25
Mgo Igbogoy odyow to poghimu to Tukbung to Magboboot
1 Nigkagi ka Magboboot ki Mosis to, 2 “Nangoni nu ka mgo otow to Israil to pog-aap to igtubad kai’t koddi. Tinawaa nu ka igbogoy koddi ligkat to agad hontow no duon goinawa to pogbogoy. 3 Soini ka mgo igbogoy no ogtinawoon nu ligkat kandan; bulawan, plata woy brunsi; 4 mgo sinulid no moilom, moitom-itom woy ka malaaba, mgo manggad no dorodyawi; mgo bulbul to kambing; 5 Tinawaa nu pad ka mgo laplap to mgo lukosan no karniru no pig-ood to malaab, woy mgo laplap to mgo bakabto dagat; mgo kadyu no akasya; 6 mgo lana ligkat to olibu no igpaparokot to mgo ilaw; mgo aanag no ig-amut to lana no igtutuus woy no ig-amut to moomut no palina; 7 mgo batu no oniks woy duma pad no mgo mahalon no mgo batu no igpo-ilin-ilin to ipodcwoy to manggad to sosoobon to taagpanubad.
8 “Pohimua nu sikandan koddi to in-oog no tukbung, woy og-ugpo a duma kandan. 9 Himua now ka tukbung woy ka tibon mgo kaaglagan to sikan no unawa ian to ipapitow ku koikow.
Ka Sooranan to Kasabutan
10 “Ogpohimuon nu sikandan to sooranan to kadyu no akasya. Oghimuon now ka sooranan no lalima no dangow ka kaadyatan, tatou no dangow ka kau-agan woy tatou no dangow ka katikangan. 11 Pakopkopi now ka sooranan to bulawan, dio to sood woy dio to libuwasan, woy po-ilin-ilini now ka palibut din to bulawan. 12 Himui nu to hop-at no sising to tinunow no bulawan no igsabuk now to hop-at no paa to sooranan; daruwa no sising to sagboka no kilid woy daruwa to limang. 13 Songo himua nu ka daruwa no loungan to kadyu no akasya, woy pakopkopi nu to bulawan. 14 Iluglug nu ka mgo loungan to mgo sising to mgo kilid to sooranan no igtiang now to sikan. 15 Igaat now ka mgo loungan dio to mgo sising to soini no sooranan; kono now og-awoon ian. 16 Isood now to sooranan ka Kasabutan no igbogoy ku koikow.
Ka Soob to Pogpokog-uli
17 “Himua nu ka soob no bulawan no tuus to pogpokog-uli, no lalima no dangow ka kaadyatan woy tatou no dangow ka kau-agan to soob. 18 Himua now ka daruwa no kirubdto sinalsal no bulawan no og-untud to mgo koopusan to soob. 19 Isabuk nu ka sagboka no kirub to sagboka no koopusan to soob, woy ka dangob no kirub dio to limang; woy isabuk now sikandan odyow no ogkasagboka to soob. 20 Ogpinogtangko no og-unduk ka mgo
kirub woy ogkawoy ka mgo pakpak dan no oghoung to soob. 21 Isabuk nu ka soob dio to ampow to sooranan, woy isood nu ka Kasabutan no igbogoy ku koikow. 22 Ogtangko a koikow dio to ampow to soob to sooranan to Kasabutan dio to taliwaro to daruwa no kirub woy ognangonan ku sikoikow to tibon mgo sugu ku to mgo otow to Israil.
Pigmaupot no mgo kinagian
To nigmoori no mgo kinagian to duma no mgo birsikulu to kapitulu 25 pohondio to kapitulu 30, nigparagas ka Magboboot to pognangon ki Mosis ko nokoy ka mgo oghimuon din. Pigmaupot noy soini to kuntoon odyow no magaan kow ogpakagon-gon to mgo maasi ogbasahon no mgo baad to libru to Exodu di uromo ogkohokad porom ka tibo to soini.
To Kapitulu 25 birsikulu 23 pohondio to 30 (Exodu 25:23-30), nignangon ka Magboboot moitongod to lamisa no ogsabukan to pan dio to tangkaan to Magboboot. To Exodu 25:31-40 nignangon sikandin moitongod to unturanan to ilawan no isabuk to sood to tukbung to Magboboot.