun dɑm mɔ.
Wee nɑ gɔɔ dɔɔ.
4 Nɛn bwɛ̃rɑ kun kpĩ.
Yinni, sere sɑɑ yerɑ̀ kɑɑ mɑn deri mɛ.
Sɑɑ yerɑ̀ kɑɑ mɑn somiru nɑ.
5 A wurɑmɑ ɑ mɑn fɑɑbɑ ko.
A mɑn wɔro wunɛn durom sɔ̃.
6 Domi wi u gu u ǹ mɑɑ wunɛn bwisikunu mɔ̀.
Wi bɑ sikɑ u ǹ mɑɑ kpɛ̃ u nun sɑ̃.
7 Yinni Gusunɔ, weeweenu derɑ nɑ ǹ dɑm mɔ.
Wɔ̃kuru bɑɑtere nɛn nɔni yĩresu rɑ n kokumɔwɑ.
Wɔ̃kuru bɑɑtere nɛn kpin yerɑ rɑ n wɑɑrewɑ.
8 Nɛn nɔni mɔsɑ swĩin sɔ̃.
Yibɛrɛbɑrɑ bɑ mɑn yeni kpuro koosiɑ.
9 Bɛɛ be i kɔ̃sɑ mɔ̀ kpuro, i doonɔ nɛn min di,
domi nɑ fɑɑbɑ kɑnɑ.
Yinni Gusunɔ u nɛn wuri nuɑ.
10 U nɛn weeweenu nuɑ.
U nɛn kɑnɑru mwɑ.
11 Yinni Gusunɔ u koo nɛn yibɛrɛbɑ kɑmiɑ,
kpɑ bu sekuru wɑ.
U koo bu girɑ,
kpɑ bu biruku yirɑ wurɑ kɑ sekuru.