30
Mgo Kinagian ni Agur
1 Soini ka mgo kinagian to Magboboot pinabadyo ki Agur no anak ni Yaki no ingkakagi rin ki Itiil woy ki Ukala. 2 Kagi rin to “Waro katagaanan ku unawa to duma no mgo otow; kono a ogpakasabut unawa to otow. 3 Waro a makapurut to kougsoban, woy waro katagaanan ku tongod to In-oog no Magboboot.
4 Hontow ka nakapanoik to langit no nigpamanoug man do? Hontow ka nakakomu to kaamag to boad din? Hontow ka naka-abon to mgo dagat duon to kinabo din? Hontow ka nigpos-ok to katamanan to tano? Hontow ka ngaran din woy ka ngaran to anak din? Nangoni a nu ko nataga ka!
5 Waro maroot no naka-amut to mgo kinagian to Magboboot; sikandin ka kaasag to tibo no og-aput kandin. 6 Doka'g timuli ka kandin no mgo kinagian, su ogsaparan ka rin woy ipoitaga rin no ubaton ka.
7 Daruwa ka ogbudyuon ku koikow Magboboot; doka a nu ligaa to kono a pad ogkamatoy; 8 An-anadyan, ipamariu nu koddi ka mgo ubat woy poggawoy; igkorangob, doka a nu bogadyi to pogkawaraan woy to pogkadatu, bogadyi a nu ro to ogkoonon ku allow-allow. 9 Hoo su ko ogkaruonan a og-iniugan ku sikoikow woy ognangon a to 'Hontow ka Magboboot?' woy ko ogkawaraan a naugpa ogpanakow a no ogligsoman ku ka ngaran to Magboboot ku.
10 Doka'g kagi to maroot tongod to sagboka no suguanon duon to igbudyag din, su ogkatungadyawan ka rin, woy ogkabaybadyaran ka ian.
11 Duon mgo otow no ogtungadyow to mgo amoy ran woy no kono ogpabolig to mgo inoy ran; 12 woy duon mgo otow no naan dan no malinis sikandan dokad di waro pad na-awo ka pogkamaligsom dan. 13 Songo duon mgo otow no ogparakol-dakol to pogpitow ran no igdoisok dan to pogpitow ka mgo duma ran, 14 woy duon mgo otow no ogkounawa to mgo mabuut no magintaunan no magaang to ngipon unawa to mgo kampilan; ogkoonon dan ka mgo otow no nawaraan woy og-awoon dan ka mgo nana-adyu-adyu.
15 Daruwa ka anak to limatok. Ungud og-umow sikandan to “Bogadyi a, bogadyi a!”
Tatou ka kono ogkabuung, hop-at ka kono ogkagi to “Litos on!” 16 An-anadyan ka lobonganan, igkorangob ka aanakan no kono ogpaka-anak, igkatou ka tano no kono ogkabuung to uran woy igkohop-at ka hapuy no kono ogkagi to “Litos on!”
17 Ogkatuktukan to uwak ka mata to otow no ogsuy-at to amoy rin, woy ogkoonon to mandadawi no manuk-manuk ka mata to otow no ogsamili to pogpannalinga to inoy rin.
18 Tatou ka ogkohinaatan ku, hop-at ka kono kud ogkasabutan: 19 an-anadyan ka daan to banug duon to aw-awangan, igkorangob ka daan to uod duon to daama, igkatou ka daan to barku duon to taliwaro to dagat, woy igkohop-at ka daan to lukos duma to daaga.
20 Soini ka oghimuon to agkadyon no boi: ogkoon sikandin woy ogpunasan din ka bobo din woy ogkagi sikandin to 'Waro nohimu ku no sao.'
21 Tatou ka ogpaka-antog to kalibutan, hop-at ka kono din ogkagoon: 22 an-anadyan ka suguanon no ogkohimu no hari, igkorangob ka angol-angol no otow no naantoy-haantoy lagboy, 23 igkatou ka boi no duon iglukos di kono'n indakoli to goinawa rin, woy igkohop-at ka suguanon no daaga no ogpakasoip to igbudyag din no boi.
24 Duon hop-at to kalibutan no maintok di mougsob lagboy: 25 an-anadyan ka mgo makut no kono'n manokal lagboy, di to guabung oglimuron dan panadya ka ogkoonon dan, 26 igkorangob, ka mgo badyirbno maintok do ka dadyagang dan, di ogpaka-ugpo sikandan to batuon, 27 igkatou ka mgo taangas no waro hari, di matapid ka poghipanow ran, 28 woy ka igkohop-at ka tiki no ogkapurut to boad ta ro, di ogkakitaan pad duon to dagdakol no mgo baoy to hari.
29 Tatou ka mabogat-bogat ko oghipanow sikandan, hop-at ka matigpos to pogwoil-woil: 30 an-anadyan ka lioncno mabantug to tibon mgo adyam no kono og-ituos to tangkaan to agad nokoy, 31 igkorangob ka lumansad no ogpo-ial-ial ko oghipanow, igkatou ka lukosan no kambing, woy igkohop-at ka hari no oghipanow duma to mgo sundau rin.
32 Ko nigpa-angol-angol ka no nigparakol-dakol, woy ko nigbabantaan ka to karootan, sagponga nu ka bobo nu to boad nu! 33 Hoo su unawa to oglibuwas ka linanoy ko ogguligawon ka gatas, woy unawa rod no oglibuwas ka langosa ko ogpinguson ka irong, oglibuwas ian ka pogpo-og-ogotoy ko ogkahinggat ka igkabou to mgo otow.