4
Ka Tubad Odyow to Pog-awo to Sao
27 “Ko duon otow to koot-otawan now no ogpakasao no waro din tuuri no oghimu sikandin to ingkono to in-udlin to Magboboot, nakasao ian sikandin. 28 Ko ogkataga sikandin no nakasao naan, og-aap sikandin to sagboka no boian no kambing no waro maroot no ian ka litos no igpanubad din tongod to sao din. 29 Ogsampoongan din to boad din ka uu to sikan no igpanubad din tongod to sao din, woy oghimatadyan din to tubaranan to tutungonon no mgo igpanubad. 30 No ighalit to taagpanubad ka tinuru din to langosa to kambing woy ipoid din to sungay-sungay to tubaranan to tutungonon woy igbus-ug din ka duma no langosa dio to diraom to tubaranan. 31 Og-awoon to taagpanubad ka tabo to kambing unawa to oghimuon din to tubad to pogkasagboka, woy ogtutungon to taagpanubad ka tabo duon to tubaranan no ogkohomutan ka Magboboot to pogngarog din. Sikan ian ka oghimuon to taagpanubad odyow no ogpokog-uli ka otow woy to Magboboot, woy ogpo-iguon to Magboboot ka sao to otow.”